შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng

 


უთო

 

"4Anti calc სისტემა" -4 კომპონენტიანი ნადებსაწინააღმდეგო სისტემა:

1.     Self -Clean - თვითწმენდის კლაპანი განთავსებულია წყლის რეზერვუარსა და ორთქლის განყოფილებას შორის, რათა შეეწინააღმდეგოს ნადების წარმოქმნას და უზრუნველყოს ორთქლის ოპტიმალური მიწოდება.

2.     Calc n Clean - წმენდის ფუნქცია რომელიც უზრუნველყოფს ნადების წარმოქმნის შემთხვევაში მის აღმოფხვრას. აღნიშნული წმენდა რეკომენდირებულია ჩატარდეს 2-3 კვირაში ერთხელ.

3.     Anti-calc - უთოში ჩამონტაჟებულია სპეციალური კარტრიჯი (მოქმედებს უთოს ექსპლუატაციის მთელ პერიოდში), რომელიც ამცირებს წყლის სიხისტეს, კირის შემცველობას წყალში, რათა ხელი შეუშალოს   ნადების წარმოქმნას.

4.     სპეციალური საწმენდი სითხე - რომლის მეშვეობითაც ვატარებთ წმენდას ყოველ 6 თვეში. წყლის რეზერვუარში ვასხავთ წყალს რომელშიც წინასწარ უნდა გავაზავოთ 1 პორცია საწმენდი სითხე. სითხე შეიცავს მჟავას და ეცადეთ არ მოგხვდეთ მისი წვეთები სხეულის ნაწილებზე და მოარიდეთ ბავშვებს.

 

"3Anti calc სისტემა" -3 კომპონენტიანი ნადებსაწინააღმდეგო სისტემა:

 

"2Anti calc სისტემა" -2 კომპონენტიანი ნადებსაწინააღმდეგო სისტემა:

 

"Motor steam" - იგი წარმოადგენს ორთქლის გენერატორს, რომელიც გაუთოვების დროს უზრუნველყოფს ორთქლის მუდმივ მოწოდებას მაღალ დონეზე. ტესტირება აჩვენებს, რომ უთო აღჭურვილი სისტემით "Motor steam" იძლევა 30 %-იან დროის ეკონომიას.

 

გაუთოვება ორთქლის გარეშე - ორთქლის მიწოდების რეგულატორის საშუალებით ვკეტავთ ორთქლის მიწოდებას და ვაუთოებთ ორთქლის გარეშე.

 

დანამვა - დასხურება  ,,Spray" - უთოებს სახელურის წინა ნაწილში გააჩნია ნასვრეტი საიდანაც ხდება წყლის გამოფრქვევა-გამოსხურება. წყლის ჭავლი მიემართება უთოს ცხვირისაკენ და ნამავს ქსოვილს.

 

გაუთოება ორთქლის დარტყმით / ვერტიკალური გაუთოება - უთოს ვიჭერთ ვერტიკალურად (ქსოვილიდან დაახლოებით 10 სმ-ში), ტემპერატურის რეგულატორს ვაყენებთ მაქსიმალურ პოზიციაზე და ვაჭერთ ორთქლის მიწოდების ღილაკს. (ძირითადად გამოიყენება მძიმე ქსოვილების დაუთოებისას მაგ: ფარდების).

,,Secure", "Auto Shut off" -ავტომატური გამორთვა.  გაცხელების შემდეგ, თუ უთო უძრავად დევს ვერტიკალურად 8 წუთის შემდეგ გაითიშება ავტომატურად, ხოლო თუ დევს ქსოვილზე ჰორიზონტალურად, ან გვერდზე გადაყირავებული გაითიშება 30 წამის შემდეგ. ამოძრავებისას ისევ ჩაირთვება.

 

"Drip Stop" - უთოს ძირის დაბალი ტემპერატურით გაცხელებისას აქტიურდება სისტემა "წვეთის შეჩერება", რაც გამორიცხავს წყლის მოხვედრას ქსოვილზე,  ქსოვილი არ სველდება.

 

 "Air system" - გამაცხელებელ ელემენტსა და უთოს პირს შორის მოთავსებულია სპეციალური საჰაერო სისტემა, რაც უზრუნველყოფს სითბოს თანაბარ განაწილებას და უთოს პირის თანაბარ გაცხელებას, რომლის მეშვეობითაც უპირატესობას მოვიპოვებთ ნაზი და ფაქიზი ქსოვილის გაუთოების დროს.

 

 

უთოს ძირები (პირები)

 

Inox - მისი გარსი შედგება მყარი უჟანგავი ფოლადისაგან და მსუბუქი ალუმინისაგან, რომელსაც გააჩნია მაღალი თბოგამტარობა. მსგავსი კომბინაცია ითვლება ერთერთ საუკეთესოდ და გავრცელებულად თანამედროვე უთოებში. პირი inox მსუბუქია არ იჟანგება და მარტივად იწმინდწება.

