Apple 2026 წლის 4 მარტს სპეციალურ ღონისძიებას - „Apple Experience“ - ჩაატარებს. ტრადიციული პრეზენტაციის ნაცვლად, ამჯერად ღონისძიება სამი დღის მანძილზე ნიუ-იორკში, ლონდონსა და შანხაიში გაიმართება.

Apple-ის ღონისძიებაზე შესაძლოა ვიხილოთ შემდები პროდუქტების დებიუტი:

iPhone 17e - ახალი ბიუჯეტური მოდელი, რომელიც ჩაანაცვლებს iPhone 16e-ს. სავარაუდოდ, მას ექნება A19 პროცესორი (იგივე, რაც iPhone 17 სერიაში) და MagSafe-ის მხარდაჭერა. გარდა ამისა, მოსაოდნელია 6.1-დიუმიანი OLED ეკრანი 60Hz

განახლების სიხშირით. Apple-მა შესაძლოა გააუმჯობესოს კამერის ჭრილი 17e-სთვის და დაამატოს Dynamic Island. Always-On ეკრანი, დიდი ალბათობით, არ ექნება და „e“ სერია კვლავ ფასის ოპტიმიზაციაზე იქნება ორიენტირებული.

MacBook - ვრცელდება ინფორმაცია სრულიად ახალ, შედარებით დაბალფასიან ლეპტოპზე, რომელსაც სავარაუდოდ A18 ან A18 Pro პროცესორი ექნება. მოსალოდნელია, რომ მოდელი იქნება 12.9-ინჩიანი, ფერადი დიზაინით (ყვითელი, მწვანე,

ლურჯი).

MacBook Pro და MacBook Air (M5 სერია) - მოსალოდნელია M5, M5 Pro და M5 Max პროცესორებით აღჭურვილი მოდელების წარდგენა.

iPad: შესაძლოა გამოვიდეს მე-12 თაობის iPad A18 ან A19 პროცესორით, ხოლო iPad Air განახლებული M4 პროცესორით.

Mac Studio და Studio Display - გავრცელებული მოსაზრებების მიხედვით, შესაძლოა ამ მოწყობილობების განახლებაც ვიხილოთ.

Smart Home Hub - Apple-მა შესაძლოა წარმოადგინოს სრულიად ახალი, ჭკვიანი სახლის სამართავი ეკრანი A18 ჩიპით და FaceTime-ის მხარდაჭერით.