ტელევიზორები და აუდიო მოწყობილობები-ტელევიზორი

თუ საქართველოში ტელევიზორის ონლაინ ყიდვა გსურთ, ელიტში ფართო არჩევანი გელოდებათ. რაც მთავარია, საიტზე ჩაშენებული ფილტრები საშუალებას გაძლევთ სწრაფად და მარტივად აირჩიოთ სასურველი მოდელი და დაზოგოთ დრო. ეკრანის ზომა, გარჩევადობა, ეკრანის ტიპი, განათება, განახლების სიხშირე, ოპერაციული სისტემა - რამდენიმე ძირითადი პარამეტრის მითითებით, ათეულობით ვარიანტში აღარ დაიბნევით და იპოვით სწორ მოდელს ზედმეტი ძალისხმევის გარეშე.

ტელევიზორები საქართველოში: როგორ ავირჩიოთ სწორი მოდელი სახლისთვის

ტელევიზორის არჩევისას ყველაზე გავრცელებული შეცდომა ბრენდზე ფოკუსირებაა. სინამდვილეში, სწორი არჩევანი ოთახის ზომებიდან და თქვენი ყოველდღიური გამოყენებიდან კეთდება. სანამ კონკრეტულ მოდელებს შეარჩევთ, ჯერ დაფიქრდით - რამდენად შორს დგას დივანი ეკრანიდან, რამდენი ბუნებრივი განათება შემოდის ოთახში და რას უყურებთ ყველაზე ხშირად: ფილმებსა და სერიალებს, სპორტს თუ თამაშებს. ამ რამდენიმე კითხვაზე პასუხი უკვე მნიშვნელოვნად ამცირებს არჩევანს და სწორი ტელევიზორის პოვნას ბევრად ამარტივებს.

ტელევიზორის არჩევისას ყურადღება მიაქციეთ:

•    ეკრანის ზომა - შეარჩიეთ ოთახის სივრცის მიხედვით, კომფორტული ხედვისთვის

•    გარჩევადობა - HD, Full HD, 4K ან 8K - ეს დამოკიდებულია იმაზე, თუ რას უყურებთ

•    ეკრანის ტიპი - LED ხელმისაწვდომი ვარიანტია, QLED უფრო ნათელ ფერებს გთავაზობთ, OLED კი უმაღლეს ხარისხს უზრუნველყოფს

•    განახლების სიხშირე - განსაკუთრებით მნიშვნელოვანია თუ თამაშობთ ან ფეხბურთის ყურება გიყვართ

•   Smart TV სისტემა - Google TV, Tizen ან webOS, აირჩიეთ თქვენთვის მოსახერხებელი ვარიანტი

•    ხელმისაწვდომობა - შეამოწმეთ მარაგშია თუ არა პროდუქტი და ისარგებლეთ მიწოდების სერვისით სასურველ მისამართზე

ეკრანის ზომის გზამკვლევი: კომპაქტური ტელევიზორებიდან დიდ ეკრანებამდე

ეკრანის ზომის სწორად შერჩევა ტელევიზორის ყიდვისას ერთ-ერთი მთავარი საკითხია. ხშირად შეცდომას სწორედ აქ ვუშვებთ - პატარა ოთახისთვის ზედმეტად დიდ ეკრანს ვარჩევთ ან დიდ სივრცეში ძალიან პატარა ტელევიზორს ვაყენებთ.

•    32-დან 43 დიუმამდე მოდელები იდეალურია საძინებლისთვის, სამზარეულოსთვის ან პატარა ოფისისთვის. თუ ეკრანთან დაშორება დაახლოებით ორ მეტრზე ნაკლებია, ეს ზომა ყველაზე კომფორტულია

•    50-დან 65 დიუმამდე ტელევიზორები საუკეთესო არჩევანია სტანდარტული მისაღები ოთახებისთვის. აღნიშნული ზომის მოდელები 2.5-3 მეტრის დისტანციაზე ბალანსს ქმნის - ეკრანი საკმარისად დიდია, მაგრამ არა გადამეტებული.

•    75 დიუმი და უფრო დიდი ეკრანები მხოლოდ მაშინ განიხილეთ, თუ ოთახის სივრცე ამას რეალურად ითხოვს - დიდი მისაღები, ღია სივრცე ან სახლის კინოზონა და ა.შ.

გარჩევადობა: HD, Full HD, 4K და 8K

გარჩევადობა ტელევიზორის ერთ-ერთი ყველაზე მნიშვნელოვანი მახასიათებელია. რაც უფრო მეტია პიქსელების რაოდენობა, მით უფრო მკვეთრი და დეტალურია გამოსახულება. განსხვავება განსაკუთრებით შესამჩნევია ეკრანის ზომისა და ყურების დისტანციის მიხედვით.

