საიტის მოხმარების პირობები

კეთილი იყოს თქვენი მობრძანება სს 'ელიტ ელექტრონიქსი'-ს ინტერნეტ მაღაზიის ვებ გვერდზე, ჩვენი მომსახურებით სარგებლობისას თქვენ ეთანხმებით შემდეგ პირობებს :

 

1. გამოყენებული ტერმინები

 

წინამდებარე შეთანხმებაში გამოყენებული ტერმინები განიმარტება შემდეგნაირად:

1 'ელიტი' - სს 'ელიტ ელექტრონიქსი', მის: ქ. თბილისი, ქავთარაძის N3, საიდენტიფიკაციო ნომერი 202268928, ელ. ფოსტა info@ee.ge ტელ: *4848, 032 2 48 48 48; რეგისტრირებული კანონმდებლობის შესაბამისად და ვებ. გვერდი www.ee.ge მფლობელი.

2 'ელიტის ვებ-გვერდი' - სს 'ელიტ ელექტრონიქსი'-ს საკუთრებაში არსებული ვებ-გვერდი, რომლის ვებ მისამართია - https://ee.ge/ და მისი ყველა ქვეგვერდი;

3 'ინტერნეტ მაღაზია' - ინტერნეტ მაღაზია, რომელიც წარმოადგენს სს 'ელიტ ელექტრონიქსი'-ს საკუთრებას და რომლის ელექტრონული მისამართიც მითითებულია მეორე პუნქტში;

4 'საქონელი', 'პროდუქტი', 'პროდუქცია' - ელიტის ვებ გვერდზე რეალიზაციის მიზნით განთავსებული საქონელი;

5 'ინტერნეტ ბრაუზერი' - HTTP კლიენტი, ანუ პროგრამული აპლიკაცია, რომელიც საშუალებას აძლევს მის მომხმარებელს მიიღოს ინფორმაცია ვებ-სერვერებზე ან ფაილურ სისტემებში არსებული ჰიპერტექსტური მარკირების ენაზე შედგენილი დოკუმენტებიდან და სხვა მედია საშუალებებიდან;

6 'cookies' - ელექტრონული იდენტიფიკატორები, რომელსაც 'ელიტი' იყენებს იმისათვის, რომ 'ელიტის' ინტერნეტ მაღაზიის ვებ-გვერდზე ავტორიზაციაგაუვლელ პირს მისცეს ზოგიერთი სერვისით სარგებლობის ტექნიკური საშუალება; ინტერნეტ ბრაუზერის მწარმოებლის ვებ გვერდზე, როგორც წესი, მოიპოვება ინფორმაცია, თუ როგორ უნდა გათიშოთ 'cookies'-ები თქვენს ინტერნეტ მკვლევარში, თუმცა ამ შემთხვევაში თქვენ ვეღარ ისარგებლებთ ზემოთჩამოთვლილი ფუნქციებით, რომელიც კომფორტულს ხდის ჩვენთან ურთიერთობას, ამიტომ ჩვენი რეკომენდაციაა - მუდამ გქონდეთ ჩართული ეს ფუნქცია როდესაც ეწვევით ჩვენს ვებ გვერდს;

7 'დამთვალიერებელი' - პირი, რომელიც ელექტრონული კომუნიკაციის საშუალებით შედის ელიტის ვებ-გვერდზე და არ აქვს გავლილი ავტორიზაცია.

8 'ავტორიზაცია' - ელიტის ვებ-გვერდზე არსებულ ინფორმაციულ რესურსებზე სპეციალური წვდომის უფლების ფუნქცია, რომელიც დაკავშირებულია კომპიუტერულ და ინფორმაციულ უსაფრთხოებასთან და სხვა უფლებებთან და პრივილეგიებთან ერთად, ანიჭებს პირს უფლებას, ინტერნეტ მაღაზიით სარგებლობის მიზნით, შექმნას საკუთარი პროფილი ელიტ ელექტრონიქსის ვებ-გვერდზე, შეიყვანოს, გაეცნოს, შეასწოროსან დაამატოს ახალი;

9 'მომხმარებლის გვერდი'- ინტერნეტ მაღაზიის ვებ-გვერდზე არსებული ქვე-გვერდი, რომელსაც ქმნის მომხმარებელი რეგისტრაციის გავლის შედეგად და რომელიც ასახავს ამ მომხმარებლის პროფილში შეყვანილ ინფორმაციას, ასევე, მის მიერ მიცემულ შეკვეთებს და სხვა მასთან დაკავშირებულ საჭირო ინფორმაციას;

10 'ავტორიზაციის გავლა' - პირისათვის ავტორიზაციაში ნაგულისხმევი უფლების მინიჭება მომხმარებლის ვირტუალური სახელისა და გასაღების ელიტის ვებ-გვერდზე არსებულ შესაბამის გრაფაში ჩაწერის და ავტორიზაციის მოთხოვნის მეშვეობით;

11 'რეგისტრაცია' - პირის მიერ ინტერნეტ ბრაუზერის მეშვეობით ელიტის ვებ-გვერდზე სპეციალური პროცედურის გავლა, რაც პირის მიერ გულისხმობს მომხმარებლის ვირტუალური სახელისა და ვირტუალური გასაღების შექმნას და აძლევს პირს ინტერნეტ მაღაზიის ვებ-გვერდზე ავტორიზაციის გავლის საშუალებას;

12 'პერსონალური ინფორმაცია' - ინფორმაცია, რომელიც განსაზღვრულია, როგორც - 'პერსონალური მონაცემი' 'პერსონალურ მონაცემთა დაცვის შესახებ საქართველოს' კანონით;

13 'პროფილი' - მომხმარებლის მიერ რეგისტრაციის დროს თავის თავზე შევსებული ინფორმაცია.

14 'ინფორმაცია მომხმარებლის შესახებ' - ელექტრონული და სხვა ინფორმაცია, ასევე პერსონალური ინფორმაცია, რომელსაც აგროვებს სს 'ელიტ ელექტრონიქსი' ელიტის ვებ-გერდის მომხმარებლების და დამთვალიერებლების შესახებ;

15 'მომხმარებელი' - პირი, რომელსაც გავლილი აქვს რეგისტრაცია ელიტის ვებ-გვერდზე;

16 'ვირტუალური გასაღები' - სიმბოლოთა კომბინაცია, რომელსაც პირი ადგენს ელიტის ვებ-გვერდზე რეგისტრაციის დროს, საკუთარ მომხმარებლის გვერდზე წვდომისათვის და მისი დაცულობისათვის სხვა პირთა მიერ წვდომისაგან;

17 „ელ. ფოსტის მისამართი“- პირის ვირტუალური სახელი, რომელსაც პირი იყენებს ელიტის ვებ-გვერდზე რეგისტრაციის დროს, რათა მოხდეს მისი, როგორც მომხმარებლის იდენტიფიცირება ელიტის მიერ;

18 'სპამი' - პოსტი, რომელიც შეიცავს პირდაპირ ან არაპირდაპირ რეკლამას; ბმულს მავნე ვებ-გვერდზე; უცენზურო ან შეურაცხმყოფელ გამოთქმას; ელიტის ვებ-გვერდთან ირელევანტურ შინაარსს ან გენერირებულ ტექსტს.

19 'ვირუსი' - მავნე პროგრამული უზრუნვეყლოფა;

20 'ქარხნული შეფუთვა' - შეფუთვა რომლითაც მწარმოებელი ახდენს პროდუქციის რეალიზაციას.

