შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng

 

BOSCH / SIEMENS

 

ცხიმის ფილტრი კონვექტორისათვის - წარმოადგენს მრგვალი ტიპის ფილტრს, რომელიც ღუმელში უკანა კედელზე კონვექტორს უნდა მივაფაროთ, რათა ცხიმის შხეფებისაგან დაცული იყოს აღნიშნული სისტემა.

 

EcoClean -  სპეციალური  ემალი (შეიცავს კერამიკის მიკრო ნაწილაკებს), რომელიც ძირითადად განთავსებულია ღუმელის უკანა კედელზე, შესაძლებელია ასევე იყოს ზედა და გვერდითა   კედლებზე. იგი შთანთქავს მასზე მოხვედრილი ცხიმის  99%-ს და სუნის 80 %-ს.

 

კატალიტიკური თვითწმენდა-სპეციალური ემალი, რომელიც განთავსებულია ძირითადად ღუმელის უკანა კედელზე. მასზე მოხვედრილი ცხიმი კერძის მომზადებისას გამოიწვება.

 

სანთურა (კონფორა) Wokორმაგი (ზოგჯერ სამმაგი) კონტურიანი ალით, რომელიც გამოიყენება კერძის სწრაფად და მაღალ ტემპერატურაზე მასამზადებლად.

 

Titanglanz- სპეციალური სერი ემალი რომელიც ნაკლებად იკრავს ცხიმს და აგრეთვე მდგრადია ხილის ლაქების მიმართ. ადვილად იწმინდება.

 

ფუნქციები


ზედა - ქვედა წვა ერთდროულად-  ერთდროულად ირთვება ზედა და ქვედა გამაცხელებელი ელემენტი. გამოიყენება ტორტების, ბისკვიტების, პურ-ფუნთუშეულის და მსგავსი პროდუქტების გამოსაცხობად. (აგრეთვე იყენებენ ხორცისა და კარტოფილის ერთად მოსამზადებლად).


დიდი გრილი-მუშაობს ზედა გამაცხელებელი ელემენტი და ინფრაგრილი, რეჟიმი გამოიყენება ხორცის ნაჭრების, თევზის და სხვა პროდუქტის მოსამზადებლად.


 

მცირე გრილი -  ამ შემთხვევაში მუშაობს ღუმელის ზედა ნაწილში განთავსებული  ინფრაგრილი. რეჟიმი გამოიყენება  მცირე  ზომის ან მცირე რაოდენობის პროდუქტის ზემოდან გადასაბრაწად, ან შესაწითლებლად და მოსამზადებლად, მაგალითად ძეხვი, შნიცელი, ტოსტები და ა.შ. 

გრილი + ვენტილატორი -  მუშაობს დიდი გრილი, ვენტილატორი კი ანაწილებს ცხელ ჰაერს მთელს ღუმელში. აღნიშნული რეჟიმი გამოიყენება ხორცის დიდი ნაჭრების მომზადებისას, რათა გარედან გაუკეთდეს კნატუნა ქერქი, მაგალითად მთლიანი იხვის, ბატის, ქათმის  ან სხვა მსგავსი კერძის მოსამზადებლად.

ქვედა წვა + ცხელი კონვექცია - მუშაობს ქვედა გამაცხელებელი ელემენტი და კონვექტორი (ღუმელის უკანა კედელზე განთავსებული ვენტილატორი, მის გარშემო არსებულ გამაცხელებელთან ერთად) რაც უზრუნველყოფს ღუმელის უკანა კედლიდან ცხელი ჰაერის დაბერვას. აღნიშნული რეჟიმი იდეალურად უზრუნველყოფს პიცისა და მსგავსი კერძების მომზადებას.

ცხელი ჰაერის კონვექცია - მუშაობს ვენტილატორი და მის გარშემო განთავსებული გამაცხელებელი ელემენტი, რაც ახდენს ცხელი ჰაერის თანაბარ დაბერვასა და განაწილებას ღუმელის მთელს პერიმეტრზე. ამ რეჟიმში შესაძლებელია 2 ან 3 დონეზე (ლანგარზე) ერთდროულად სხვადასხვა ტიპის კერძის მომზადება, (ტორტი ან პიცა ორ თაროზე ერთდროულად / ფენოვანი ცომი, ბისკვიტი ან   ხილის გამოშრობა სამ თაროზე ერთდროულად).

გალღვობის ფუნქცია- აღნიშნულ რეჟიმში, ვენტილატორის მეშვეობით მოხდება გაყინული   პროდუქტის ფაქიზი გალღვობა.

ქვედა გამაცხელებელი + ვენტილაცია -  ერთდროულად მუშაობს ქვედა გამაცხელებელი ელემენტი და ვენტილატორი. ძირითადათ გამოიყენება  სუსტად აწევადი საფუარიანი ცომისათვის, აგრეთვე ხილისა და  ბოსტნეულის დაკონსერვებისათვის.

კლასიკური ქვედა წვა -  მუშაობს მხოლოდ ქვედა გამაცხელებელი ელემენტი. გამოიყენება იმ შემთხვევაში, თუ გვინდა კერძის მხოლოდ ქვედა ფენის შებრაწვა ან შეწითლება.