გარჩევადობის ფილტრში შეგიძლიათ აირჩიოთ HD, Full HD, 4K ან 8K მოდელები.

•    HD და Full HD გარჩევადობა პატარა ზომის ეკრანებისთვის სრულიად საკმარისია. მაგალითად, 32-დიუმიან ტელევიზორზე Full HD ყოველდღიური ყურებისთვის მკვეთრ და კომფორტულ გამოსახულებას უზრუნველყოფს.

•    4K - დღეს მომხმარებლების უმეტესობისთვის ყველაზე პრაქტიკული არჩევანია. განსაკუთრებით 50 დიუმიდან ზემოთ, სადაც მაღალი დეტალიზაცია და მკვეთრი გამოსახულება უკვე აშკარად შესამჩნევია. ტექსტი უფრო მკვეთრია, პეიზაჟები - უფრო დეტალური, ხოლო Netflix-სა და YouTube-ზე 4K კონტენტი უკვე სტანდარტად იქცა.

•    8K პრემიუმ კატეგორიაა და საუკეთესო შედეგს დიდ ეკრანებზე, 65 დიუმიდან ზემოთ აჩვენებს.  

ეკრანის ტიპი და განათება: LED vs QLED vs OLED

ეს საკითხი ხშირად ყველაზე დამაბნეველია ტელევიზორის არჩევის დროს. ფილტრებში შეხვდებით ეკრანის სხვადასხვა ტიპს - LED, QLED, QNED, NanoCell, Neo QLED და OLED, ხოლო განათებისთვის: Direct LED, Edge LED და Mini LED.

მარტივად რომ ვთქვათ, ეს ტექნოლოგიები განსაზღვრავს, რამდენად ხარისხიანი იქნება გამოსახულება - როგორი იქნება ფერები, კონტრასტი და ეკრანის სიკაშკაშე.

LED ტელევიზორები საბაზისო და ყველაზე ხელმისაწვდომი ვარიანტია. ასეთი მოდელები აღჭურვილია LCD პანელით და LED განათებით, რაც ყოველდღიური გამოყენებისთვის სრულიად საკმარისია.

LED Smart TV-ები კარგი არჩევანია საძინებლისთვის, სამზარეულოსთვის ან ზოგადად ყოველდღიური გამოყენებისთვის.

QLED ტექნოლოგია კვანტური წერტილების ფენას ამატებს. შედეგად უფრო ცოცხალ ფერები და უკეთესი სიკაშკაშე მიიღება. QLED ტელევიზორი განსაკუთრებით კარგი არჩევანია ნათელი ოთახებისთვის, სადაც მზის შუქი პირდაპირ ეკრანზე ხვდება - ასეთ პირობებში გამოსახულება უფრო მკაფიო და კომფორტულად საყურებელია.

OLED სრულიად განსხვავებული ტექნოლოგიაა. აქ დამატებითი განათება საერთოდ არ გამოიყენება - თითოეული პიქსელი საკუთარ სინათლეს თავად წარმოქმნის. OLED ტელევიზორები განსაკუთრებით შთამბეჭდავია ფილმებისა და სერიალების ყურებისას. თუმცა, ისინი შედარებით ძვირია და ძალიან ნათელ ოთახებში მაქსიმალური სიკაშკაშით ზოგჯერ კარგ QLED მოდელებს ჩამორჩება.

ეკრანის განათების ტიპიც მნიშვნელოვან გავლენას ახდენს გამოსახულების ხარისხზე:

•    Direct LED - განათებები მთელ უკანა პანელზეა განაწილებული, თანაბრად.

•    Edge LED - განათება ეკრანის კიდეებზეა მოთავსებული. ამის გამო ტელევიზორი უფრო თხელი დიზაინისაა, თუმცა ზოგჯერ განათება ნაკლებად თანაბარია.

•    Mini LED - იყენებს ათასობით მცირე ზომის LED-ს, რაც მნიშვნელოვნად აუმჯობესებს ლოკალურ დაბნელებას (Local Dimming), კონტრასტს და HDR ხარისხს.

განახლების სიხშირე და მოძრაობა: როდის არის 60Hz საკმარისი და როდის ღირს 120Hz+ შეძენა

განახლების სიხშირეს რაც შეეხება, ფილტრში შეხვდებით 50Hz, 60Hz, 100Hz, 120Hz და 144Hz ვარიანტებს. გულწრფელად რომ ვთქვათ, მომხმარებლების უმეტესობისთვის ამას გადამწყვეტი მნიშვნელობა არ აქვს. თუ უბრალოდ უყურებთ Netflix-ს, სერიალებს ან YouTube ვიდეოებს, 60Hz სრულიად საკმარისია - გამოსახულება გლუვია და ყოველდღიური გამოყენებისთვის იდეალურად მუშაობს.