21 'ელიტის შეფუთვა' - შეფუთვა რომლითაც შეკვეთის მიმცემი პირი პროდქუციას მიიღებს სს 'ელიტ ელექტრონიქსისაგან, გარდა სატრანსპორტო კომპანიის კონვერტისა (ან სხვა შეფუთვა პროდუქციის ტრანსპორტირების მიზნით), იმ შემთხვევაში თუ შეფუთვას გააჩნია მისი დაზიენბის გარეშე გახსნისათვის სპეციალურად გამოყოფილი ადგილი ან საშუალება, დაზიანებულ შეფუთვად ჩაითვლება გახეული, გაჭრილი ან სხვა გზით მთლიანობადარღვეული შეფუთვა;

22 'სასაქონლო სახე' - მწარმოებლის მიერ პროდუქტის გამოშვების მომენტში არსებული ვიზუალური და ფიზიკური მდოგომარებობა, როდესაც პროდუქტი მიმზიდველია მყიდველისათვის;

23 'სატრანსპორტო კომპანია' - კომპანია, რომელიც უზრუნველყოფს მომხმარებლის მიერ ელიტის საიტზე შეკვეთილი პროდუქციის ტრანსპორტირებას მომხმარებლამდე;

 

2. ელექტრონული კომუნიკაციის საშუალება

როდესაც ანთავსებთ ჩვენს ვებ გვერდზე შეკვეთას, ან გვიგზავნით შეტყობინებას, კომპანიასა და თქვენ შორის ხორციელდება ელექტრონული კომუნიკაცია, შესაბამისად,სს 'ელიტ ელექტრონიქსი' თქვენს დასმულ შეკითხვას თუ მოთხოვნას გამოეხმაურება ელექტრონულად (გარდა კანონით გათვალისწინებული შემთხვევებისა) ან თქვენს ელ. ფოსტაზე მოწერის გზით, ან/და შესაბამის განყოფილებაში ინფორმაციის (პასუხის) გამოქვეყნებით. აქედან გამომდინარე, ჩვენთან ურთიერთობის დაჭერის დროს თქვენ ეთანხმებით, რომ თქვენს მიერ მითითებული საკონტაქტო ინფორმაცია არის სწორი და ელექტრონულ კომუნიკაციას კომპანიასა და თქვენ შორის აქვს წერილობით დოკუმენტის ძალა და ორივე მხარეს აქვს უფლება იგი გამოიყენოს, როგორც ოფიციალური მიმოწერა მხარეებს შორის.

 

3. საავტორო უფლებები

'ელიტის' ელექტრონული მაღაზიის დიზაინი, მასზე განთავსებული ყველა პროდუქტი, ტექსტი, მელოდია, გამოსახულება, ხატულები, ლოგოები, ელექტრონულად ჩამოტვირთვადი ნაწარმი არის სს 'ელიტ ელექტრონიქსი'-ს ან ამ ნაწარმის მწარმოებელთა/მომწოდებელთა საკუთრება და იგი დაცულია საავტორო უფლებებით საქართველოსა და საერთაშორისო კანონმდებლობის შესაბამისად.

 

 4. მომხმარებლის გვერდი

თუ თქვენ იყენებთ ელიტის ინტერნეტ მაღაზიას და დარეგისტრირებული ხართ ინტერნეტ მაღაზიის ვებ-გვერდზე, მაშინ თქვენ გაქვთ ვირტუალური გასაღები თქვენს გვერდთან წვდომისათვის, აღნიშნული გასაღების დაცვა მესამე პირებზე გავრცელებისგან თქვენი ვალდებულებაა.

 

5. არასრულწლოვანი მყიდველი

სს 'ელიტ ელექტრონიქსი' არ ახორიციელებს პროდუქციის რეალიზაციას ბავშვებზე, არასრულწლოვნების შემთხვევაში, პროდუქციის შეკვეთა უნდა მოხდეს უფროსებთან შეთანხმებით.

სს 'ელიტ ელექტრონიქსი' იტოვებს უფლებას გააუქმოს ნებისმიერი შეკვეთა წინასწარი შეთანხმების გარეშე.

 

6. მიმოხილვა, კომენტარების დატოვება, კომუნიკაცია და სხვა შიგთავსი

 

მომხმარებლებსა და დამთვარიელებლებს შეუძლიათ დატოვონ კომენტარები, განიხილონ პროდუქცია, გაუზიარონ ერთმანეთს გამოცდილება, იდეები, კითხვები ან სხვა ინფორმაცია თუ ასეთი ქმედება არ არის აკრძალული კანონით, დამამცირებელი, გამაღიზიანებელი, წამქეზებელი, სხვისი პერსონალური ინფორმაციის ან ინტელექტუალური საკუთრების ამსახველი ან თუ არ არის რაიმე სხვა არამართლზომიერი გზით მესამე პირისთვის ზიანის მიმყენებელი ან ვირუსის, პოლიტიკური კამპანიის, რეკლამის შემცველი ან რაიმე სხვა სახის 'სპამი'-ს შემცველი. მომხმარებელს არ აქვს უფლება გამოიყენოს სხვა პირის ელექტრონული ფოსტის (ან სხვა) მისამართი და იმოქმედოს სხვა პირის სახელით, ხოლო სს 'ელიტ ელექტრონიქსი'-ს აქვს უფლება (და არა ვალდებულება) მომხმარებლის მიერ ნებისმიერი ზემოთჩამოთვლილი წესის უგულვებელყოფის შემთხევაში აღკვეთოს ასეთი ქმედება (წაშალოს მის მიერ წესების დარღვევით გამოქვეყნებული ინფორმაცია, გაუუქმოს მომხმარებელს ელექტრონული გასაღები ან სხვა.)

ელიტის ვებ-გბერდზე გამოქვეყნებული ინფორმაციის კანონთან შესაბამისობაზე პასუხისმგებელი არის ამ ინფორმაციის ავტორი. ინფორმაციის გამოქვეყნებით პირი აძლევს უფლებას სს 'ელიტ ელექტრონიქსი'-ს თავისი შეხედულებისამებრ გამოიყენოს აღნიშნული ინფორმაცია. ამავე დროს, მესამე პირისათვის ამგვარი გამოქვეყნებით მიყენებული ზიანისათვის პასუხისმგებლობა ეკისრება აღნიშნული ინფორმაციის ავტორს.

 

7. პროდუქტის დაკარგვის ან დაზიანების რისკი

 

სს „ელიტ ელექტრონიქსის“ ინტერნეტ მაღაზიით ნებისმიერი ტექნიკის შეძენისას გადამზიდავ კომპანიას წარმოადგენს სს „ელიტ ელექტრონიქსი“ (ს/კ 202268928) ან ვოლტი. თავის მხრივ, სს „ელიტ ელექტრონიქსი“ (ს/კ 202268928) და ვოლტი მხოლოდ საქართველოს მასშტაბით ოპერირებს საქონლის მისაწოდებლად.

 სს „ელიტ ელექტრონიქსი“ (ს/კ 202268928) ან ვოლტით ტრანსპორტირების შემთხვევაში გაუგებრობის თავიდან აცილების მიზნით, მომხმარებელს უფლება აქვს არ ჩაიბაროს სატრანსორტო კომპანიისგან დაზიანებული შეფუთვით მიტანილი გზავნილი და ამ ფაქტის შესახებ დაუყოვნებლივ აცნობოს სს „ელიტ ელექტრონიქსს“ შემდეგ ელ. ფოსტაზე: INFO@EE.GE, ან დაუკავშირდეს საინფორმაციო სამსახურს ნომერზე: 032 2 48 48 48.