 

Inox glissee - ზედაპირის სპეციალური დამუშავება მაღალი წნევის ქვეშ უჟანგავ ფოლადს ხდის უფრო გამძლეს და მყარს. პირი Inox glissee ფლობს უმაღლეს სიმყარეს და გამძლეა ნაკაწრების მიმართ. სპეციალური დანამატები მის შემადგენლობაში და მისი დამუშავება აძლევს მას მოოქროსფრო ფერს და უზრუნველყოფს პირის ყველა ტიპის ქსოვილზე სრიალს დიდი ხნის მანძილზე.

 

Granit glissee - უჟანგავი ფოლადისაგან დამზადებული პირი დაფარულია ზემყარი ემალით, რაც უზრუნველყოფს აბსოლიტურ გამძლეობას ნაკაწრებისა და ამოტეხვებისგან. მასალების გონებამახვილური კომბინაცია იძლევა ქსოვილზე სრიალის იდეალურ მაჩვენებელს. გარდა ამისა პირის გვერდები დაცულია სპეციალური კანტებით, რათა არ მოხდეს მისი დაზიანება.

 

Cera glissee - ალუმინის მსუბუქი პირი დაფარულია მყარი ემალით, რაც უზრუნველყოფს აბსოლიტურ გამძლეობას ნაკაწრების მიმართ. ქსოვილზე სრიალებს იდეალურად. წინასწარ გათვლილი 100-ზე მეტი ნასვრეტი იძლევა ოღთქლისა და სითბოს იდეალური განაწილების საშუალებას.

 

Palladium glissee - პირი სპეციალური კერამიკული საფარით სრიალებს განურჩევლად ყველა ტიპის ქსოვილზე. მისი სტრუქტურა მიმართული ორთქლის არხებით გაუთოვების პროცესს ხდის სწრაფს და მსუბუქს. ვიწრო ზედა ნაწილის მეშვეობით შესაძლებელია მანჟეტებისა და ისეთი მიუდგეომელი ადგილების გაუთოვება როგორიცაა შარვლის ჯიბე.

 

Titanium glissee - მსუბუქი ალუმინის პირი რომლის შემადგენლობაშიც შედის ტიტანის ნაწილაკები და დაფარულია თხელი ემალის ფენით რაც უზრუნველყოფს იოლ სრიალს ქსოვილზე.

 

Palladium glissee multi-directional -  ახალი ინოვაციური ძირი შეიქმნა მომხმარებელთა მოთხოვნების ხანგრძლივი შესწავლის შედეგად,  რომლის საშუალებით გაუთოვება შესაძლებელია ყველა მიმართულებით (მარჯვნივ, მარცხნივ, წინ, უკან).

 

360° «Flexogelenk» - სპეციალური ბურთულის მეშვეობით დამაგრებული ელექტრო სადენი გაუთოვების დროს არ გვიშლის ხელს უთოს მოძრაობაში, გარდა ამისა სადენი დაცულია გადაბმის ადგილში რომ არ მოხდეს მისი გადაკეცვა, რაც შემდგომში გამოიწვევს სადენების დაზიანებას (გაწყვეტას).

 

რბილი ორკომპონენტიანი სახელური «Soft-touch» -  იმ ადგილებში, სადაც ყველაზე დიდხანს გვიწევს ხელის მოკიდება და შეხება, გამოიყენება სპეციალური მასალა, რომ არ გაგვიოფლიანდეს ხელი, არ გაგვიღიზიანდეს კანი და თავი ვიგრძნოთ კომფორტულად. აღნიშნული მასალა გამოიყენება უთოს სახელურზე და ტემპერატურის რეგულატორზე.

 

იონიზირებული ორთქლი- ამ სისტემის საშუალებით ორთქლი იშლება იონებად რის შედეგადაც იგი უფრო ადვლად აღწევს ქსოვილის სტრუქტურაში. უფრო ადვილად უთოვდება ქსოვილი.

 

სისტემა ,,SteamTip''-  აღნიშნული სისტემის მქონე უთოს ძირის წინა ნაწილში (წვერზე) გააჩნია მრავალი ნასვრეტი. იგი უზრუნველყოფს ორთქლის თანაბრად გამოყოფას უთოს წინა ნაწილში, რაც მიუდგომელი ადგილების  ხარისხიანად დაუთვების საშუალებას იძლევა.

 

 

 

მტვერსასრუტები

 

«MEGAfilt® SuperTEX»- მტვერის შემგროვებელი, დამზადებულია სპეციალური სინთეტიკური მასალისაგან. მას შეუძლია შეაჩეროს მცირე ზომის მტვერის 99% და მტვრით გავსებისას იგი 30% ით ეფექტურად ინარჩუნებს შეწოვის ძალას ვიდრე მისი წინამორბედი «MEGAfilt®»

 

ციკლონური კონტეინერი bag&bagless და cycle-tech - აღნიშნული წარმოადგენს პლასტმასის კონტეინერს სადაც ცენტრირებული დინების ძალით  შეწოვილი მსხვილი ზომის ნაგავი გადაისროლება სპეციალურ რეზერვუარში, ხოლო მომცრო ზომის მტვრის ნაწილაკების შეკავება ხდება რეცხვადი ფილტრის "Microsan" მეშვეობით.