თუმცა, როცა საქმე სწრაფ მოძრაობებს ეხება, მაგალითად, ფეხბურთი, კალათბურთი ან ჩოგბურთი - 120Hz ტელევიზორი უფრო სუფთა და მკვეთრ მოძრაობას აჩვენებს, ნაკლები ბუნდოვანებით.

იგივე ეხება თამაშებსაც - თუ იყენებთ PlayStation 5-ს ან ძლიერ კომპიუტერს, 120Hz ან 144Hz ეკრანი საშუალებას გაძლევთ მიიღოთ უფრო რეაგირებადი, გლუვი გამოცდილება.

•    120Hz ან მეტს მიანიჭეთ პრიორიტეტი, თუ თამაშობთ, ხშირად უყურებთ სპორტულ გადაცემებს და სხვ.

•    60Hz სრულიად ნორმალურია, თუ ძირითადად სერიალებს, ფილმებს, ახალი ამბებს უყურებთ.

Smart TV პლატფორმები: ოპერაციული სისტემისა და ხმოვანი ასისტენტის არჩევა

Smart TV ტელევიზორებში ჩაშენებულია ოპერაციული სისტემა, რომელიც გაძლევთ წვდომას აპლიკაციებზე, პარამეტრებზე და ხშირად - ხმოვან ასისტენტზეც. სწორედ ეს განსაზღვრავს, როგორი იქნება თქვენი ყოველდღიური გამოცდილება: რამდენად მარტივად იპოვით App-ებს, რამდენად სწრაფად იმუშავებს მენიუ და რამდენად კომფორტული იქნება ზოგადად გამოყენება. ამიტომ, Smart TV-ის ოპერაციული სისტემა მხოლოდ ტექნიკური დეტალი კი არაა - ის რეალურად გავლენას ახდენს იმაზე, თუ როგორ იყენებთ ტელევიზორს ყოველდღე.

•    Google TV / Android TV - კარგი არჩევანია, თუ გსურთ Google Play Store-ზე წვდომა და აპლიკაციების ფართო არჩევანი. ჩაშენებულია Google Assistant-იც, ხოლო, ინტერფეისი განსაკუთრებით ნაცნობი იქნება მათთვის, ვისაც Android ტელეფონი გამოუყენებია.

•    Tizen - გამოირჩევა სუფთა და მარტივი ინტერფეისით. აპლიკაციები განლაგებულია ქვედა ჰორიზონტალურ ზოლში. აქვს სტაბილური აპლიკაციების ნუსხა.

•    webOS - სისტემა, რომელიც ბარათებზე დაფუძნებულ ინტერფეისს იყენებს და რომლის ნავიგაციაც მარტივია განსაკუთრებით მათთვის, ვისაც ვიზუალურად ორგანიზებული მენიუები მოსწონს. აქვს საკუთარი აპლიკაციების მაღაზია და ითვლება ერთ-ერთ ყველაზე მოსახერხებელ სისტემად ყოველდღიური გამოყენებისთვის.

ხმოვანი ასისტენტის მხარდაჭერა კონკრეტულ მოდელზეა დამოკიდებული. ზოგ Smart TV-ს Google Assistant აქვს, ზოგს - Alexa, ხოლო ზოგი მოდელი საკუთარი ბრენდის ხმოვან ასისტენტს იყენებს.

თუ ხმოვან მართვას ხშირად იყენებთ, აუცილებლად გადაამოწმეთ რომელი ასისტენტითაა წარმოდგენილი თქვენთვის სასურველი მოდელი. ყველა ტელევიზორს ერთნაირი ფუნქციები არ აქვს, ამიტომ მხოლოდ ვარაუდს ნუ დაეყრდნობით.

მიწოდება და გარანტია საქართველოში

ელიტს აქვს უფასო მიწოდების სერვისი ნებისმიერ მისამართზე. თბილისში სტანდარტული მიწოდება 2-5 სამუშაო დღეს მოიცავს. თუ პროდუქტი სხვა რეგიონიდან იგზავნება, ვადა შესაძლოა ოდნავ გაიზარდოს. ზუსტი ინფორმაცია შეკვეთის გაფორმებისას, მისამართის მითითების შემდეგ გამოჩნდება. 50 ლარზე მეტი ღირებულების შენაძენის მიწოდება უფასოა, ამიტომ ტელევიზორის შეძენის შემთხვევაში დამატებითი საკურიერო საფასური არ დაგეკისრებათ.

რაც შეეხება გარანტიას, ტელევიზორებს აქვს როგორც კომერციული, ისე კანონით განსაზღვრული გარანტია. საგარანტიო პირობები ბრენდისა და მოდელის მიხედვით განსხვავდება. საგარანტიო ბარათი ონლაინ შეძენის შემთხვევაში ელფოსტაზე იგზავნება.

ონლაინ შეძენილი ნივთების დაბრუნება შესაძლებელია 14 კალენდარული დღის განმავლობაში.