დაჟინებით ვთხოვთ ჩვენს მომხმარებლებს ყურადღებით შეამოწმონ გზავნილის შეფუთვა მანამ, სანამ ხელს მოაწერენ სატრანსპორტო აგენტის შესაბამის დოკუმენტაციაზე. გზავნილის შეფუთვის დაზიანების შემთხვევაში, მომხარებელს უფლება აქვს სატრანსპორტო კომპანიისგან არ ჩაიბაროს გზავნილი ან სატრანსპორტო აგენტთან ერთად გახსნას გზავნილი მის ჩაბარებამდე, დარწმუნდეს მის დაუზიანებლობასა და მოდელისა და რაოდენობის სისწორეში და მხოლოდ ამის შემდეგ მოაწეროს ხელი გზავნილის ჩაბარების დოკუმენტს.

დაუზიანებელი შეფუთვით მიღებული დაზიანებული პროდუქციის ან შეცდომით მიღებული შეკვეთის შემთხვევაში, გთხოვთ, გადაუღოთ მიღებულ გზავნილს დაზიანების ან/და შეცდომის ამსახველი ფოტოსურათი და ამ ფაქტის შესახებ მოგვწეროთ შემდეგ ელ. ფოსტაზე:INFO@EE.GE

დამატებით გაცნობებთ რომ ნებისმიერი სახის დაზიანებაზე პასუხისმგებელია სს „ელიტ ელექტრონიქსი“.

 

8. საქონლის და თანხის უკან დაბრუნება

 

საქართველოს კანონმდებლობისა და ამ პოლიტიკით დადგენილი გამონაკლისების გარდა, მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში. ეს ვადა აითვლება:

ა) მომსახურების ხელშეკრულების შემთხვევაში − ხელშეკრულების დადებიდან;

ბ) ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;

გ) მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;

დ) საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.

 

მომხმარებლის მიერ ხელშეკრულებაზე უარის თქმის შემთხვევაში მას არ დაეკისრება არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც მომხმარებელმა სს „ელიტ ელექტრონიქსის“ მიერ შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება აირჩია ან საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან. საქონლის ფასის შემცირების შედეგად წარმოშობილი სხვაობის დაფარვის ვალდებულება მომხმარებელს არ დაეკისრება, თუ სს „ელიტ ელექტრონიქსმა“ მას ამ კანონით გათვალისწინებული ხელშეკრულებაზე უარის თქმის უფლების შესახებ სრული ინფორმაცია არ მიაწოდა.

 

მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

 

მომხმარებელი ვალდებულია სს „ელიტ ელექტრონიქსს“ ზემოთ აღნიშნულ ვადაში გაუგზავნოს შევსებული ფორმა ან სხვა ცალსახა მტკიცებულება, რომელიც ასახავს მომხმარებლის გადაწყვეტილებას საქონლის დაბრუნების შესახებ.  ხელშეკრულებაზე უარის თქმის უფლების დადგენილ ვადაში განხორციელების მტკიცების ტვირთი მომხმარებელს ეკისრება.

 

შესავსები ფორმა გთხოვთ იხილოთ აქ. 

 

სს „ელიტ ელექტრონიქსს“ უფლება აქვს, ზემოთ გათვალისწინებული ფორმა ელექტრონულად ჩაიბაროს. აღნიშნული ფორმის ჩაბარების შესახებ ინფორმაცია მომხმარებელს მიეწოდება დაუყოვნებლივ, ხანგამძლე მატარებელზე.

 

მომხმარებელს შეუძლია ხელშეკრულებაზე უარის თქმის უფლება განახორციელოს ზემოთ დადგენილ ვადაში, თუ მან ხელშეკრულებაზე უარის თქმის შესახებ შეტყობინება სს „ელიტ ელექტრონიქსს“ აღნიშნული ვადის ამოწურვამდე გაუგზავნა. იმის მტკიცების ტვირთი, რომ ხელშეკრულებაზე უარის თქმის უფლება ამ მუხლის შესაბამისად განხორციელდა, მომხმარებელს ეკისრება.

 

თუ სს „ელიტ ელექტონიქსი“ მომხმარებელს არ მიაწვდის ინფორმაციას ამ კანონით გათვალისწინებული საქონლის ან მომსახურების დაბრუნების უფლების შესახებ, აღნიშნული საქონლის ან მომსახურების დაბრუნება შესაძლებელია ამ მუხლის პირველი პუნქტით დადგენილი ვადის გასვლიდან 12 თვის განმავლობაში.

 

თუ სს „ელიტ ელექტრონიქსმა“ მომხმარებელს ამ მუხლის პირველი პუნქტით დადგენილი ვადის ათვლის მომენტიდან 12 თვის ვადაში მიაწოდა ინფორმაცია ხელშეკრულებაზე უარის თქმის უფლების შესახებ, საქონლის ან მომსახურების დაბრუნების 7-დღიანი ვადა აღნიშნული ინფორმაციის მიღებიდან აითვლება.

 

მომხმარებელს არ აქვს უფლება, უარი თქვას ხელშეკრულებაზე, თუ:

 

ა) სს „ელიტ ელექტრონიქსმა“ ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;

ბ) ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც სს „ელიტ ელექტრონიქსი“ ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა;

გ) მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;

დ) მიწოდებული საქონელი მალფუჭებადია ან მას მოკლე ვარგისობის ვადა აქვს;

ე) მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;

ვ) მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;

ზ) ხელშეკრულების პირობების შესაბამისად, მომხმარებელმა მოვაჭრე გადაუდებელი სარემონტო/ტექნიკური მომსახურების გასაწევად გამოიძახა. ეს შეზღუდვა არ ვრცელდება ამ ვიზიტის ფარგლებში აღნიშნული მომსახურების მიღმა გაწეულ დამატებით მომსახურებაზე;

თ) მიწოდებულ იქნა დალუქული აუდიო - ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;

ი) ხელშეკრულება საჯარო აუქციონის შედეგად დაიდო;

კ) ხელშეკრულება დაიდო უძრავი ქონების არასაცხოვრებელი მიზნით გადაცემაზე, საქონლის გადაზიდვაზე, სატრანსპორტო საშუალების ქირავნობაზე, კვების ორგანიზებაზე ან დასვენებასთან დაკავშირებულ მომსახურებაზე და მასში მითითებულია ხელშეკრულების შესრულების განსაზღვრული თარიღი ან პერიოდი;

ლ) მას ციფრული შინაარსი მიეწოდა არამყარი მატარებლით, ხელშეკრულების შესრულება მომხმარებლის წინასწარი თანხმობით დაიწყო და მომხმარებელმა იცოდა, რომ ამით დაკარგავდა ხელშეკრულებაზე უარის თქმის უფლებას;

 

ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ან სარეწის გარეთ დადებული ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ.

 

ხელშეკრულებაზე უარის თქმის შემთხვევაში სს „ელიტ ელექტრონიქსი“ ვალდებულია:

 

ა) მომხმარებელს გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა. სს „ელიტ ელექტრონიქსი“ ვალდებული არ არის, მომხმარებელს დაუბრუნოს იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია მომხმარებლის მიერ არასტანდარტული ან სს „ელიტ ელექტრონიქსის“ მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან;

ბ) თანხა აანაზღაუროს გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს და მას დამატებითი ხარჯი არ წარმოეშობა.

3. ნასყიდობის ხელშეკრულებაზე უარის თქმის შემთხვევაში სს „ელიტ ელექტრონიქსს“ უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.