 

ფილტრაციის სისტემები HEPA (High Efficiency Particulate Air)- ამ ტიპის ფილტრს, (კლასით H12), შეუძლია შეაკავოს 99,5% მტვრის ნაწილაკები ზომით 0,06 მიკრონი (შეესაბამება ევროპის ნორმებს EN 1822), როგორიცაა თამბაქოს კვამლი, ბაქტერიები. მტვერსასრუტიდან გამოსული ჰაერი არის უფრო სუფთა ვიდრე ოთახში არსებული ჰაერი.

 

აქტიური ფილტრაციის სისტემა Air Clean HEPA Active -აღნიშნული კლასის HEPA ფილტრს დამატებული აქვს აქტიური ნახშირის ფილტრი, რაც იძლევა მტვერსასრუტიდან გამოსული ჰაერის მაღალი ფილტრაციის დონეს. მტვერსასრუტიდან გამოსული ჰაერი არის უფრო სუფთა ვიდრე ოთახში არსებული ჰაერი და აქვს ნეიტრალური სუნი.

 

ფილტრაციის სისტემა Air Clean II (მიკროფილტრი)-ჰიგიენურ ფილტრაციას ასრულებს მიკროფილტრი. ამ კლასის ფილტრაცია პასუხობს უმეტეს მომხმერებელთა მოთხოვნებს. აღნიშნული ტიპის ფილტრები მოთავსებულია მტვრის შემგროვებელი ტომრის/კონტეინერის შემდეგ.

 

ფილტრაცია Air Clean Active (მიკროფილტრი/ნახშირისფილტრი) -  რეკომენდირებულია მათთვის, ვისაც ჰყავს შინაური ცხოველები. ჰიგიენურ ფილტრაციას ანხორციელებს მიკრო ფილტრი რომელსაც დამატებული აქვს აქტიური ნახშირის ფილტრი. ფილტრი ანადგურებს უსიამოვნო სუნს, მაგალითად ისეთს როგორიცაა შინაური ცხოველების ბეწვის სუნი.

 

 

ძრავის რეცხვადი მიკროფილტრი Microsan - იცავს ძრავს, რათა მასში არ მოხვდეს მტვრის ნაწილაკები და არ დააზიანოს ის. ფილტრი ირეცხება (გაშრობის დრო-24 საათი)

(დაბალი კლასის მოდელებში Microsan ფილტრის ნაცვლად გამოიყენება უბრალო ტიპის მიკროფილტრები, რომელიც პერიოდულად უნდა შეიცვალოს).

 

ინტეგრირებული სათავსო აქსესუარებისათვის - რომელიც მდებარეობს მტვერსასრუტის კორპუსში. მასში მოთავსებულია სამი აქსესუარი:

1. რბილი ჯაგრისი ავეჯისათვის

2. აქსესუარი ღრიჭოებისათვის

3. რბილი ავეჯის აქსესუარი

 

 

ინტეგრირებული სათავსო ორი აქსესუარისათვის

1. აქსესუარი ღრიჭოებისათვის

2. რბილი ავეჯის აქსესუარი

 

Air flow control system - უნიკალური სისტემა ზრუნავს მასზედ, რომ მტვერსასრუტში შეწოვილმა ჰაერმა 100% ით გაიაროს ფილტრაციის სისტემა. ამის მეშვეობით მტვრის ნაწილაკების 99,997%  და დაბინძურებული ჰაერი იფილტრება მის სისტემაში და გარეთ გამოდის აბსოლიტურად სუფთა ჰაერი.

 

სისტემა Air safe - ძრავის განყოფილების თავსაფარი ჰერმეტულად ეფარება კორპუსს, რათა არ მოხდეს არაკონტროლირებადი ჰაერის მასების გაბნევა. ამის გამო მცირდება ხმაურის დონეც.

 

გამოსასვლელი ფილტრის  ელექტრონული ინდიკატორი-გვიჩვენებს გამოსასვლელი ფილტრის დაბინძურების დონეს (შკალა პროცენტული დანაყოფებით). ინდიკატორს გააჩნია ღილაკი reset - რისი მეშვეობითაც ჩამოვყრით (გავანულებთ) ფილტრის ინდიკაციას.

 

მოქმედების რადიუსი - ნიშნავს ელექტრო სადენის სიგრძეს თუ რამდენ მეტრზე შეგვიძლია მანევრირება, როდესაც ელექტრო სადენი ჩართულია ქსელში.

 

ტელესკოპური მილი -  მსგავსი მილების უპირატესობას წარმოადგენს სიგრძის რეგულირება, ანუ შეგვიძლია შევარჩიოთ ჩვენთვის სასურველი სიგრძე და დავაფიქსიროთ საჭირო მდგომარეობაში.

 

სამგორგოლაჭიანი მანევრირების მექანიზმი - მაღალი მანევრირება ყველა ტიპის იატაკსა თუ ხალიჩაზე მიიღწევა 3 ცალი მბრუნავი გორგოლაჭის მეშვეობით, რომელთაც შეუძლიათ ორი მიმართულებით ბრუნვა 360˚-ით.

 

უნივერსალური აქსესუარი "საცმისი 4in1"  - მასში გაერთიანებულია 4 ტიპის აქსესუარი:

1. მოკლე ზომის აქსესუარი მიუდგომელი კუთხეებისა და ღრიჭოებისათვის.