ზედა წვა -  მუშაობს მხოლედ ზედა გამაცხელებელი ელემენტი. გამოიყენება კერძების ზემოდან გადასაბრაწად.

ჰიდრო ცხობა-  ერთდროულად ირთვება ზედა და ქვედა გამაცხელებელი ელემენტი. იცავს პროდუქტს გამოშრობისაგან, პროდუქტის ნატურალური ტენის ნაწილი რჩება თვით პროდუქტში. მოსახერხებელია პურფუნთუშეულის, ბისკვიტის ტორტის (ღუმელის წინასწარი შეცხელებით) გამოსაცხობად.

ინტენსიური ქვედა წვა-ირთვება გაძლიერებული ქვედა წვა და ზედა გამაცხელებელი ელემენტი, რომელიც ხელს უწყობს, როგორც ღუმელის სწრაფ გაცხელებას, ასევე ნებისმიერი კერძის მომზადებას სწრაფად და ეფექტურად კნატუნა კანით. ასევე აღარ საჭიროებს ღუმელის წინასწარ გაცხელებას მაგ: ხილის ტორტის (პიროგის) მომზადებისას. განსაკუთრებით ეფექტურია კერძის მინის ან ფაიფურის ისეთ ჭურჭელში მომზადებისას, რომელსაც აქვს დაბალი თბოგამტარობა, ან ირეკლავს სითბოს.

ჭურჭლის შეცხელება-კერძი რჩება დიდი ხნით გაცხელებულ მდგომარეობაში, თუ მას მოვათავსებთ წინასწარ შეცხელებულ  კერამიკის (ან თიხის) ჭურჭელში. ფუნქცია საშუალებას გვაძლევს შევაცხელოთ კერამიკის ჭურჭელი 30 0C-დან 65 0C-მდე.

ტემპერატურის შენარჩუნება-ამ ფუნქციის საშუალებით შეგვიძლია შევინახოთ კერძი ცხელ მდგომარეობაში ჩვენთვის სასურველი დროით. ტემპერატურა რეგულირდება 60 0C-დან 100 0C-მდე.

დამახსოვრების ფუნქცია Memory - საშუალებას გვაძლევს დავამახსოვრებინოთ ჩვენს მიერ შერჩეული პარამეტრები (ტემპერატურა, მომზადების დრო და ა.შ.)

ავტომატური გამორთვის ფუნქცია-თუ დაგვრჩა ღუმელი ჩართული იგი ავტომატურად გამოირთვება განსაზღვრული დროის შემდეგ. გამორთვის დრო დამოკიდებულია ღუმელში არსებულ ტემპერატურაზე. თუ არ გვინდა ღუმელი ავტომატურად გაითიშოს, პერიოდულად უნდა ვცვალოთ ტემპერატურა ღუმელში.

ცხრილი:

ტემპერატურული რეჟიმი

ავტ. გათიშვის დრო

101 0C-მდე

72 საათი

101-140 0C-მდე

24 საათი

141-200 0C-მდე

6 საათი

201-250 0C-მდე

3 საათი

251 0C-ზე მეტი

2 საათი

 

 

"ფუნქცია განათება" - აღნიშნული განათება შესაძლებელია ჩაირთოს ცალკეულად იმ დროსაც, როდესაც  არ იყენებთ ღუმელის რომელიმე სხვა ფუქნციას, მაგალითად   ღუმელის გამოწმენდის დროს, რათა კარგად დაინახოთ ღუმელის კედლები. მოდელებში, რომლებსაც არ გააჩნია ცალკე ეს ფუნქცია, განათება ირთვება ავტომატურად კერძის მომზადებისას.

 

ფუნქცია TouchLight-როგორც კი შევეხებით ღუმელის კარის სახელურს შუქი აინთება ავტომატურად და იქნება ანთებული კარის დაკეტვამდე. კარის დაკეტვიდან მცირე დროის გასვლის შემდეგ შუქი ღუმელში ავტომატურად ჩაქრება.

 

ფუნქცია  ინფორმაცია ,,i''-  აღნიშნული ფუნქციის გააქტიურებისას ღუმელის ეკრანი გვაწვდის სხვადასხვა ინფორმაციას.ზოგიერთი მოდელის შემთხვევაში ფუნქცია ,,i''-ს გააქტიურებისას ეკრანზე გამოისახება ღუმელში იმ მომენტისათვის არსებული ტემპერატურა. პრემიუმ მოდელებში შესაძლოა ,,i'' ღილაკზე 3-4 წამით თითის დაჭერით (როცა ელ. ღუმელი გამორთულია ღილაკით) შევიდეთ ძირითად მენიუში.

 

ფუნქცია ,,p'' ავტომატური მომზადება-    ამ ფუნქციის გააქტიურებისას ღუმელს ეკრანზე გამოაქვს წინასწარ ჩაპროგრამებული სტანდარტული ფუნქცია (რეცეპტი) რომლის რაოდენობა 26 დან 76 -მდე მერყეობს.