 

ხელშეკრულებაზე უარის თქმის შემთხვევაში მომხმარებელი ვალდებულია:

 

ა) სს „ელიტ ელექტრონიქსს“ ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც სს „ელიტ ელექტრონიქსმა“ თავად იკისრა საქონლის უკან წაღება;

ბ) გასწიოს მხოლოდ საქონლის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც სს „ელიტ ელექტრონიქსმა“ თავად იკისრა ამ ხარჯის გაწევა ან მომხმარებელს არ მიაწოდა ინფორმაცია იმის შესახებ, რომ საქონლის დაბრუნების შემთხვევაში ეს ხარჯი წარმოიშობოდა. სარეწის გარეთ დადებული ხელშეკრულების შემთხვევაში, როდესაც საქონელი მომხმარებელს სახლში მიეწოდება, სს „ელიტ ელექტრონიქსი“ ვალდებულია საქონელი საკუთარი ხარჯით წაიღოს უკან, თუ, საქონლის ბუნებიდან გამომდინარე, მისი ფოსტით გაგზავნა შეუძლებელია.

 

9. პროდუქციის ღირებულება

 

ჩვენს ვებ გვერდზე მოცემული ფასები შეიცავს პროდუქციის ღირებულებასა და საქართველოს კანონდებლობით გათვალისწინებულ ყველა გადასახადს. თუ შეცდომა პროდუქტის ფასში მომხმარებლისთვის აუარესებს შეძენის პირობებს, ჩვენ შეგითანხმებთ ამგვარ შემთხვევას და მხოლოდ თქვენი თანხმობის შემთხვევაში შევასრულებთ თქვენს შეკვეთას, შეთანხმების მიუღწევლობის შემთხვევაში, თქვენი შეკვეთა გაუქმდება.

სასურველი პროდუქციის შერჩევის შემდეგ, გადახდის ღილაკის არჩევისას, თქვენი ბარათიდან თანხის ჩამოჭრა ხდება ავტომატურად.

 

10. შეზღუდული პასუხისმგებლობა

 

სს 'ელიტ ელექტრონიქსი'-ს ინტერნეტ მაღაზიის გამოყენებისას თქვენ ეთანხმებით საიტის მოხმარების წესებს. სს 'ელიტ ელექტრონიქსი' არ აგებს პასუხს არაოფიციალური გვერდებიდან შესრულებულ შეკვეთებსა თუ ტრანზაქციებზე. სს „ელიტ ელექტრონიქსის“ ერთადერთ ოფიციალურ ვებ გვერდს წარმოადგენს www.ee.ge.

 

 11. მარეგულირებელი კანონმდებლობა

 

'ელიტის' ინტერნეტ მაღაზიით სარგებლობისას თქვენ თანხმობას აცხადებთ, რომ ნებისმიერი დავა, რომელიც შეიძლება წარმოიშვას თქვენსა და სს 'ელიტ ელექტრონიქსი'-ს შორის რეგულირდება საქართველოს მოქმედი კონონმდებლობით.

 

12. ოფიციალური მიმართვა სს 'ელიტ ელექტრონიქსი'-ს

 

სს 'ელიტ ელექტრონიქსი'-ს ოფიციალური მიმართვები და წერილები ჩაბარებულად ჩაითვლება, თუ იგი მიწოდებული იქნება დაზღვეული ფოსტის მეშვეობით შემდეგ მისამართზე: საქართველო, ქ. თბილისი, პ.ქავთარაძის #3, სს 'ელიტ ელექტრონიქსი'-ს ოფისი.

 

13. პერსონალური ინფორმაცია

 

სს 'ელიტ ელექტრონიქსი' თავისი საქმიანობის დროს ვალდებულია დაიცვას მომხმარებლის პირადი მონაცემები საქართველოს კანონმდებლობის, მათ შორის, პერსონალურ მონაცემთა დაცვის შესახებ კანონმდებლობის შესაბამისად.

ქვემოთ მოცემულია ინფორმაცია იმის შესახებ, თუ რა პერსონალურ ინფორმაციას ვამუშავებთ და ვიყენებთ ინტერნეტ მაღაზიის წარმატებული მუშაობისა და თქვენი ეფექტური მომსახურებისთვის:

ჩვენს მიერ შეგროვებული ინფორმაცია გვეხმარება მუდმივად გავაუმჯობესოთ და გავამარტივოთ ჩვენი მომსახურება, ქვემოთ მოცემულია ინფორმაციის ტიპები, რომელსაც ჩვენ ვიყენებთ:

 

ინფორმაცია, რომელსაც გვაწვდით თავად - ჩვენ ვიღებთ და ვინახავთ ნებისმიერ ინფორმაციას, რომელსაც გვაწვდით ინტერნეტ მაღაზიაში ან სხვა საშუალებით. თქვენ შეგიძლიათ არ მოგვაწოდოთ ესა თუ ის ინფორმაცია, თუმცა ამ შემთხვევაში, ვერ ისარგებლებთ იმ უპირატესობებით, რომელი უპირატესობების სარგებლობისათვის აუცილებელია ესა თუ ის ინფორმაცია, მაგალითად, თუ არ გვეცოდინება თქვენი მისამართი ვერ დავითვლით ტრანსპორტირების ფასს შეკვეთის გაფორმებამდე და მისამართის შესახებ ინფორმაციის მოწოდებამდე.

ავტომატურად მოწოდებული ინფორმაცია - ჩვენ ვინახავთ და ვიყენებთ თქვენი ინტერნეტ ბრაუზერის მიერ ავტომატურად მოწოდებულ ინფორმაციას, როგორიცაა 'cookies'-ს.

მობილურის შემთხვევაში - მაშინ როდესაც თქვენ იყენებთ სს 'ელიტ ელექტრონიქსი'-ს მობილურ აპლიკაციას (ასეთის არსებობის შემთხვევაში) ჩვენ შეიძლება მივიღოთ და გამოვიყენოთ ინფორმაცია თქვენ ადგილმდებარეობისა და თქვენი მოწყობილობის უნიკალური ნომრის (EMEI, MAC Address და სხვა) შესახებ. ჩვენ შეიძლება გამოვიყენოთ ეს ინფორმაცია თქვენთვის ადგილმდებარეობის შესაბამისი მომსახურების მოწოდებისათვის.

ელექტრონული ფოსტა - ელექტრონული კომუნიკაციების სრულყოფის მიზნით, ჩვენ ხშირად ვიღებთ დადასტურებას იმის შესახებ, რომ თქვენ მიიღეთ ჩვენი წერილი და გაეცანით მას.

სხვა წყაროებიდან მიღებული ინფორმაცია - ჩვენ ასევე შეიძლება მივიღოთ ინფორმაცია თქვენ შესახებ სხვა წყაროებიდან, და ეს ინფორმაცია ჩავამატოთ თქვენ შესახებ ინფორმაციაში. მაგალითად, თუ თქვენ გამოიყენებთ Facebook-ით ავტორიზაციას, მაშინ ჩვენ შეიძლება ავტომატურად ავიღოთ Facebook-ის მიერ ღიად მოწოდებული ინფორმაცია თქვენ შესახებ.

 

14. აუცილებელი მინიმალური ინფორმაციის გადაცემა მომსახურების მომწოდებელ მესამე პირზე

 

მომწოდებელ მესამე პირზე მისი საქმიანობის განხორციელებისათვის და მომხმარებლისათვის სრულყოფილი სერვისის მიწოდების მიზნით, 'ელიტი' სარგებლობს სხვა კომპანიების საბანკო და საკურიერო სერვისებით. ამ შემთხვევაში,ელიტი, აუცილებელ პერსონალურ ინფორმაციას (ტვირთის მიმღები პირის სახელი, გვარი, მისამართი, პირადი ნომერი, საბანკო ანგარიშის ნომერი, შეკვეთის ერთჯერადი კოდი, შეკვეთის თარიღი) აწვდის მესამე პირს და /ან პირებს.

