სს „ელიტ ელექტრონიქსი“ (ს/კ 202268928) ელიტ სერვისის ბრენდის ქვეშ ახორციელებს საქონლის როგორც საგარანტიო, ასევე არასაგარანტიო შეკეთების მომსახურებას.

საგარანტიო მომსახურების მისაღებად აუცილებელია წარმოდგენილი იყოს მწარმოებლის და გამყიდველი ორგანიზაციის მიერ გაცემული საგარანტიო ტალონი. მომსახურება განხორციელდება საგარანტიო ტალონში მითითებული პირობების თანახმად.

არასაგარანტიო მომსახურება ფასიანია და მომხმარებელთან მომსახურების ღირებულების შეთანხმების გარეშე მომსახურება არ ხორციელდება. გადახდა შესაძლებელია მოხდეს როგორც ნაღდი, ასევე უნაღდო ანგარიშსწორებით, კომპანიის მიერ დამტკიცებული ტარიფების შესაბამისად.

ნაღდი ანგარიშწორებისას მომხმარებელი იხდის მომსახურების ღირებულებას ეროვნულ ვალუტაში. სერვის ცენტრში თანხის გადახდა ხორციელდება მოლარე ოპერატორთან. მომხმარებელს გადახდილ თანხაზე გადაეცემა ქვითარი და საჭიროების შემთხვევაში შესაბამისი საბუთი. მომხმარებელთან მისამართზე თანხის გადახდა ხორციელდება მიღება-ჩაბარების აქტის (ანკეტა) საფუძველზე და მომხმარებელს გადაეცემა ჩეკთან გათანაბრებული დოკუმენტი (ჩგდ).

უნაღდო ანგარიშსწორება ხდება შესრულებული სამუშაოს მიღება-ჩაბარების აქტის (ქვითარი/ ანკეტა) საფუძველზე, რომელიც ძალაშია მომსახურების მიმღების ხელმოწერის შემდგომ.

მონტაჟისა და შეკეთების შემთხვევაში მომსახურების ტარიფს ემატება სახარჯი მასალის ან სათადარიგო დეტალების ღირებულება.

შეკვეთების პროცედურა

მომხმარებლის მიღება / ზარის მიღება à ანკეტის გახსნა à ანკეტის სპეციალისტზე გადაწერა à ნაწილის შეკვეთა / ჩამოსვლა / ინფორმირება à ნივთის შეკეთება / შეკვეთის დასრულება.

შეკვეთის ანკეტაში ეთითება შემდეგი ინფორმაცია:

·    სახელი, გვარი, პირადი ნომერი;

·    მისამართი; 

·    საკონტაქტო ნომერი, ალტერნატიული საკონტაქტო ნომერი, e-mail;

·    იურიდიული პირის შემთხვევაში ორგანიზაციის ზუსტი დასახელება, საიდენტიფიკაციო ნომერი (ს/ნ);

·    მომხმარებლის ტიპი (იურიდიული, ფიზიკური);

·    ნივთი, ბრენდი, მოდელი, სერიული;

·    არსებობის შემთხვევაში FD, E_nr, ART, ნომერი;

·    მომსახურების სახე (საგარანტიო, არასაგარატიო);

·    შეკვეთის სახე;

·    შეკვეთის ტიპი;

·    მომხმარებლის მიერ დაფიქსირებული ნივთის დეფექტი;

·    არასაგარანტიო შემთხვევაში, შეთანხმებული თანხის შესახებ ინფორმაცია;

·    ნივთის პარამეტრები.

