პირდაპირი მარკეტინგისთვის პერსონალურ მონაცემთა დამუშავება

სს „ელიტ ელექტრონიქსი“ (ს/კ 202268928) გაცნობებთ, რომ 2024 წლის პირველი მარტიდან ძალაში შედის „პერსონალურ მონაცემთა დაცვის შესახებ“ საქართველოს კანონი ახალი რედაქციით, რომელიც სხვა საკითხებთან ერთად ახლებურად არეგულირებს სხვადასხვა საკითხებს და მათ შორის პირდაპირი მარკეტინგის მიზნებისთვის მონაცემთა დამუშავებას.

• გაცნობებთ, რომ პირდაპირი მარკეტინგის მიზნებისათვის სს “ელიტ ელექტრონიქსი” თვითონ როგორც მონაცემთა დამუშავებაზე პასუხისმგებელი პირი მონაცემების დამუშავებას ანხორციელებს კანონის ახალი რედაქციის შესაბამისად. შეტყობინებების დაგზავნა განხორციელდება როგორც უშუალოდ სს „ელიტ ელექტრონიქსი“-ს, ასევე მის მიერ დამუშავებაზე უფლებამოსილი პირების (კომპანიების) მეშვეობით. ჩვენს მიერ პირდაპირი მარკეტინგის მიზნებით დამუშავებული თქვენი პერსონალური მონაცემები არ გადაეცემა მესამე პირებს.
• პირდაპირი მარკეტინგის (სარეკლამო შეთავაზებების დაგზავნა) მიზნებისთვის დამუშავდება თქვენი მხოლოდ შემდეგი პერსონალური მონაცემები: სახელი, გვარი, ტელ. ნომერი, ელ. ფოსტა, მისამართი. იმ შემთხვევაში თუ თქვენ ჩვენს მაღაზიაში ვიზიტისას წერილობით განაცხადებთ თანხმობას, ჩვენ დამატებით დავამუშავებთ თქვენს ასაკს, სქესსა და მოქალაქეობას, რაც დამატებით მოგვცემს საშუალებას თქვენზე მორგებული შეთავაზების გამოსაგზავნად.
• პერსონალური მონაცემების პირდაპირი მარკეტინგის მიზნით დამუშავებაზე თქვენი თანხმობა გულისხმობს, რომ სს „ელიტ ელექტრონიქსი”-საგან (ს/კ 202268928) ან/და მისი პარტნიორი/კონტრაქტორი/შვილობილი კომპანიებისაგან თქვენ პირდაპირი მარკეტინგის საშუალებით მიიღებთ კანონმდებლობით ნებადართულ სარეკლამო ხასიათის შეთავაზებებს/შეტყობინებებს, რაც მოგცემთ შესაძლებლობას მუდმივად თვალი ადევნოთ ჩვენს სიახლეებს და აქციებს.      
• თქვენს ინტერესებზე მორგებული სარეკლამო შეთავაზებების დაგზავნა გულისხმობს, რომ შესაძლოა განხორციელდეს თქვენს შესახებ ზემოთ მოცემული გარკვეული მონაცემების ფილტრაცია/სეგმენტაცია პერიოდულად, სხვადასხვა მონაცემებით სეგმენტირებული/გაფილტრული ბაზის ერთჯერადი ფორმირება და სარეკლამო მარკეტინგული ხასიათის შეთავაზებების დაგზავნა;
• გთხოვთ ყურადღებით გაეცნოთ აქ მოცემულ ინფორმაციას. პირდაპირი მარკეტინგის მიზნით სარეკლამო შეტყობინებების მიღებაზე შეგიძლიათ დააფიქსიროთ პოზიცია შესაბამისი ციფრის გამოგზავნით (1 - მსურს მივიღო ჩემზე მორგებული შეთავაზებები სს „ელიტ ელექტრონიქსისგან“ (ს/კ 202268928), 2 -  არ მსურს მივიღო შეთავაზებები სს „ელიტ ელექტრონიქსისგან“ (ს/კ 202268928)) ნომერზე 90145. შეტყობინების გამოგზავნა უფასოა.
• გთხოვთ გაითვალისწინოთ, რომ უფლება გაქვთ ნებისმიერ დროს გამოიხმოთ თქვენი თანხმობა მარტივად, იგივე წესით, მოკლე ტექსტური შეტყობინების ტექსტურ ველში ციფრი 2-იანის გამოგზავნით ნომერზე 90145, რაც ნიშნავს - “არ მსურს მივიღო შეთავაზებები სს „ელიტ ელექტრონიქსისგან“.