 

ბიზნესის განვითარება - ჩვენი კომპანია მუდმივად განვითარებადი კომპანიაა, შესაბამისად ჩვენ შეიძლება წამოვიწყოთ ახალი სახის საქმიანობა, ასეთ შემთხვევაში, ჩვენ შეიძლება გამოვიყენოთ თქვენ შესახებ ჩვენს ხელთ არსებული ინფორმაცია ჩვენი ახალი ბიზნეს ინტერესებისათვის.

თქვენი ნებართვით - თუ ჩვენ განვიზრახავთ თქვენ შესახებ ინფორმაციის მესამე პირზე გადაცემას (გარდა ზემოთაღნიშნული შემთხვევებისა) ამის შესახებ ჩვენ წერილობით გაცნობებთ და მხოლოდ თქვენი დასტურის მიღების შემდეგ გადავცემთ ინფორმაციას მესამე პირს.

 

15. ინფორმაციის გადაცემა მესამე პირზე მომხმარებლის ნებართვით

 

ისეთი პერსონალური მონაცემების გადაცემა მესამე პირზე, რაც არ არის გათვალისწინებული ამ შეთანხმებით და კანონმდებლობით, შეიძლება მოხდეს მხოლოდ მონაცემთა სუბიექტის წერილობითი თანხმობით.

 

16. მომხმარებლის პასუხისმგებლობა საკუთარი ინფორმაციის დაცვაზე

 

თქვენ ხართ პასუხიმგებელი თქვენს კომპიუტერთან და თქვენს კოდთან სხვა პიროვნებების წვდომაზე, ყოველთვის გამოიყენეთ 'გასვლა'-ის ფუნქცია როდესაც ტოვებთ კომპიუტერს ყურადღების მიღმა.

 

17. მომხმარებლის წვდომა საკუთარ მონაცემებთან

 

მომხმარებელს წვდომა აქვს ელიტის ვებ-გვერდზე მის შესახებ არსებული მონაცემებიდან თითქმის ყველა მონაცემთან და ყველა მონაცემთან, რომელიც ელიტის ვებ-გვერდზე რეგისტრაციის დროს შეიყვანა პირადად. მომხმარებელს ნებისმიერ დროს აქვს საშუალება შეცვალოს, შეასწოროს, დაამატოს, წაშალოს ან გააუქმოს მის მიერ ელიტის ვებ-გვერდზე მიწოდებული ინფორმაცია.

 

18. მოხმარების წესები, გაფრთხილებები და ცვლილებები

 

ჩვენი ბიზნესი და საქართველოში მოქმედი კანონმდებლობა მუდმივად იცვლება, ამიტომ ჩვენს სტანდარტულ პირობებში შეიძლება შევიდეს ცვლილებები, რის შესახებაც დაუყოვნებლივ ეცნობებათ საიტზე რეგისტირებულ მომხმარებლებს საიტისა და ელ. ფოსტის მეშვეობით.

ხოლო არარეგისტრირებულ პირებს გთხოვთ პერიოდულად შეამოწმოთ ჩვენი ინტერნეტ მაღაზიის მოხმარების წესები.

 

19. შეთანხმების მოქმედება და ცვლილებების შეტანის წესი

 

წინამდებარე შეთანხმება მოქმედებს პირის მიერ 'ელიტის' ვებ-გვერდით სარგებლობისას, აგრეთვე, ინტერნეტ-მაღაზიით სარგებლობის დროს წარმოშობილი სამართლებრივი ურთიერთობის მოწესრიგების დროს.

წინამდებარე შეთანხმების იმ ნაწილში, რომელიც არეგულირებს 'ელიტის' მიერ მიწოდებული პროდუქციის რეალიზაციის საკითხს, მოხდება რაიმე ცვლილება, ნამდვილი იქნება ის წესი, რომელიც ამ შეთანხმებით დადგენილი იყო კონკრეტული პროდუქტის შეძენის მიზნით დაწყებული სამართლებრივი ურთიერთობის მომენტში და იმოქმედებს ამ სამართლებრივი ურთიერთობის დამთავრებამდე.

წინამდებარე შეთანხმების სხვა ნაწილში შესული ცვლილებები იმოქმედებს 'ელიტის' ვებ-გვერდზე გამოქვეყნებიდან მომდევნო დღეს.

 

20. მიწოდებისა და მიტანის პირობები

 

სს „ელიტ ელექტრონიქსი“ (ს/კ 202268928) გაცნობებთ, რომ ჩვენი კომპანია გაყიდვებს ახორციელებს მხოლოდ საქართველოს მასშტაბით და ჩვენს საიტზე (www.ee.ge) წარმოდგენილი პროდუქციის შეძენა შესაძლებელია მხოლოდ ქართული საბანკო ბარათით.

გაითვალისწინეთ, რომ სს „ელიტ ელექტრონიქსი“ (ს/კ 202268928) არ ყიდის პროდუქციას და არ სთავაზობს მომხმარებლებს ტრანსპორტირებას ქვეყნის ფარგლებს გარეთ.

სს „ელიტ ელექტრონიქსის“ (ს/კ 202268928) საიტზე ნივთის შეძენის შემთხვევაში მომხმარებელს აქვს ორი ოფცია: გაიტანოს ნივთი თვითონ, ან ისარგებლოს მიტანის მომსახურებით.

სს „ელიტ ელექტრონიქსი“ (ს/კ 202268928) ვალდებულია მომხმარებელს მიაწოდოს საქონელი დაყოვნების გარეშე, მაგრამ ხელშეკრულების დადებიდან არაუგვიანეს 5 სამუშაო დღისა, თუ ხელშეკრულებით სხვა რამ არ არის გათვალისწინებული და მომხმარებელი ამის თაობაზე ინფორმირებულია და თანახმაა.

თუ სს „ელიტ ელექტრონიქსის“ (ს/კ 202268928) ვალდებულება ამ მუხლის პირველი პუნქტით დადგენილ ვადაში არ შეასრულა, მომხმარებელი უფლებამოსილია განუსაზღვროს სს „ელიტ ელექტრონიქსს“ (ს/კ 202268928) გონივრული დამატებითი ვადა ვალდებულების შესასრულებლად. დამატებითი ვადის გასვლის შემდეგ, ვალდებულების შეუსრულებლობის შემთხვევაში, მომხმარებელს უფლება აქვს, უარი თქვას ხელშეკრულებაზე და მოითხოვოს ზიანის ანაზღაურება საქართველოს სამოქალაქო კანონმდებლობით დადგენილი წესით.

დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება საქონლის დროულად მიღებას დაუკავშირა. თუ მომხმარებელს საქონელი იმის გამო არ მიეწოდება, რომ იგი ხელმისაწვდომი არ არის, სს „ელიტ ელექტრონიქსი“ (ს/კ 202268928) ვალდებულია მომხმარებელს დაუყოვნებლივ აცნობოს ამის შესახებ.

სს „ელიტ ელექტრონიქსი“ (ს/კ 202268928) ვალდებულია გადასცეს მომხმარებელს ხელშეკრულებით გათვალისწინებული პირობების შესაბამისი საქონელი.

საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი შეესაბამება სს „ელიტ ელექტრონიქსის“ (ს/კ 202268928) მიერ მომხმარებლისთვის მიწოდებულ აღწერას და მას აქვს იგივე თვისებები, რომლებიც სს „ელიტ ელექტრონიქსის“ (ს/კ 202268928) მიერ მომხმარებლისთვის წარდგენილ საქონლის ნიმუშს ჰქონდა.