მომხმარებლის თანხმობის შემთხვევაში ოპერატორის მიერ ხდება ნივთის პირველადი ვიზუალური და ფუნქციური მდგომარეობის დაფიქსირება ელექტრონულ სისტემაში. ნივთის დატოვების შემთხვევაში ფორმდება ნარდობის ხელშეკრულება. (იხ, თანდართული ფაილი)

ნივთის დიაგნოსტიკა ხორციელდება შეკვეთის დაფიქსირებიდან არაუგვიანეს სამი სამუშაო დღისა. რთული დაზიანების შემთხვევაში დიაგნოსტიკის ვადა შესაძლოა გაიზარდოს. ინფორმაცია დიაგნოსტიკის შესახებ მომხმარებელს ეცნობება სატელეფონო ზარით ან მოკლე ტექსტური შეტყობინებით.

ნივთის შეკეთება ხორციელდება მომხმარებელთან შეთანხმებული პირობების შესაბამისად. შეკეთების დრო დამოკიდებულია დაზიანების ტიპზე (სათადარიგო დეტალის შეცვლით  ან დეტალის შეცვლის გარეშე) და სათადარიგო დეტალის მოწოდების ვადებზე.  შეკეთების პროცესსა და ვადებზე დამატებითი ინფორმაცია მომხმარებელს ეცნობება სატელეფონო ზარით ან მოკლე ტექსტური შეტყობინებით.

ნივთის გადაცემა მომხმარებელზე ხორციელდება ნარდობის ხელშეკრულების საფუძველზე. ნივთის გადაცემისას, მომხმარებლის თანდასწრებით, ხდება მისი ვიზუალური და ფუნქციური (შესაძლებლობის შემთხვევაში) შემოწმება.

ტრანსპორტირება

მომხმარებელთან შეთანხმებით შესაძლებელია ნივთის ტრანსპორტირება სერვისცენტრში/სერვიცენტრიდან.

მომხმარებელთან ადგილზე მომსახურება

შეკვეთის მიღება შესაძლებელია მომხმარებლის ზარის, სოციალური ქსელების და სერვისცენტრში ვიზიტის საშუალებით. მომხმარებელს ოპერატორი განუმარტავს საგარანტიო და არასაგარანტიო მომსახურების პირობებს.

მომხმარებელთან მოსახურების პირობებისა და ვადის შეთანხმების შემდეგ შეკვეთა დაფიქსირდება ელექტრონულ სისტემაში.

ნივთის დიაგნოსტიკა და მომხმარებელზე პირველადი ინფორმაციის მიწოდება ხდება სპეციალისტის მისამართზე ვიზიტისას.

ნივთის შეკეთება ხორციელდება მომხმარებელთან შეთანხმებული პირობების შესაბამისად. შეკეთების დრო დამოკიდებულია დაზიანების ტიპზე (სათადარიგო დეტალის შეცვლით  ან დეტალის შეცვლის გარეშე) და სათადარიგო დეტალის მოწოდების ვადებზე.  შეკეთების პროცესსა და ვადებზე დამატებითი ინფორმაცია მომხმარებელს ეცნობება სატელეფონო ზარით ან მოკლე ტექსტური შეტყობინებით.

იმ შემთხვევაში, თუ სპეციალისტი ვერ ახორციელებს მისამართზე შეკეთებას და ნივთი კეთდება სერვისში (ნივთი მოტანილია მისამართიდან, ან თავად მომხმარებელს აქვს დატოვებული), გარე შეკვეთების კოორდინატორი მომხმარებელს აწვდის ინფორმაციას ნივთის მდგომარეობაზე ნივთის სერვისში შემოტანიდან 3 (სამი) დღის ვადაში. დიაგნოსტიკა/შეკეთების სირთულიდან გამომდინარე შესაძლებელია ვადის გაზრდა, რომლის შესახებ ინფორმირებული იქნება მომხმარებელი.

სათადარიგო დეტალის საჭიროების შემთხვევაში თუ დეტალს ეკუთვნის უფასო მომსახურება საგარანტიო პირობიდან გამომდინარე, გარე შეკვეთების კოორდინატორი მომხმარებელს აწვდის ინფორმაციას სპეციალისტისგან ინფორმაციის მიღებიდან იმავე დღეს.