2. აქსესუარი რბილი ავეჯისათვის.

3. აქსესუარი ჟაგრისით ავეჯისათვის.

4. მოკლე ზომის აქსესუარი მიუდგომელი კუთხეებისა და ღრიჭოებისათვის, შეგვიძლია დავაგრძელოთ.

 

უნივერსალური აქსესუარი იატაკი/ხალიჩა-საცმი, რომელსაც გააჩნია გადამრთველი  იატაკი/ხალიჩა. იგი გამოიყენება, როგორც ხალიჩების ასევე მყარი იატაკის დასასუფთავებლად.

 

აქსესუარი  ტურბო ჯაგრისი  Turbo Universal BOSCH BBZ 102 TBB

  • იდეალურია ხალიჩებისა და ხალიჩისებრი საფარებისათვის.
  • იგი ერთდროულად წმინდავს იატაკს ჯაგრისებით და იწოვს მტვერს.
  • ეფექტურად უმკლავდება ცხოველთა ბეწვს, ამიტომ იგი რეკომენდირებულია იმ ოჯახისათვის ვისაც სახლში ყავს შინაური ცხოველები.

 

ტურბო ჯაგრისი Turbo BOSCH BBZ 42 TB

  • იდეალურია  მატრასებისა და რბილი ავეჯის გასაწმენდად.

  • ეფექტურად ასუფთავებს ძაფებს, თმებს და ბეწვებს.

 

ჯაგრისი მყარი იატაკისათვის BOSCH BBZ 122 HD  

  • გლუვი იატაკის გასაწმენდი ( პარკეტი, ლამინატი  ქვის იატაკი)

  • აღჭურვილია ორი გორგოლაჭით  და  რბილი ნატურალური ბეწვით

 

ProAnimal Hair -აქსესუარი ცხოველების ბეწვის ასაღებად  (280მმ). სპეციალური კონსტრუქციის დახმარებით აქსესუარი ProAnimal Hair უფრო ეფექტურად აგროვებს ცხოველთა ბეწვს ხალიჩიდან, ვიდრე ჩვეულებრივი ტიპის ჯაგრისი. აქსესუარი არის უნივერსალური და მისი გამოყენება შესაძლებელია, როგორც ხალიჩაზე, ასევე მყარ იატაკზე.

 

ProParquet duo soft - ჯაგრისი მყარი იატაკისათვის (პარკეტისათვის). 100% ნატურალური ბეწვი პარკეტისა და ლამინირებული იატაკის ფაქიზად საწმენდად.

 

ფილტრი ,,Autoclean"- სპეციალურ ღილაკზე თითის დაჭერით ფილტრი იწყებს ბრუნვას რისი საშუალებითაც მისგან გამოიდევნება მტვრის ნაწილაკები. აღნიშნული ფუნქციის წყალობით მტვერსასრუტში შეწოვის ძალა არ კლებულობს.

 

ფილტრი ,, Hepa 13'' -  აღნიშნული ფილტრი განთავსებულია მტვერსასრუტიდან  გამომავალ განყოფილებაში.  იგი უზრუნველყოფს  მტვერსასრუტიდან გამომავალი ჰაერის გაწმენდას 99.95%- ით.     

 

აქსესუარი Tri-Active - უზრუნველყოფს იდეალურ წმენდას  მის გვერდებზე   განლაგებული ჩოთქების საშუალებით.

                   

არომატიზატორი  ,,Active Fragrance control"-  იგი განთავსებულია მტვერსასრუტიდან გამომავალ ფილტრთან და უზრუნველყოფს ჰაერში სასიამოვნო არომატის გამოფრქვევას.

 

აქსესუარი ,, Reach&Clean'' - რომბის ფორმის აქსესუარი, რომელიც ბრუნავს 3600 -ით.

 

 

მულტირობოტი

 

ბლენდერი-წარმოადგენს მინის ან პლასტმასის ჭურჭელს, რომლის ძირში მოთავსებულია უჟანგავი ფოლადის დანები. ის გამოიყენება კოქტეილების, მუსის და მსგავსი პროდუქტის დასამზადებლად.ზოგიერთ მოდელს ყინულის დაქუცმაცებაც შეუძლია.

 

წვენსაწური-გამოიყენება ხილისა და ბოსტნეულის გასაწურად (ციტრუსების გარდა).

 

ციტრუსის საწური-წარმოადგენს მბრუნაბ ამობურცულ ზედაპირს, რომელზეც იწურება შუაში გაჭრილი ციტრუსი.

რეჟიმი (სიჩქარის რაოდენობა)-განსაზრვრავს დანების, დისკების ფიქსირებულ ბრუნს, რაც უფრო მეტი რეჟიმი აქვს მულტირობოტს, მით უფრო ზუსტად შეგვიძლია შევარჩიოთ ოპტიმალური რეჟიმი სხვადასხვა პროდუქტისთვის.

 

იმპულსური რეჟიმი-მულტირობოტის ჩართვა/გამორთვა შესაძლებელია პაუზებით, რაც ზრდის ეფექტურობას და იცავს ძრავს გადახურებისაგან.