სს „ელიტ ელექტრონიქსის“ (ს/კ 202268928)მიერ მომხმარებლისთვის მიწოდებული აღწერის არარსებობის შემთხვევაში, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი გამოსადეგია იმ მიზნისთვის, რომლის თაობაზედაც მომხმარებელმა სს „ელიტ ელექტრონიქსს“ (ს/კ 202268928) ხელშეკრულების დადების დროს აცნობა და რომელსაც სს „ელიტ ელექტრონიქსი“ (ს/კ 202268928) დაეთანხმა.

თუ მომხმარებელი სს „ელიტ ელექტრონიქსს“ (ს/კ 202268928) არ აცნობებს იმ მიზნის თაობაზე, რომლისთვისაც მას სურს საქონლის გამოყენება, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი ვარგისია იმ მიზნით სარგებლობისთვის, რომლისთვისაც, ჩვეულებრივ, გამოიყენება.

თუ საქონლის ჩვეულებრივი გამოყენების მიზანი ვერ დგინდება, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ მას აქვს ამ სახეობის საქონლის თვისებები და ფუნქციონირებს ისე, როგორც აღნიშნული სახეობის საქონელი, ამასთანავე, რისი გონივრული მოლოდინიც მომხმარებელს შეიძლებოდა ჰქონოდა საქონლის ბუნებიდან და იმ საჯარო განცხადებებიდან გამომდინარე, რომლებიც გააკეთა სს „ელიტ ელექტრონიქსმა“ (ს/კ 202268928) მწარმოებელმა, მისმა წარმომადგენელმა ან ბაზარზე განთავსებისთვის პასუხისმგებელმა სხვა პირმა, მათ შორის, რეკლამის ან/და ეტიკეტის საშუალებით.

ამ მუხლის მიზნებისთვის საქონელი ნაკლის მქონე საქონლად არ მიიჩნევა, თუ ხელშეკრულების დადების მომენტში მომხმარებელმა იცოდა ან უნდა სცოდნოდა, რომ საქონელს ნაკლი ჰქონდა, ან საქონლის ნაკლი მომხმარებლის მიერ მიწოდებული მასალით არის განპირობებული.

მოვაჭრეს არ დაეკისრება პასუხისმგებლობა საქონლის ან მომსახურების შესახებ საჯარო განცხადებისთვის, თუ დაამტკიცებს, რომ:

ა) მას არ ჰქონდა ან ვერ ექნებოდა ინფორმაცია ამ განცხადების შესახებ;

ბ) ხელშეკრულების დადებამდე ამ განცხადებაში მოცემული ინფორმაცია შეიცვალა;

გ) ეს განცხადება ვერ მოახდენდა გავლენას მომხმარებლის მიერ საქონლის ან მომსახურების შეძენაზე.

დაუზიანებელი შეფუთვით მიღებული დაზიანებული პროდუქციის ან შეცდომით მიღებული შეკვეთის შემთხვევაში, გთხოვთ, გადაუღოთ მიღებულ გზავნილს დაზიანების ან/და შეცდომის ამსახველი ფოტოსურათი და ამ ფაქტის შესახებ მოგვწეროთ შემდეგ ელ. ფოსტაზე: INFO@EE.GE.

სტანდარტული მიწოდების პერიოდი შეადგენს 1-5 სამუშაო დღეს. გაუთვალისწინებელი შემთხვევების გამო შესაძლოა მიწოების ვადა გაიზარდოს რის შესახებაც გაცნობებთ ოპერატორი. მიწოდების ფასი განისაზღვრება შესყიდვის მოცულობის მიხედვით, 50 ლარზე მეტი შენაძენის შემთხვევაში მიწოდება არის უფასო, 50 ლარამდე შენაძენზე მიწოდების საფასურია 5 ლარი.

გარდა სტანდარტული მიწოდებისა თბილისის და ბათუმის მასშტაბით, გარკვეულ პროდუქტებზე მოქმედებს ექსპრეს მიწოდების სერვისი, რომელიც არის ფასიანი და შეადგენს 5 ლარს. ექსპრეს მიწოდების შემთხვევაში დღის განმავლობაში 4 საათამდე შეძენილი ყველა ნივთი მივა მისამართზე დღის ბოლომდე, ხოლო 4 საათის შემდეგ შეძენილები მეორე დღის პირველ ნახევარში.

რეალიზებული ნივთის გაყიდვის შემდეგ სს „ელიტ ელექტრონიქსის“ (ს/კ 202268928) ქოლ ცენტრის მხრიდან ხდება მომხმარებელთან დაკავშირდება და მიტანის დროზე შეთანხმება, თუ შეთანხმებულ დროზე მომხმარებლის ბრალეულობით ვერ მოხდა ნივთის მისამართზე მიტანა ეს პროცესი იწყება ახლიდან, ხდება დაკავშირება, მიტანის დროზე შეთანხმება და მიწოდება. გაითვალისწინეთ, რომ მისამართზე განმეორებითი ტრანსპორტირება არის ფასიანი:

განმეორებითი ტრანსპორტირება

განმეორებითი ტრანსპორტირება
მაცივარი	60.00 ₾
მსხვილი საყოფაცხოვრებო ტექნიკა	40.00 ₾
წვრილი საყოფაცხოვრებო ტექნიკა	20.00 ₾
20 კმ-ის ზევით 1 კმ	2.50 ₾

 

გაითვალისწინეთ, მომხმარებელის მიერ  50 ინჩიანი და უფრო დიდი ტელევიზორების  გატანა ფილიალიდან ან საწყობოდან არის დაუშვებელი.

თუ ჩვენს სისტემაში თქვენს შეკვეთას აქვს სტატუსი ჩაბარებულია და თქვენ არ მიგიღიათ გზავნილი, გთხოვთ დაუყოვნებლივ მოგვწეროთ ამ ფაქტის შესახებ შემდეგ ელექტრონულ მისამართზე: INFO@EE.GE და პრობლემის დაფიქსირების შემდეგ კომპანია იზრუნებს ნებისმიერი გაუგებრობის/ხარვეზის დროულად აღმოფხვრაზე.

 

სწრაფი მიტანა

 

სს „ელიტ ელექტრონიქსი“ (ს/კ 202268928) თავის ერთგულ მომხმარებლებს სწრაფი მიწოდების სერვისს სთავაზობს.

ამ სერვისით სარგებლობა შესაძლებელია ჩვენს ვებგვერდზე წარმოდგენილი პროდუქტების შერჩეულ ასორტიმენტზე - მობილურებზე, ნოუთბუქებზე, წვრილ საყოფაცხოვრებო ტექნიკასა თუ სხვადასხვა ციფრულ აქსესუარზე.

სწრაფი მიწოდების სერვისი მოქმედებს მხოლოდ თბილისის და ბათუმის მასშტაბით. არჩეული ნივთის კალათში დამატების და მიწოდების მისამართის დაფიქსირების შემდეგ გამოჩნდება ჩვენი ახალი ფუნქციონალი. (გაითვალისწინეთ, რომ მხოლოდ შერჩეულ პროდუქტებზე მოქმედებს სერვისი)

სწრაფი მიტანის სერვისით სარგებლობის შემთხვევაში მომხმარებლებს საშუალება ექნებათ სასურველი ნივთი შეკვეთიდან 4 საათში მიიღონ. 16:00 საათის შემდეგ განხორციელებულ შეკვეთას კი მისამართზე მომდევნო დღეს, პირველ 4 სამუშაო საათში მოგიტანთ.

სწრაფი მიტანის სერვისის ღირებულება 5 ლარია, ეს თანხა მიწოდების პირობის არჩევის შემდეგ ავტომატურად დაემატება ნივთის ღირებულებას.