სათადარიგო დეტალის საჭიროების შემთხვევაში თუ დეტალი ფასიანია (არ მოქმედებს საგარანტიო პირობა), გარე შეკვეთების კოორდინატორი მომხმარებელს აწვდის ინფორმაციას შესყიდვებისგან ინფორმაციის მიღებიდან იმავე დღეს.

მომსახურების დასრულების შემდგომ, მომხმარებლის თანდასწრებით ხდება ნივთის ვიზუალური და ფუნქციური შემოწმება.

მომხმარებელთან შეთანხმებით შესაძლებელია ნივთის ტრანსპორტირება სერვისცენტრში/სერვიცენტრიდან

შეკვეთის გაცემა/ჩაბარების პროცედურა

ქოლ ცენტრის ან მიმღების მიერ დაფიქსირებული გარე შეკვეთების ანკეტებს გარე შეკვეთების კოორდინატორი ზონების მიხედვით ანაწილებს. უკავშირდება მომხმარებელს მომსახურების წინა დღეს და შეთანხმების შემდეგ ახდენს სპეციალისტებზე გაწერას პროგრამულად.

სპეციალისტი შეკვეთის დასრულების შემდგომ პროგრამაში უთითებს შესრულებულ მომსახურებას, გამოყენებული დეტალების და სახარჯი მასალის შესახებ ინფორმაციას, ტვირთავს  საგარანტიო ტალონის და ტექნიკური მახასიათებლების, ნივთის/დეტალის დაზიანების ამსახველ ფოტოებს, ბრენდის შემთხევევაში დამონტაჟებული ნივთის ფოტოს.

მისამართზე შეკვეთის შესრულების პროცედურა

მისამართზე სპეციალისტის მისვლის ვადა განისაზღვრება 3 (სამი) სამუშაო დღის ვადით. ვადა შეიძლება გაიზარდოს, რომლის შესახებ ინფორმირებული იქნება მომხმარებელი.

სპეციალისტი გადაცემული შეკვეთების მიხედვით ახდენს შეკვეთების შესრულებას. საგარანტიო/არასაგარანტიო მომსახურებისას მომხმარებელთან დაკავშირება ხდება მისამართზე მისვლამდე 1 საათით ადრე. გამონაკლის შემთხვევაში შესრულების ვადის გადადება შესაძლებელია მხოლოდ მომხმარებლის მოთხოვნით ან/და ფორს-მაჟორული სიტუაციიდან გამომდინარე.

დაუშვებელია თანამშრომლის მისამართზე მისვლა დილის 9:00 საათამდე და 22:00 საათის შემდეგ. მისამართზევე თანხის აღების დროს ხდება ჩეკთან გათანაბრებული დოკუმენტის (ჩგდ) და ყველა სხვა დოკუმენტის გამოწერა, ასევე მომხმარებელს განემარტება სპეციალისტის მიერ შესრულებული სამუშაოს შესახებ, რის შემდეგაც მომსახურების ჩაბარებას ამოწმებს მომხმარებელი ხელის მოწერით. ჩგდ-ს პირველი (თეთრი) პირი რჩება მომხმარებელთან და განემარტება რომ აუცილებელია დოკუმენტაციის შენახვა.

ნაწილის შეკვეთის პროცედურა 

შესყიდვების სამსახური, მოთხოვნის საფუძველზე უკვეთავს დეტალს. საგარანტიო შეკეთების შემთხვევაში ნაწილის მოთხოვნას უზრუნველყოფს უშუალოდ სპეციალისტი, ხოლო არასაგარანტიო მომსახურების შემთხვევაში, მომხმარებელი ან/და სპეციალისტი.

საგარანტიო მომსახურების შემთხვევაში სერვისი ვალდებულია უზრუნველყოს ნაწილის შეკვეთა და სრული მომსახურების გაწევა საგარანტიო ტალონში მითითებული მომსახურების ვადის შესაბამისად.