 

ცომის საზელი-საცმი, რომელსაც აქვს განსაკუთრებული ფორმა, გამოიყენება ცომის საზელად ისე, რომ ჭურჭლის კედლებზე არ რჩება გამოუყენებელი ინგრიდიენტები.

 

მიქსერი (ასათქვეფი)-ერთი, ან ორმაგი საცმი, რომელიც გამოიყენება ძირითადად მსუბუქი სითხეების (თხევადი ცომი, მაიონეზი) და კვერცხის ასათქვეფად.

 

ორმხრივი საჭრელი დისკი-უჟანგავი ფოლადის დისკი, რომლის საშუალებითაც შეგვიძლია დავჭრათ ბოსტნეული და ხილი ერთი მხრიდან თხელ ნაჭრებად, ხოლო მეორე მხრიდან უფრო სქელ ნაჭრებად.

 

ორმხრივი სახეხი დისკი-მისი საშუალებით შეგვიძლია გავხეხოთ  ბოსტნეული და ხილი ერთი მხრიდან წვრილად, ხოლო მეორე მხრიდან უფრო მსხვილად.

 

თვითწმენდა ,,Clean"-ცალკე ღილაკი, რომლის გააქტიურებისას ხდება დაბინძურებული კონტეინერის და მასში მოთავსებული დეტალების გარეცხვა: გამოყენების შემდეგ ვასხამთ კონტეინერში წყალს და შესაბამის სარეცხ საშუალებას (ჟელე, სითხე), ვაჭერთ ღილაკს.

 

 

 

ფრიტურნიცა

 

"Cool Zone" - კონტეინერის ქვედა  ნაწილში გამაცხელებელ ელემენტსა და კონტეინერის ძირს შორის არის ზონა დაბალი ტემპერატურით, ეგრეთწოდებული "Cool Zone", რომლის მეშვეობითაც ზეთის ტემპერატურა არ აღემატება დაშვებული ზღვარის ტემპერატურას. ნამცეცები და პროდუქტის ნაჭრები აღნიშნულ ზონაში მოხვედრისას არ იწვება რაც თავისთავად ახანგრძლივებს ზეთის სისუფთავეს.

 

ტაიმერი-მითითებული  დროის ამოწურვისას გაისმის ხმოვანი სიგნალი. რიგ მოდელებში მითითებული მომზადების დროის ამოწურვისას ფრიტურნიცა გამოირთვება ავტომატურად.

 

თერმოსტატი-მოწყობილობა, რომლის საშუალებითაც შეგვიძლია მივუთითოთ ზეთის გაცხელების ტემპერატურა, რომელიც შენარჩუნებული იქნება მომზადების პროცესის დასრულებამდე.

 

სუნის საწინააღმდეგო ფილტრი-მუდმივი ფილტრი, რომელიც ანეიტრალებს კერძის მომზადებისას ფრიტურნიციდან გამოსულ სუნს. არსებობს მოდელები მიკროფილტრით, რომლის საშუალებითაც იფილტრება ზეთი კერძის მომზადების შემდეგ.

 

 

ორთქლსახარში

 

წყლის დამატების შესაძლებლობა-შესაძლებელია დავამატოთ წყალი მომზადების პროცესში, გამორთვის გარეშე.

 

წყლის დონის ინდიკატორი-ყოველთვის შეგვიძლია ვაკონტრილოთ წყლის რაოდენობა მომზადებისას და საჭიროების შემთხვევაში დავამატოთ წყალი.

 

იარუსის რაოდენობა-იარუსის რაოდენობაზე არის დამოკიდებული, თუ რამდენი კერძის მომზადება არის შესაძლებელი ერთდროულად, მათ შორის კერძებისა სხვადასხვა ინგრიდიენტებით (რომლებიც არ საჭიროებენ არევას).

 

 

ხორცსაკეპი

 

წარმადობა-რამდენი კილოგრამი ხორცის გატარება შეუძლია ხორცსაკეპს წუთში.

 

,,კებბე"-გატარებული ხორცისაგან დამზადებული შემწვარი ძეხვი, რომელშიც შიგთავსის სახით გამოყენებულია სხვადასხვა პროდუქტი.

 

საცმი ძეხვეულისთვის-მოგრძო, წაკვეთილი კონუსის ფორმის საცმი, გამოიყენება ძეხვის დასამზადებლად ოჯახურ პირობებში.

 

რევერსი-უკუ ბრუნი, რომლის საშუალებითაც ხრახნულ ღერძზე დახვეული, გაჭედილი ხორცი ამოვიღოთ ადვილად, ნაწილებად დაშლის გარეშე.

 

დაცვა გადახურებისაგან- ძრავის გადახურებისა და  გადატვირთვისაგან დამცავი სისტემა გამორთავს ძრავს, თუ მასზე დატვირთვამ მიაღწია კრიტიკულ ზღვარს.

 

 

ჩაიდანი

 

თერმორეგულატორი-ჩაიდანში წყლის ტემპერატურა შენარჩუნებულია ჩვენს მიერ მითითებულ ზღვარზე, ჩართვა გამორთვის ხარჯზე.