 

მაღაზიიდან გატანა

 

სს „ელიტ ელექტრონიქსი“ (ს/კ 202268928) ონლაინ მაღაზიაში შეძენილი ნივთების გატანა უკვე თავადაც შეგიძლიათ სასურველი ფილიალიდან.

სერვისით სარგებლობისთვის მიჰყევით ინსტრუქციას:

დაამატეთ სასურველი ნივთი კალათში

მიწოდების პირობებში მონიშნეთ მაღაზიიდან გატანა

აირჩიეთ სასურველი მაღაზია

შენიშვნა:

* პირადი მისამართის მითითება მაღაზიიდან გატანის შემთხვევაშიც აუცილებელია

* 50 ინჩიანი და უფრო დიდი ტელევიზორების გატანა ფილიალიდან ან საწყობიდან დაუშვებელია

მნიშვნელოვანია, გაითვალისწინოთ შეკვეთის გატანის სავარაუდო თარიღი, რომელიც მითითებულია როგორც მაღაზიების ჩამონათვალში, ასევე შეკვეთის მიმოხილვის ეტაპზე.

თუ თქვენს მიერ მონიშნულ მაღაზიას აქვს შეკვეთილი ნივთის მარაგი და შეკვეთა დაფიქსირდება 18:00 საათამდე ნივთის გატანას შეძლებთ იმავე დღეს. სხვა შემთხევაში, გთხოვთ, იხელმძღვანელოთ მითითებული ვადებით.

მას შემდეგ, რაც დაასრულებთ შეკვეთას და მიიღებთ შეკვეთის დასტურის მეილს შეგიძლიათ მიბრძანდეთ ფილიალში. მაღაზიაში ვიზიტისას უნდა წარადგინოთ შეკვეთის კოდი და პირადობის დამადასტურებელი მოწმობა.

გთხოვთ, გაითვალისწინოთ რომ თუ მყიდველის და ნივთის გამტანის ვინაობა არ ემთხვევა ერთმანეთს აუცილებელია წინასწარ გვაცნობოთ და ჩაგვანიშნინოთ იმ ადამიანის მონაცემები, რომელიც წაიღებს ნივთს.

 

21. მონტაჟის პირობები

სს „ელიტ ელექტრონიქსი“ მომხმარებელს სთავაზობს სამონტაჟო მომსახურებას, თუმცა გარკვეული შეზღუდვებით. კერძოდ, სს „ელიტ ელექტრონიქსი“ ახორციელებს მონტაჟს მხოლოდ შემდეგ ტექნიკაზე და მხოლოდ შემდეგი საფასურით:

1.      სამონტაჟო პირობები და ტარიფები

პროდუქტი	დასახელება	სტანდარტული ინსტალაცია	არასტანდარტული ინსტალაცია
მონიტორი	19" > 31"	30.00 ₾	45.00 ₾
ტელევიზორი	32" > 42"	60.00 ₾	90.00 ₾
ტელევიზორი	43" > 54"	90.00 ₾	135.00 ₾
ტელევიზორი	55" > 65"	180.00 ₾	270.00 ₾
ტელევიზორი	67" >	300.00 ₾	450.00 ₾
მსხვილი საყოფაცხოვრებო ტექნიკა (ჩასაშენებელი)	ჩასაშენებელი ღუმელი გაზქურა, ჭურჭლის სარ. მანქანა, სარეცხი მანქანა, გაზქურის ზედაპირი, მიკროტალღური, ესპრესოს აპარატი, მაცივარი	90.00 ₾	120.00 ₾
მსხვილი საყოფაცხოვრებო ტექნიკა (ჩასაშენებელი)	მაცივარი (საიდ ბაი საიდი) კუნძულოვანი გამწოვი (არ შედის კედლის გახვრეტის საფასური)	150.00 ₾	200.00 ₾
მსხვილი საყოფაცხოვრებო  ტექნიკა (ცალკე მდგომი)	გაზქურა/ელ ღუმელი, სარეცხის მანქანა, ჭურჭლის სარეცხი მანქანა, საშრობი	45.00 ₾	60.00 ₾
მსხვილი საყოფაცხოვრებო  ტექნიკა (ცალკე მდგომი)	წყლის ელ. ავზი, გამწოვი (არ შედის კედლის გახვრეტის საფასური)	60.00 ₾	80.00 ₾
მსხვილი საყოფაცხოვრებო ტექნიკა (ცალკე მდგომი)	გაზის გამათბობელი (შედის კედლის გახვრეტის საფასური)	110.00 ₾	140.00 ₾
მსხვილი საყოფაცხოვრებო ტექნიკა (ცალკე მდგომი)	ცენტრალური გათბობის ქვაბი (შედის კედლის გახვრეტის საფასური)	150.00 ₾	200.00 ₾

 

სს „ელიტ ელექტრონიქსის“ მიერ ან მისი პასუხისმგებლობით საქონლის არასწორად დამონტაჟების შედეგად წარმოქმნილი ნაკლი უთანაბრდება საქონლის ხელშეკრულებით გათვალისწინებულ პირობებთან შეუსაბამობას (ნაკლს), თუ საქონლის მონტაჟი ხელშეკრულების ნაწილი იყო. ეს წესი ვრცელდება აგრეთვე იმ საქონელზე, რომელიც მომხმარებელმა უნდა ააწყოს ან დაამონტაჟოს და რომელიც საქონლისთვის დართული ინსტრუქციის ნაკლოვანების გამო არასწორად აიწყო ან დამონტაჟდა.

 

მაღაზიაში შეძენის შემთხვევაში, ავეჯის მონტაჟის მომსახურება ხორციელდება მომხმარებელთან დადებული ინდივიდუალური ხელშეკრულების საფუძველზე.

 

22. გადახდის მეთოდები

სს „ელიტ ელექტრონიქსის“ საიტზე ნივთის შეძენისას შესაძლებელია შემდეგი საშუალებებით გადახდა:

 

•             გადახდა Visa / MasterCard ბარათით (ონლაინ);

•             ონლაინ განვადება (TBC, BOG, BOG ნაწილ ნაწილ, Credo)

გაითვალისწინეთ, რომ საიტზე წარმოდგენილი პროდუქციის შეძენა შესაძლებელია მხოლოდ ქართული საბანკო ბარათით.

 

23. კანონისმიერი გარანტია

თუ საქონელი ნაკლის მქონე აღმოჩნდა, მომხმარებელს უფლება აქვს, სს „ელიტ ელექტრონიქსს“ მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, სს „ელიტ ელექტრონიქსს“  მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

საქონელი შეკეთებული ან შეცვლილი უნდა იქნეს გონივრულ ვადაში (30 კალენდ. დღე), ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

საქონლის უსასყიდლოდ შეკეთება ან შეცვლა გულისხმობს სს „ელიტ ელექტრონიქსის“ მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.

მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

ა) ზემოთ აღნიშნულის შესაბამისად საქონლის შეკეთება ან შეცვლა შეუძლებელია;

ბ) სს „ელიტ ელექტრონიქსმა“ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) სს „ელიტ ელექტრონიქსის“ მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:

ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;

ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;

გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

საქონელზე მოქმედებს როგორც კანონისმიერი, ასევე კომერციული გარანტია და მომხმარებელს უფლება აქვს, ისარგებლოს გარანტიით საგარანტიო პირობების შესაბამისად.

თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.  მომხმარებელს უფლება აქვს, ისარგებლოს „მომხმარებლის უფლებების დაცვის შესახებ“ კანონის მე-17 (მომხმარებლის უფლებები) და მე-19 მუხლებით (კომერციული გარანტია) გათვალისწინებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა. მოქმედება არ ვრცელდება მეორეული საქონლის ნასყიდობაზე. ასეთი საქონლის ნასყიდობისას ზემოთ განსაზღვრულ შემთხვევაში მოვაჭრის პასუხისმგებლობა მხარეთა შორის ინდივიდუალური შეთანხმების საგანია.