არასაგარანტიო მომსახურებისას შესყიდვების კოორდინატორის მიერ ინფორმაციის გაცემა ფასის და დეტალის მიღების ვადის შესახებ უნდა განხორციელდეს ავტორიზებული ბრენდების შემთხვევაში - ინფორმაციის მოთხოვნიდან 2 სამუშაო დღის ვადაში.

მომხმარებელთან შეთანხმებულ ვადაში თუ ვერ ხდება დეტალის მიღება, მომხმარებელთან დაუყოვნებლივ უნდა შეთანხმდეს შეცვლილი პირობა (ვადა, ფასი). თუკი მომხმარებლისთვის შეცვლილი პირობა მიუღებელია, მისი მოთხოვნის შესაბამისად შესაძლებელია შეკვეთის გაუქმება.

ინფორმირების პროცედურა

ელიტ სერვისის მხრიდან მომხმარებელთა ინფორმირება მიმდინარეობს ორი მიმართულებით:

·    სატელეფონოდ;

·    მოკლეტექსტური (SMS) შეტყობინებით;

·    E-mail-ის მეშვეობით.

მონტაჟი/დემონტაჟი, ტრანსპორტირება

მონტაჟი/დემონტაჟის ან/და ტრანსპორტირების შეკვეთის მიღება შესაძლებელია მომხმარებლის ზარის, სერვისცენტრში ვიზიტის საშუალებით. მომხმარებელს ოპერატორი განუმარტავს საგარანტიო და არასაგარანტიო მომსახურების პირობებს.

მომხმარებელთან მოსახურების პირობებისა და ვადის შეთანხმების შემდეგ შეკვეთა დაფიქსირდება ელექტრონულ სისტემაში.

მომხმარებლის მოთხოვნის საფუძველზე შესაძლებელია განხორციელდეს საინსტალაციო მოკვლევა.  პირველადი ინფორმაციის მიწოდება ხდება სპეციალისტის მისამართზე ვიზიტისას.

მონტაჟი/დემონტაჟი ხორციელდება მომხმარებელთან შეთანხმებული პირობების შესაბამისად. მომსახურების დრო დამოკიდებულია  ინსტალაციის სირთულეზე და დამატებითი საინსტალაციო-სახარჯი მასალების საჭიროებაზე. დამატებითი ინფორმაცია მომხმარებელს ეცნობება სატელეფონო ზარით ან მოკლე ტექსტური შეტყობინებით.

მომსახურების დასრულების შემდგომ, მომხმარებლის თანდასწრებით ხდება ნივთის ვიზუალური და ფუნქციური შემოწმება.

მომხმარებელთან შეთანხმებით შესაძლებელია ნივთის ტრანსპორტირება სერვისცენტრში/სერვიცენტრიდან.

მომსახურების ტარიფები

განმეორებითი ტრანსპორტირება

ელიტის რეალიზებული ნივთის გაყიდვის შემდეგ ელიტ სერვისის ქოლ ცენტრის მხრიდან ხდება მომხმარებელთან დაკავშირდება და მიტანის დროზე შეთანხმება. თუ შეთანხმებულ დროზე მომხმარებლის ბრალეულობით ვერ მოხდა ნივთის მისამართზე მიტანა, ეს პროცესი იწყება ახლიდან: ხდება დაკავშირება, მიტანის დროზე შეთანხმება და მიწოდება. მისამართზე განმეორებითი ტრანსპორტირება ფასიანია.

