„ელიტ ელექტრონიქსი“ გახდა „ელიტი“

ბრენდები ვითარდება მაშინ, როცა იცვლება მომხმარებლების საჭიროებები და ჩვენც შესაბამისად განვვითარდით. სწორედ ამიტომ, „ელიტ ელექტრონიქსი“ ახლა უბრალოდ „ელიტი“-გახდა — განახლებული ხედვით, გაფართოებული ასორტიმენტით და ახალი ვიზუალური იდენტობით.

რატომ ელიტი?

წლების განმავლობაში „ელიტ ელექტრონიქსი“ ბაზრის ლიდერი იყო საყოფაცხოვრებო ტექნიკის სფეროში, მაგრამ ჩვენთვის ყოველთვის მთავარი იყო მომხმარებლის კომფორტი და სრული სახლის უზრუნველყოფა. სწორედ ამიტომ გადავდგით ნაბიჯი და ჩვენს პროდუქტებს დავამატეთ ავეჯის სრული კატეგორია. ახლა ელიტი გთავაზობთ ყველაფერს სახლისთვის — ტექნიკიდან ინტერიერის ელემენტებამდე.

სახლზე ზრუნვას ასახავს დამთბარი ფერები და გათანამედროვებული, თუმცა მყუდრო ვიზუალური სტილიც.

„ ელიტის მთელი გუნდი მზად ვართ, რომ ვიყოთ სანდო მრჩეველი და კურატორი საყოფაცხოვრებო, ციფრულ, აიტი ტექნიკისა და ავეჯის სამყაროში. მთავარი, რასაც გვინდა, რომ ჩვენთან ურთიერთობისას მომხმარებლები გრძნობდნენ, არის სიმშვიდე. სიმშვიდე გამოწვეული სწორი და გრძელვადიანი გადაწყვეტილებებით. ჩვენთვის მნიშვნელოვანია მომხმარებლის გამოცდილებაზე ორიენტირებული მიდგომა დაწყებული შთაგონების ეტაპით, დამთავრებული ნივთის შეძენის შემდგომი მომსახურებით “,  – ლადო ჯობავა, ელიტის გენერალური დირექტორი