საგარანტიო მომსახურება არ ხორციელდება, უქმდება თუ:

•          ნივთის შეცვლისას თუ მომხმარებლმა ავტორიზებული სერვის ცენტრის წარმომადგენელს ნივთი არ  გადასცა სრული კომპლექტაციით, შეიცვლება მხოლოდ ნივთის ის ნაწილი, რომელის გადაცემაც მოხდა.

•          ამოიწურა ტექნიკის კანონისმიერი და კომერციული  საგარანტიო ვადა;

•          მომხმარებელი ვერ წარმოადგენს საგარანტიო საბუთს და სხვაგვარად შეუძლებელია ნივთის იდენტიფიცირება;

•          საგარანტიო საბუთში წაშლილია ინფორმაცია ან გადაკეთებულია და სხვაგვარად შეუძლებელია ნივთის იდენტიფიცირება.

•          გაყიდულ ნივთზე მონაცემები წაშლილი, შეცვლილი, გადაკეთებულია, ნივთზე არ იკითხება/ამძვრალია სერიული ნომერი და სხვაგვარად შეუძლებელია ნივთის იდენტიფიცირება.

•          დაზიანება გამოწვეულია პლომბის ან ლუქის მოცილებით;

•          წუნი გამოწვეულია ფიზიკური ზემოქმედებით და არასათანადო ექსპლუატაციით;

•          დაზიანება გამოწვეულია ჭექა-ქუხილით, უცხო სხეულების და სითხეების შეღწევით, ექსპლუატაციისა და შენახვის წესების პირობების დარღვევით;

•          დაზიანება გამოწვეულია ცვალებადი, მაღალი ან დაბალი ელ.ენერგიის მიწოდებით;

•          წუნი გამოწვეულია ელ.ქსელის გაუმართაობით, ან მომხმარებლის ბრალეულობით მექანიზმის დანესტიანებით;

•          სხვა გარეშე პირების მიერ ჩატარდა სამონტაჟო ან სარემონტო სამუშაოები, რამაც გამოიწვია ნივთის დაზიანება;

•          შეძენილი ტექნიკა იქნა გამოყენებული კომერციული და სამეწარმეო მიზნებისთვის.

 

საგარანტიო მომსახურება არ ხორციელდება თუ მობილურ ტელეფონზე, პლანშეტზე, ფოტოაპარატზე, პროექტორზე, მონიტორზე, ტელევიზორზე ჩამქრალია მწარმოებლის მიერ დადგენილ პიქსელებზე ნაკლები რაოდენობის პიქსელი.

24. საგარანტიო/არასაგარანტიო მომსახურების სერვის ცენტრი

 

სს „ელიტ ელექტრონიქსი“ (ს/კ 202268928) წარმოადგენს სს „ელიტ ელექტრონიქსის“ (ს/კ 202268928) ქსელის ოფიციალურ ტექნიკური მომსახურების კომპანიას. აღნიშნული კომპანია მომხმარებელს უწევს როგორც საგარანტიო, ისე არასაგარანტიო მომსახურებას.

შესაბამისად, თუ საგარანტიო ვადის განმავლობაში საქონელი ნაკლის მქონე აღმოჩნდა, საგარანტიო მომსახურების მისაღებად მომხმარებელმა უნდა მიმართოს  სს „ელიტ ელექტრონიქსს“ (ს/კ 202268928), რათა დადგინდეს, წარმოადგენს თუ არა აღნიშნული ნაკლი თავდაპირველ ნაკლს და, შესაბამისად, ვრცელდება თუ არა მასზე საქართველოს კანონმდებლობითა და წინამდებარე პირობებით გათვალისწინებული კანონისმიერი გარანტია.

 თუმცა, გარკვეული ტიპის ტექნიკაზე სერვისი როგორც საგარანტიო ისე არასაგარანტიო არ ხორციელდება შსს „ელიტ ელექტრონიქსის“ (ს/კ 202268928) მიერ. აღნიშნულ შემთხვევაში, მომხმარებელი იღებს ინფორმაციას გადაცემული საგარანტიო მომსახურების ტალონიდან, სადაც მითითებულია მომსახურე სერვის ცენტრის მისამართი, სს „ელიტ ელექტრონიქსი“ (ს/კ 202268928) ქოლ-ცენტრი: (032) 2 48 48 48 ბოშის შემთხვევაში  ტელ: (032) 2 300 020

მისამართები:

ქალაქი	მისამართი
თბილისი	ელიტ სერვისი - პ. ქავთარაძის №3
	ელიტ სერვისი - დ.გურამიშვილის №64
ბათუმი	ელიტ სერვისი - ზ. გორგილაძის 37
ზუგდიდი	ელიტ სერვისი - კ. გამსახურდიას №30
ფოთი	ელიტის მაღაზია
ოზურგეთი	ელიტის მაღაზია
ქუთაისი	ელიტის მაღაზია
სენაკი	ელიტის მაღაზია
ახალციხე	ელიტის მაღაზია
გორი	ელიტის მაღაზია
ხაშური	ელიტის მაღაზია
თელავი	ელიტის მაღაზია
საგარეჯო	ელიტის მაღაზია

 

 გთხოვთ გაითვალისწინოთ რომ ქვემოთ ჩამოთვლილ ბრენდებზე განსხვავებული სერვის ცენტრები ახორციელებენ სარაგარანტიო და არასაგარანტიო მომსახურებას. მომსახურების მისაღებად გთხოვთ დაუკავშირდეთ შესაბამის სერვის ცენტრს მითითებულ ნომერზე, სადაც შეძლებთ მისამართზე მათი წარმომადგენლის გამოძახებას.

 

Vestel -  შპს ,,მატექს ჯორჯია“ (ს/კ 200157169); ტელ: 03222190000;

LG - LG Electronics Gulf FZE-ის თბილისის ფილიალი (ს/კ 404973864); ტელ: 0322000333;

Beko – შპს „ტექნოჰაუს“ (ს/კ 205277608); ტელ: *2500; 0322155050;

Bosch / FERROLI გათბობის ქვაბი - შპს „ქებული კლიმატი“ (ს/კ 202283242);  ტელ: 0322470247;

Ariston – შპს ,,Artline Wings“ (ს/კ 445392557); ტელ: 0322052930;

MIDEA - შპს „ემსერვისი“ (ს/კ 406144408);  ტელ: 0322524343;

Shark / Ninja/ Dyson - შპს „სერვის ექსპრეს+“ (ს/კ 404858542); ტელ: 0322312000 ქ. თბილისი, ვაჟა ფშაველას 30 ა.

 

25. საგარანტიო პირობები

წინამდებარე დოკუმენტზე ხელმოწერით მხარე ადასტურებს რომ ის თანახმაა საგარანტიო პირობები როგორც კანონისმიერი ისე კომერციული ერთ დოკუმენტად მიიღოს ცალკე მისი შენაძენიდან გამომდინარე და გაეცნოს მას. თითოეული შენაძენის წინ, საგარანტიო პირობებზე ინდივიდუალურად ყველა მომხმარებელი აწერს ხელს, ხოლო ზოგადად, საგარანტიო პირობები მოცემულია ჩვენს საიტზე ee.ge და ხელმისაწვდომია ნებისმიერ დროს.

 

ნივთის შეძენის ინსტრუქცია კომპიუტერით შევსებისას

ნივთის შეძენის ინსტრუქცია მობილურით შევსებისას