შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng


კედელზე დასაკიდი და კარადაში ჩასამონტაჟებელი გამწოვი (ქვედა წერტილი) უნდა იყოს დაშორებული გაზქურის ზედაპირიდან მინიმუმ 65 სმ-ით, (ოპტიმალური მანძილი 65-85 სმ), ხოლო ელექტრო ქურის ზედაპირიდან მინიმუმ 55 სმ-ით.

 

თითქმის ყველა თანამედროვე გამწოვი (ზოგიერთი დაბალი კლასის მოდელის გარდა) შეიძლება მუშაობდეს ჰაერის გაწოვის, ან რეცირკულაციის (ჰაერის გაფილტვრის) რეჟიმში.

 

გაწოვის რეჟიმი - ამ შემთხვევაში გაზქურის ან სამუშაო პანელის თავზე დამონტაჟებული გამწოვი შეიწოვს ჰაერს, რომელიც გაივლის მეტალის ცხიმდამჭერ ფილტრში  და  გამწოვი მილის მეშვეობით გაიწოვება შენობის მიღმა (ფანჯარა უნდა იყოს ოდნავ ღია).

 

ჰაერის გაფილტვრა ე.წ. რეცირკულაციური რეჟიმი - ამ შემთხვევაში  შეწოვილი ჰაერი გაივლის მეტალის  ცხიმდამჭერ  ფილტრს, ხოლო  შემდგომ ნახშირის ფილტრს და  გასუფთავებული სახით გამოიფრქვევა ისევ ოთახში (ფანჯარა უნდა იყოს დაკეტილი).

 

მეტალის ცხიმდამჭერი ფილტრი აკავებს ცხიმის მიკრო ნაწილაკებს, რომელიც ორთქლთან ერთად ხვდება მასზე პროდუქტის მომზადებისას. ცხიმდამჭერი ფილტრი წარმოადგენს მეტალისაგან, ყველაზე ხშირად ალუმინისაგან დამზადებულ ბადისებრ დაწნულ ფირფიტას-ირეცხება  (იშვიათად ამზადებენ სინთეტიკისაგან-არ ირეცხება). 

 

ნახშირის ფილტრები განკუთვნილია ჰაერის გასაფილტრად იმ შემთხვევაში, თუ გამწოვს ვამუშავებთ რეცირკულაციის რეჟიმში. ჰაერის ფილტრი წარმოადგენს მრგვალ, ან ოთხკუდხედ კასეტის ტიპის კონტეინერს, რომელშიც მოთავსებულია აქტიური ნახშირის მიკრო გრანულები. მისი ექსპლუატაციის საშუალო ვადაა 4-6 თვე. ნახშირის ფილტრის გამოყენებისას გამწოვის წარმადობა იკლებს 15-30 %-ით.

 

გამწოვის მთავარ მახასიათებელს წარმოადგენს  მისი წარმადობა, ანუ ვენტილატორის სიმძლავრე - იმ ჰაერის მოცულობა რასაც გამწოვი გაატარებს ერთი საათის მანძილზე,  რომლის საზომ ერთეულადაც მიღებულია მეტრკუბი საათში (m3/h).

 

ევროპის ქვეყნებში მიღებული სტანდარტების მიხედვით სამზარეულოდან ჰაერის გაწოვა (შეცვლა) უნდა მოხდეს 10-ჯერ ერთ საათში.

 

სასურველი სიმძლავრის გამწოვის შერჩევისას სამზარეულოს ფართობს ვამრავლებთ ჭერის სიმაღლეზე და შემდეგ 10-ზე. მივიღებთ გამწოვის სასურველ წარმადობას მეტრკუბ საათში. მაქსიმალური ეფექტისათვის ხშირად 20-30 %-ით მეტ წარმადობას ირჩევენ (მონტაჟის თავისებურების მიხედვით).

საიტის სრული ვერსია