 

სტარტის გადავადება-ჩაიდანი ჩაირთვება ჩვენს მიერ მითითებულ დროს.

 

როტაციის კუთხე 3600-ჩაიდანი დგას სპეციალურ სადგარზე, საიდანაც ხდება ელექტრონული კვება. ასეთ სადგარზე შესაძლებელია ჩაიდანი ვაბრუნოთ 3600-ით, დავდგათ ნებისმიერი მიმართულებით.

 

წყლის დონის ინდიკატორი-ჩაიდანს აქვს ერთი ან ორი ფანჯარა დანაყოფებით (გვიჩვენებს წყლის მინიმალურ და მაქსიმალურ დასაშვებ ზღვარს), საიდანაც ჩანს წყლის დონე.

 

ფილტრი-ფილტრავს წყალს დუღილისას წარმოქმნილი ნადებისაგან. ის შეიძლება იყოს დამზადებული სხვადასხვა მასალისაგან.

 

 

 

ტოსტერი

 

სიმძლავრის რეგულატორი (თერმოსტატი)-განსაზღვრავს პურის ნაჭრების შებრაწვის დონეს, ხანგრძლივობას.

 

მეტალის ბადე-მოთავსებულია ტოსტერის ზედა ნაწილში და გამოიყენება სხვადასხვა საკონდიტრო ნაწარმის შესათბობად, შესაცხელებლად. ჩვეულებრივ მდგომარეობაში ჩაკეცილია.

 

გალღვობა-გაყინული პურის ნაჭრები (ტოსტები) შებრაწვამდე უნდა გავალღოთ შესაბამის ტემპერატურაზე, მოცემული ფუნქციის გააქტიურებით.

 

ავტომატური ცენტრირების სისტემა-პურის ნაჭრების შებრაწვა ხდება ორივე მხრიდან თანაბრად, მიუხედავად სისქისა.

 

თხევადკრისტალური დისპლეი (ეკრანი)-გვაწვდის ინფორმაციას  დარჩენილ დროსა და მითითებულ სიმძლავრეზე.

 

გადახურებისაგან დაცვა-კრიტიკულ ტემპერატურამდე გაცხელებისას ტოსტერი ითიშება ავტომატურად, რათა არ მოხდეს მისი მწყობრიდან გამოსვლა და ხანძრის გაჩენა.

 

ნამცეცების ლანგარი-პურის ნაჭრების შებრაწვისას  ნამცეცები გროვდება ტოსტერის ქვედა ნაწილში მოთავსებულ  ლანგარზე, რაც აადვილებს მის გაწმენდას. საკმარისია გამოვიღოთ ლანგარი, გადავფერთხოთ და დავაბრუნოთ ადგილზე.

 

კვარცის გამაცხელებელი ელემენტი-სხვა გამაცხელებელ ელემენტთან (სპირალთან) შედარებით უფრო სწრაფია 20-25 %-ით.

 

 

 

თმის ფენი

 

იონიზატორი-გამოიყოფა უარყოფითად დამუხტული იონები, თმა არ იმუხტება, შესაბამისად არ ეკვრის ერთმანეთს, ინარჩუნებს ოპტიმალურ ტენიანობას (იცავს თმას გამოშრობისაგან).

 

ცივი ჰაერის დაბერვის ღილაკი-ცივი და ცხელი ჰაერის მონაცვლეობით დაბერვისას თმა უკეთ ფიქსირდება და არ ზიანდება.

 

დიფუზორი-ფანტავს ჰაერის ნაკადს და ხელს უწყობს თმის მოცულობის გაზრდას. გამოიყენება ძირითადად ნაზი თმის გაშრობისას.

 

კონცენტრატორი-საცმი ბრტყელი პირით. მისი საშუალებით ჰაერის ნაკადს მივმართავთ უფრო ზუსტად ჩვენთვის სასურველი მიმართულებით.

 

,,ტურბო" რეჟიმი-ჰაერის დაბერვა გაძლიერებული სიჩქარით, მაშინ როცა ტემპერატურა არ იზრდება. გამიყენება უფრო სწრაფი შრობისათვის მაღალი ტემპერატურის ზემოქმედების გარეშე.

 

 

თმის უთო

 

ტემპერატურის ზუსტი რეგულირება-საშუალებას გვაძლევს გამოვიყენოთ თმის უთო სხვადასხვა ტიპის თმის გასასწორებლად ისე რომ არ დავაზიანოთ თმა.

 

კერამიკით დაფარული გამაცხელებელი-არ აზიანებს თმებს, ადვილად სრიალებს და ასწორებს თმას.

 

 

წვერსაპარსი

 

სისტემა ,, Smart Touch" -  იგი უზრუნველყოფს იდეალურ პარსვას  მოძრავი თავაკების საშუალებით, რომელიც იდეალურად ჯდება სახის კონტურებში.

 

საპარსი თავაკები ,, Speed XL"-   50%- ით გაზრდილი თავაკის მომუშავე ზედაპირი, რომელიც გაპარსვას უფრო სწრაფსა და ეფექტურს ხდის.