სამონტაჟო  ტარიფები

ტრანსპორტირების  საფასური - 20 კმ-ის ზევით 1კმ -  3 ლარი;

სს „ელიტ ელექტრონიქსი“ მომხმარებელს სთავაზობს სამონტაჟო მომსახურებას, თუმცა გარკვეული შეზღუდვებით. კერძოდ, სს „ელიტ ელექტრონიქსი“ ახორციელებს მონტაჟს მხოლოდ შემდეგ ტექნიკაზე და მხოლოდ შემდეგი საფასურით:

1.      სამონტაჟო პირობები და ტარიფები

სს „ელიტ ელექტრონიქსის“ მიერ ან მისი პასუხისმგებლობით საქონლის არასწორად დამონტაჟების შედეგად წარმოქმნილი ნაკლი უთანაბრდება საქონლის ხელშეკრულებით გათვალისწინებულ პირობებთან შეუსაბამობას (ნაკლს), თუ საქონლის მონტაჟი ხელშეკრულების ნაწილი იყო. ეს წესი ვრცელდება აგრეთვე იმ საქონელზე, რომელიც მომხმარებელმა უნდა ააწყოს ან დაამონტაჟოს და რომელიც საქონლისთვის დართული ინსტრუქციის ნაკლოვანების გამო არასწორად აიწყო ან დამონტაჟდა.

მაღაზიაში შეძენის შემთხვევაში, ავეჯის მონტაჟის მომსახურება ხორციელდება მომხმარებელთან დადებული ინდივიდუალური ხელშეკრულების საფუძველზე.

 მომსახურებასთან დაკავშირებული კითხვების ან პრობლემების შემთხვევაში მოგვმართეთ:

სს ,,ელიტ ელექტრონიქსის’’ (ს/კ 202268928) ცხელი ხაზზე  (032) 2 48 48 48 www.ee.ge

იურიდ. მისამართი: ქ. თბილისი, ქავთარაძის N3.

საგარანტიო მომსახურება - ტელ: (032) 2 48 48 48   INFO@ES.GE

ბოშის შემთხვევაში  ტელ: (032) 2 300 020

სს ,,ელიტ ელექტრონიქსის’’ (ს/კ 202268928) მისამართები :

მომსახურების ხელშეკრულებიდან გამომდინარე უფლებები 

მოვაჭრე ვალდებულია მომხმარებელს მომსახურების ხელშეკრულებით გათვალისწინებული პირობების შესაბამისი მომსახურება გაუწიოს.

მომხმარებელმა ხელშეკრულებით გათვალისწინებული ვადის გადაცილების ან ნაკლის აღმოჩენის შემთხვევაში მოვაჭრეს უნდა განუსაზღვროს მომსახურების გაწევის/ნაკლის აღმოფხვრის გონივრული დამატებითი ვადა, გარდა იმ შემთხვევისა, როდესაც ეს, მომსახურების ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს. არათანაზომიერი ან შეუსაბამოდ დიდი ხარჯი განისაზღვრება ამ კანონის მე-17 მუხლის მე-8 პუნქტით დადგენილი წესით.

დამატებითი ვადის უშედეგოდ გასვლის შემთხვევაში მომხმარებელს უფლება აქვს:

ა) მოვაჭრის ხარჯით მომსახურების გაწევა ან ნაკლის აღმოფხვრა სხვა პირს შესთავაზოს;

ბ) მოითხოვოს მომსახურების ფასის ადეკვატური შემცირება;

გ) უარი თქვას ხელშეკრულებაზე და მოითხოვოს ზიანის ანაზღაურება საქართველოს კანონმდებლობით დადგენილი წესით.

დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება მომსახურების დროულად მიღებას დაუკავშირა.

თუ მოვაჭრემ დროულად არ დაიწყო მომსახურების გაწევა ან მომსახურების პროცესი უსაფუძვლოდ ჭიანურდება, რაც მომსახურების დათქმულ ვადაში გაწევას შეუძლებელს ხდის, მოვაჭრეს არ აქვს უფლება, მოითხოვოს მომსახურების პროცესში გაწეული ხარჯების ანაზღაურება, აგრეთვე გაწეული მომსახურების საზღაური, თუ მომხმარებელმა ხელშეკრულების ნაწილობრივი შესრულებისადმი ინტერესი დაკარგა.

