ავეჯის საგარანტიო პირობები

 

სს ,,ელიტ ელექტრონიქსი’’ (ს/კ 202268928) გილოცავთ შენაძენს და მადლობას გიხდით, რომ არჩევანი ჩვენზე შეაჩერეთ.

 

შესაძლო გაუგებრობის თავიდან აცილების მიზნით, გთხოვთ ყურადღებით გაეცნოთ საგარანტიო პირობებს და მომსახურების წესებს. ყოველგვარი გაუგებრობის გამოსარიცხად, წინამდებარე საგარანტიო ფურცელი შეიცავს ინფორმაციას კანონისმიერი გარანტიის თაობაზე.

 

კანონისმიერი გარანტია

 

თუ საქონელი ნაკლის მქონე აღმოჩნდა, მომხმარებელს უფლება აქვს, სს „ელიტ ელექტრონიქსს“  (ს/კ 202268928) მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, სს „ელიტ ელექტრონიქსს“ (ს/კ 202268928)  მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

საქონელი შეკეთებული ან შეცვლილი უნდა იქნეს გონივრულ ვადაში (3 (სამი) თვე) ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

საქონლის უსასყიდლოდ შეკეთება ან შეცვლა გულისხმობს სს „ელიტ ელექტრონიქსის“ (ს/კ 202268928) მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

 

მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

 

ა) ზემოთ აღნიშნულის შესაბამისად საქონლის შეკეთება ან შეცვლა შეუძლებელია;

ბ) სს „ელიტ ელექტრონიქსმა“ (ს/კ 202268928) საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) სს „ელიტ ელექტრონიქსის“ (ს/კ 202268928) მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:

ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;

ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;

გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.  მომხმარებელს უფლება აქვს, ისარგებლოს „მომხმარებლის უფლებების დაცვის შესახებ“ კანონის მე-17 (მომხმარებლის უფლებები) და მე-19 მუხლებით (კომერციული გარანტია) გათვალისწინებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა. მოქმედება არ ვრცელდება მეორეული საქონლის ნასყიდობაზე. ასეთი საქონლის ნასყიდობისას ზემოთ განსაზღვრულ შემთხვევაში მოვაჭრის პასუხისმგებლობა მხარეთა შორის ინდივიდუალური შეთანხმების საგანია.

 

საგარანტიო მომსახურება არ ხორციელდება, უქმდება თუ:

 

•          ნივთის შეცვლისას თუ მომხმარებლმა ავტორიზებული სერვის ცენტრის წარმომადგენელს ნივთი არ  გადასცა სრული კომპლექტაციით, შეიცვლება მხოლოდ ნივთის ის ნაწილი, რომელის გადაცემაც მოხდა;

•          ამოიწურა კანონისმიერი საგარანტიო ვადა;

•          მომხმარებელი ვერ წარმოადგენს საგარანტიო საბუთს და სხვაგვარად შეუძლებელია ნივთის იდენტიფიცირება;

•          საგარანტიო საბუთში წაშლილია ინფორმაცია ან გადაკეთებულია და სხვაგვარად შეუძლებელია ნივთის იდენტიფიცირება.

•          გაყიდულ ნივთზე მონაცემები წაშლილი, შეცვლილი, გადაკეთებულია.

•          წუნი გამოწვეულია ფიზიკური ზემოქმედებით და არასათანადო ექსპლუატაციით;

•          დაზიანება გამოწვეულია ჭექა-ქუხილით, უცხო სხეულების და სითხის შეღწევით, ექსპლუატაციისა და შენახვის წესების პირობების დარღვევით;

•          დაზიანება გამოწვეულია ცვალებადი, მაღალი ან დაბალი ელ.ენერგიის მიწოდებით;

•          წუნი გამოწვეულია ელ. ქსელის გაუმართაობით, ან მომხმარებლის ბრალეულობით ავეჯის დანესტიანებით;

•          სხვა გარეშე პირების მიერ ჩატარდა სამონტაჟო ან სარემონტო სამუშაოები, რამაც გამოიწვია ნივთის დაზიანება;

•          შეძენილი ავეჯი იქნა გამოყენებული კომერციული და სამეწარმეო მიზნებისთვის.

 

ნივთის შეცვლა ხდება მომხმარებლის თანხმობის საფუძველზე, იგივე, ნაკლები (სხვაობის დაბრუნებით) ან მეტი (განსხვავების დაფარვით) ღირებულების შეცვლის მომენტში გაყიდვაში არსებული ნივთით.

მისამართზე ნივთის დატოვების შემდეგ - თუ მომხმარებელი აღმოაჩენს რომ შეძენილი ავეჯის ზომები ან ვიზუალური მხარე შეუსაბამოა მისი ინტერიერისთვის - სს „ელიტ ელექტრონიქსი“ (ს/კ 202268928)  სრულად იხსნის ნივთის შეცვლის ან უკან დაბრუნების პასუხისმგებლობას.

 

საგარანტიო მომსახურება -

 

მყიდველმა პრობლემა უნდა დააფიქსიროს სს ,,ელიტ ელექტრონიქსის’’ (ს/კ 202268928) ცხელ ხაზზე  (032) 2 48 48 48; www.ee.ge; info@ee.ge. შეკვეთა გაფორმდება ბინაზე მომსახურეობით, რაც გულისხმობს -  მომხმარებელის მისამართზე სპეციალისტის ვიზიტს, სპეციალისტი გადაიღებს დაზიანების ამსახველ ვიდეო და ფოტო მასალას და ბრენდის რეკომენდაციის გათვალისწინებით დიაგნოზის პასუხს მომხმარებელი შეიტყობს შეკვეთის დაფიქსირებიდან - 5-7 სამუშაო დღის ვადაში.

მომსახურებასთან დაკავშირებული კითხვების ან პრობლემების შემთხვევაში ასევე შეგიძლიათ მოგვმართოთ სს ,,ელიტ ელექტრონიქსის’’ (ს/კ 202268928) ცხელ ხაზზე  (032) 2 48 48 48; www.ee.ge; info@ee.ge