 

ინდივიდუალური პარსვის რეჟიმის რეგულატორი- აღნიშნული მარეგულირებელი უზრუნველყოფს, როგორც ნაზი ასევე ჩვეულებრივი ტიპის კანის პარსვას.

 

სისტემა ,, Super Lift&Cut" - ორმაგი დანის სისტემა რომელიც უზრუნველყოფს მაღალი ხარისხის პარსვას. იგი მუშობს შემდეგნაირად: დანის პირველი პირი გადაწევს წვერის ღეროს ხოლო მეორე დანა მას ძირში მოკვეთავს. აღნიშნული სისტემის საშუალებით კანი ნაკლებად ღიზიანდება, რადგან მისი მოხმარებისას საპარსის ზედაპირი ნაკლები ინტენსივობით ეხება კანს.

 

სისტემა  ,, Reflex Action"- სამ თავაკიანი მოძრავთავაკებიანი სისტემა.

ტექნოლოგია DualPrecision-თავაკებს გააჩნია ხვრელები გრძელი თმის გასაპარსად და მიკროხვრელები ძალიან მოკლე თმის გასაპარსად.

სისტემა Aquatec-მშრალი და სველი პარსვის რეჟიმი დამატებითი კომფორტისათვის. შესაძლებელია პარსვა სპეციალური გელის ან ქაფის გამოყენებით.

 

სისტემა SensoTouch GyroFlex 3D-სისტემა, რომელიც შეუფერხებლად იმეორებს სახის ყველა კონტურს და პარსავს იდეალურად, კანის გაღიზიანების გარეშე.

 

თავაკები UltraTrack -ყველა თავაკი აღჭურვილია 3 სპეციალური საპარსი რკალით, რომლებსაც გააჩნია ჭრილები ჩვეულებრივი თმის, კანალები გრძელი თმის და ხვრელები ძალიან მოკლე თმის გასაპარსად. რეზულტატი იდეალურია.

 

ტრიმერი-გამოიყენება გრძელი თმის გასაპარსად და შესასწორებლად.

 

,,სისტემა Jet Clean+" - სისტემის საშუალებით შესაძლებელია ავტომატურ რეჟიმში თავაკის როგორც გაწმენდა და დაზეთვა, ასევე დამუხტვა. სისტემას გააჩნია 3 თვითწმენდის რეჟიმი: ნორმალური, ეკონომიური და ინტენსიური.

 

მოძრავი თავაკი-რბილად ადაპტირდება ხელის მოძრაობასთან, ადვილად მიყვება სახის კონტურებს და ამცირებს კანის გაღიზიანებას.

ბადისებრი თავაკი ,,Smart Foil"-ბადის ხვრელები სხვადასხვა ფორმისაა, რაც ხელს უწყობს სხვადასხვა მიმართულებით გაზრდილი თმის ადვილად პარსვას.

 

ბადისებრი თავაკი ,,OptiFoil"-ყველაზე ინოვაციური ბადის ხვრელები სხვადასხვა ფორმისაა, ადვილად პარსავს თმას კანთან მაქსიმალურად ახლოს.

 

ადვილად მანევრირებადი თავაკი-ძნელად მისადგომი ადგილების პარსვისას ვღებულობთ მაღალ შედეგს.

ინტეგრირებული ტრიმერი ,,ActiveLift"-დაპატენტებული ინტეგრირებული ტრიმერი წამოაყენებს და პარსავს კანზე მიკრულ თმას ძნელად მისაწვდომ ადგილებშიც კი (ნიკაპი, კისერი).

სამმაგი საპარსი სისტემა-ინტეგრირებული ტრიმერი პარსავს გრძელ თმას, ხოლო ორი ბადისებრი საპარსი ელემენტი-მოკლე თმას. 

ინოვაციური ტექნოლოგია ,,Sonic"-10,000 მიკროვიბრაციისას თმის ღერები ადვილად ხვდება საპარს ელემენტში უფრო კომფორტული და სრულყოფილი პარსვისთვის.

პარსვის სამი რეჟიმი-შესაძლებელია შევარჩიოთ სასურველი დამატებითი რეჟიმები ნაზიდან  ინტენსიურ პარსვამდე.

თვითწმენდის და დამუხტვის სისტემა ,,Clean & Renew"-ერთროულად შეიძლება გავწმინდოთ, დავმუხტოთ და დავზეთოთ, ასევე გავაშროთ საპარსი ელემენტი.

წმენდა-განსაკუთრებული ფორმულა ასუფთავებს ბაქტერიებისა და თმის ნაწილაკებისაგან ჰიგიენური წმენდისთვის.

დამუხტვა-თვითწმენდის პროცესში საპარსი იმუხტება ავტომატურად.

დაზეთვა-თვითწმენდისას საწმენდი სითხის განსაკუთრებული შემადგენლობა უზრუნველყოფს საპარსი თავაკის გაპოხვას (დაზეთვას), ასევე იღებს ლიმონის სასიამოვნო  არომატს.

პროგრამის ავტომატური არჩევა-სისტემა ავტომატურად განსაზღვრავს საპარსი თავაკის დაბინძურების ხარისხს და ამის მიხედვით შეარჩევს  თვითწმენდის სამი  რეჟიმიდან ერთ-ერთს.