ხელშეკრულებაზე უარის თქმა

ელიტ სერვისი ახორციელებს არასაგარანტიო მომსახურებას თითოეული შეკვეთის საფუძველზე. კერძოდ, ის მომხმარებელთან დადებული ნარდობის ხელშეკრულების საფუძველზე უზრუნველყოფს სამონტაჟოდ საჭირო მასალების, ნაწილების მოძიებასა და მომსახურების გაწევას ყოველ თითოეულ შემთხვევაში. შესაბამისად, ელიტ სერვისი უზრუნველყოფს მომხმარებლის ინდივიდუალურად შეკვეთით, მის პირად საჭიროებაზე მორგებულ მომსახურებას.

საქართველოს კანონმდებლობისა და ამ პოლიტიკით დადგენილი გამონაკლისების გარდა, მომხმარებელს არ აქვს უფლება, უარი თქვას ხელშეკრულებაზე, თუ:

ა) სს „ელიტ ელექტრონიქსმა“ ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;

ბ) ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც სს „ელიტ ელექტრონიქსი“ ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა;

გ) მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;

დ) მიწოდებული საქონელი მალფუჭებადია ან მას მოკლე ვარგისობის ვადა აქვს;

ე) მას მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;

ვ) მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;

ზ) ხელშეკრულების პირობების შესაბამისად, მომხმარებელმა მოვაჭრე გადაუდებელი სარემონტო/ტექნიკური მომსახურების გასაწევად გამოიძახა. ეს შეზღუდვა არ ვრცელდება ამ ვიზიტის ფარგლებში აღნიშნული მომსახურების მიღმა გაწეულ დამატებით მომსახურებაზე;

თ) მიწოდებულ იქნა დალუქული აუდიო - ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;

ი) ხელშეკრულება საჯარო აუქციონის შედეგად დაიდო;

კ) ხელშეკრულება დაიდო უძრავი ქონების არასაცხოვრებელი მიზნით გადაცემაზე, საქონლის გადაზიდვაზე, სატრანსპორტო საშუალების ქირავნობაზე, კვების ორგანიზებაზე ან დასვენებასთან დაკავშირებულ მომსახურებაზე და მასში მითითებულია ხელშეკრულების შესრულების განსაზღვრული თარიღი ან პერიოდი;

ლ) მას ციფრული შინაარსი მიეწოდა არამყარი მატარებლით, ხელშეკრულების შესრულება მომხმარებლის წინასწარი თანხმობით დაიწყო და მომხმარებელმა იცოდა, რომ ამით დაკარგავდა ხელშეკრულებაზე უარის თქმის უფლებას;

 აქედან გამომდინარე, მომხმარებელს არ აქვს უფლება უარი თქვას ხელშეკრულებაზე უსაფუძვლოდ, ვინაიდან მომხმარებელსა და კომპანიას შორის დადებულ ხელშეკრულებაზე არ მოქმედებს „მომხმარებლის უფლებების დაცვის შესახებ“ საქართველოს კანონის მე-13 მუხლის (დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე უარის თქმის უფლება) პირობები.

მომხმარებელს უფლება აქვს, მოითხოვოს ხელშეკრულების შეწყვეტა/ხელშეკრულებიდან გასვლა სხვა, საქართველოს კანონით გათვალისწინებულ სხვა შემთხვევაში.

დაზიანებული პროდუქციის  მიმღები პუნქტების  მისამართები :

სს “ელიტ ელექტრონიქსი“ მიერ პერსონალურ მონაცემთა დაცვასთან დაკავშირებულ ნებისმიერ საკითხზე შეგიძლიათ დაგვიკავშირდეთ შემდეგ ელექტრონული ფოსტის მისამართზე: info@ee.ge, ან/და „ელიტ ელექტრონიქსის“ მომხმარებელთა მხარდაჭერის სამსახურის ნომერზე: (+995 32) 2 48 48 48.