• თქვენი თანხმობის გამოთხოვა ასევე შეგიძლიათ სატელეფონო ზარითაც ნომრებზე 2484848, *4848, სადაც ოპერატორს აცნობებთ თქვენს ნებას თანხმობის გამოთხოვის თაობაზე ან ვებ გვერდზე ნივთის შეძენისას შესაბამისი ველის მონიშვნით.
• სს „ელიტ ელექტრონიქსი“-ს (ს/კ 202268928) ვებ-გვერდზე (www.ee.ge) რეგისტრირებისას, ნივთის შეძენის შემთხვევაში მომსახურების მიღების მიზნით თქვენ გვაწვდით თქვენს პერსონალურ მონაცემებს. აღნიშნული მონაცემები გამოყენებულია მხოლოდ და მხოლოდ თქვენთან გარიგების დასადებად, მის შესასრულებლად და მომსახურების სათანადო ხარისხის უზრუნველსაყოფად. თუმცა, რეგისტრირებისას ან ავტორიზებისას თქვენ გხვდებათ მოსანიშნი ველი, სადაც თქვენ ეცნობით პირადი მონაცემების დამუშავების პოლიტიკას, ამავდროულად ეცნობით პირდაპირი მარკეტინგისთვის მონაცემების დამუშავების პირობებს და თუ თქვენთვის მისაღებია აღნიშნული პირობები, გეძლევათ შესაძლებლობა ცალკე მონიშნოთ, რომ ეთანხმებით პერსონალური მონაცემების დამუშავებას პირდაპირი მარკეტინგისთვის და ცალკე პერსონალური მონაცემების დამუშავებას მომსახურების მისაღებად.
• სს „ელიტ ელექტრონიქსის“ (ს/კ 202268928) ვებ-გვერდზე (www.ee.ge) უკვე დარეგისტრირებულ მომხმარებლებს მათი ავტორიზაციის შემდეგ, საკუთარი სურვილის ფარგლებში გეძლევათ შესაძლებლობა პირდაპირ, საკუთარ პროფილზე გადასვლისას, პროფილი და პაროლის განყოფილებაში მონიშნოთ პირდაპირი მარკეტინგული კომუნიკაციის ღილაკი და დაეთანხმოთ პროფილის განახლებს. ასევე შეკვეთის გაფორმებისას, გადახდის მეთოდის არჩევის შემდეგ მონიშნოთ პირდაპირი მარკეტინგული მიზნებისთვის განკუთვნილი ღილაკი. თანხმობის შემდეგ თქვენი პირადი მონაცემები ავტომატურად გენერირდება პირდაპირი მარკეტინგისთვის მონაცემების დამუშავების ბაზაში.
• თქვენი თანხმობის შემთხვევაში ზემოთ ნახსენებ პერსონალურ მონაცემთა დამუშავება პირდაპირი მარკეტინგის მიზნებისათვის მოხდება უვადოდ.
•  იმ შემთხვევაში, თუ ვებ-საიტზე დაეთანხმეთ პირდაპირი მარკეტინგული მიზნებისთვის პირადი მონაცემების დამუშავებას, გაქვთ უფლება ნებისმიერ დროს გამოიხმოთ თქვენი თანხმობა მარტივად. ამისთვის უნდა გადახვიდეთ ისევ პირადი პროფილის გვერდზე, პროფილი და პაროლის განყოფილებაში, პირდაპირი მარკეტინგული კომუნიკაციის ღილაკზე მონიშნული თანხმობა მოხსნათ და დაეთანხმოთ პროფილის ინფორმაციის განახლებას.
• თანხმობის გამოხმობით გონივრულ ვადაში, მაგრამ არაუგვიანეს 7 სამუშაო დღისა აღარ მოხდება პირდაპირი მარკეტინგის მიზნებისათვის თქვენი მონაცემების დამუშავება, აღარ მიიღებთ სარეკლამო შეტყობინებებს. თანხმობის გამოხმობის შეტყობინების გამოგზავნა უფასოა.
• პირდაპირი მარკეტინგისთვის მონაცემების დამუშავებაზე თანხმობის შემთხვევაში, შეთავაზებებს მიიღებთ: ტელეფონის ნომერზე ტექსტური ან ხმოვანი შეტყობინების ან პირდაპირი სატელეფონო ზარის სახით, ხოლო ელექტრონულ ფოსტაზე შეტყობინების სახით.