შრობა-თვითწმენდის პროცესის დამთავრების შემდეგ საპარსი თავაკი შრება.

სწრაფი წმენდა-თვითწმენდის პროცესი სრულდება 25 წამში. სწრაფი წმენდის რეჟიმი გააჩნია მე-7 სერიის (Series 7) BRAUN-ის ზოგიერთ მოდელს.

 

 

ეპილატორი

 

გამაგრილებელი ხელსახოცი ,,Olay"-ეპილაციის წინ კანის დამუშავება ხდება სპეციალური გამაგრილებელი ხელსახოცით Olay, რომელიც არბილებს ეპილაციის პროცესს.

გამაგრილებელი ხელთათმანი (ჟელე)-აგრილებს კანს ეპილაციამდე და ამშვიდებს ეპილაციის შემდეგ. გამაგრილებელი ჟელე უნდა მოვათავსოთ მაცივარში მინიმუმ 2 საათის განმავლობაში შემდგომი გამოყენებისთვის.

მაღალი სიხშირის მასაჟი-მასაჟის სისტემა ახდენს კანის სტიმულირებას, ეხმარება მას ეპილაციისთვის მომზადებაში და ამცირებს დისკომფორტს ეპილაციისას.

ტექნოლოგია ,,Hair Lift"-ეპილატორის 40 უნიკალურად განლაგებული პინცეტი ყოველთვის ახლო კონტაქტშია კანთან, რაც ხელს უწყობს ყველაზე მოკლე თმის ღერების (0,5 მმ) ამოღებას, რაც საგრძნობლად ზრდის ეპილაციის ეფექტურობას.

მოძრავი თავაკები-ეპილაციისას თავაკი გადაიხრება წინ და უკან 150-ით, ამგვარად ის უკეთ ადაპტირდება სხეულის კონტურების მიმართ უფრო კომფორტული და სრულყოფილი ეპილაციისთვის. გარდა ამისა ის ხელს უწყობს ეპილატორის ოპტიმალური მდებარეობის შენარჩუნებას სხეულზე.

საცეცები ,,SoftLift"-უნიკალური საცეცები, რომლებიც ეფექტურად მოქმედებს, წამოაყენებს კანზე მიკრულ თმის ღერებს და მიმართავს მათ პინცეტში.

სისტემა ,, Smartlight"-განათება, რომელიც ხელს უწყობს სრულყოფილ ეპილაციას სუსტი განათების პირობებშიც კი.

 

აკუმულატორზე მუშაობა და სწრაფი დამუხტვა-მხოლოდ 1 საათიანი დამუხტვის შემდეგ ეპილატორი მუშაობს 30-40 წუთი (მოდელების მიხედვით), რაც სავსებით საკმარისია პროცესის დასასრულებლად.

წყალში გამოყენების შესაძლებლობა-გერმეტულად დახურული კორპუსი საშუალებას იძლევა ეპილატორი გამოვიყენოთ თბილ წყალში (თბილი წყალი ადუნებს და ამშვიდებს, ხელს უწყობს მიკროცირკულაციას და ამცირებს კანის მგრძნობიარობას) რაც უფრო კომფორტულს ხდის ეპილაციის პროცესს.

წყალში გარეცხვის შესაძლებლობა-მე-7 სერიის ზოგიერთი მოდელის თავაკი შესაძლებელია გავრეცხოთ წყალში, გავამზადოთ შემდგომი მოხმარებისთვის და გავზარდოთ სისუფთავის ხარისხი.

მუშაობის სიჩქარე-შეგვიძლია შევარჩიოთ ჩვენთვის მისაღები სიჩქარე: სიჩქარე 1-ძალიან ნაზი ეპილაციისთვის; სიჩქარე 2-ულტრა ეფექტური და სწრაფი ეპილაციისთვის.

ტექნოლოგია ,,Dual Epilator"-BRAUN-ის და Gillette Venus-ის მოწინავე ტექნოლოგიების შერწყმა ყველაზე ეფექტურს ხდის ეპილაციის პროცესს. ინტეგრირებული საპარსი და ეპილაციის განსაკუთრებული ტექნოლოგია საშუალებას იძლევა ხელის ერთი მოძრაობით  მივაღწიოთ მაქსიმალურ რეზულტატს დიდი ხნით.

ტექნოლოგია ,,Gillette Venus"-ინტეგრირებული საპარსი მიყვება ეპილატორს, აცილებს დაუმორჩილებელ თმის ღერებს და მშრალი კანის უჯრედებს, რის შედეგადაც კანი ხდება უფრო რბილი და ნაზი.

საცმი ,,EfficiencyPro"-სწრაფი ეპილაციისთვის: უზრუნველყოფს მაქსიმალურ კონტაქტს კანთან და ინარჩუნებს პინცეტების ოპტიმალურ მდებარეობას.

საპარსი ტრიმერით-მისი მეშვეობით შესაძლებელია გრძელი თმის შეჭრა, შემდგომი ეპილაციის პროცესის გასაადვილებლად.

 

 

საიტის სრული ვერსია