მაგალითად: აღნიშნული ფუნქცია საშუალებას გვაძლევს კონკრეტულად მიუთითოთ ,,იხვის შეწვა'', ,, ქათმის შეწვა'' და ა.შ. უნდა მივუთითოთ კერძის წონა და ასევე შესაძლებელია (პრემიუმ კლასის მოდელებში) მივითითოთ რამდენად შემწვარი გვინდა იყოს მაგ: ხორცი.

 

Active Kat (აქტიური კატალიზატორი) - სისტემა Active Kat შედგება მეტალის ცხიმდამჭერი ფილტრისა და ორმაგი კატალიზატორისაგან რომელიც შთანთქავს სუნს. ცხიმდამჭერი ფილტრი და კატალიზატორი ფილტრავს კერძის მზადების დროს ღუმელში წარმოქმნილ სუნს, ორთქლს და პროდუქტიდან გამოსულ აირებს.

 

პიროლიზი (ActiveClean თვითწმენდის ავტომატური სისტემა) - პიროლიტიკური თვითწმენდისას ხდება ღუმელის შიდა კედლებზე არსებული ცხიმისა და ნარჩენების გამოწვა და დაფერფვლა. ტემპერატურა აღწევს 500 0C-ს. თვითწმენდის გამოყენებისას 300 0C-ზე  ხდება კარის ბლოკირება უსაფრთხოების მიზნით.

 

შეცხელების ზონა -  გამოიყენება მომზადებული კერძის ცხლად შენარჩუნებისათვის, იგი მუშაობს დაახლოვებით  70˚C გრადუსამდე. მასზე კერძები არ მზადდება გამოიყენება მხოლოდ შესაცხელებლად.

 

დარჩენილი სითბოს ინდიკატორი - სპეციალური ინდიკატორი გვანიშნებს თუ რომელი კონფორა არ არის ჯერ გაცივებული, რათა თავიდან ავიცილოდ დამწვრობა. კონფორის გაგრილებისთანავე ინდიკატორი ჩაქვრება.

Hi Light -  კონფორაში გამოიყენება გოფრირებული ფირის მსგავსი გამაცხელებელი ელემენტი. ფირისებრი გამაცხელებელი ელემენტი უფრო სწრაფად და თანაბრად ცხელდება, ვიდრე ჩვეულებრი ტიპის სპირალი. გახურების სისწრაფე დაახლოვებით 4-7 წამს  შეადგანს გარდა ამისა სითბოს გადანაწილება ხდება თანაბრად მთელს მომუშავე ზონაზე.  

ადუღების ავტომატიკა - წარმოადგენს მუშაობის შემდეგ პრინციპს- მაგალითად გადაწყვიტეთ მოვამზადოთ წვნიანი და გვინდა დავზოგოთ დრო, ამ შემთხვევაში ელექტრონული ქურა  დაიწყებს მუშაობას მაღალი სიმძლავრით, რაც იწვევს სწრაფ ადუღებას, ხოლო რამოდენიმე წუთის შემდეგ მოუკლებს სიმძლავრეს და გადავა ჩვენს მიერ მითითებულ სიმძლავრეზე.

 

ფუნქცია PowerBoost - სპეციალური ინდუქციური მოწყობილობა რომელიც უზრუნველყოფს სიმძლავრის გაზრდას რაც თავისთავად  იწვევს სწრაფ გაცხელებას. აღნიშნული ფუნქციის მეშვეობით ინდუქციური კონფორის  სიმძლავრე იზრდება 50 %-ით და მოქმედებს 35%-ით უფრო სწრაფად. 

 

გაზკონტროლი- სპეციალური თერმო მოწყობილობა, რომელიც სხვადასხვა მიზეზით (მაგ: ქარის დაბერვით, წყლის დასხმით) ალის ჩაქრობის შემთხვევაში სპეციალური კლაპანის მეშვეობით გადაკეტავს გაზის მიწოდებას. პროცესი მექანიკურია. 

 

სტოპსენსორი stopSensor- აღნიშნული ფუნქციის გააქტიურებისას  ელ. ქურაზე გააქტიურებული ყველა ფუნქცია და მიმდინარე პროცესი 3 წუთით პაუზდება (მაგ: თუ სამზარეულოდან გასვლა მოგვიწია) ხოლო სამი წუთის განმავლობაში თუ იგივე ფუნქცია არ გავააქტიურედ ელ. ქურა ავტომატურად ითიშება.

 

ავტომატური გათიშვა-  თუ ელ.ქურაზე მითითებული ფუნქცია დიდი ხნის განმავლობაში ცვლილებას არ განიცდის (2 ან 3 საათის განმავლობაში) იგი ავტომატურად ითიშება რათა თავიდან აგვაცილოს რაიმე გაუთვალისწინებელი შემთხვევა. ავტომატური გათიშვის დრო დამოკიდებულია ქურის ტემპერატურაზე. რაც უფრო მაღალია ტემპერატურა, მით უფრო მალე გაითიშება იგი. ავტომატური გათიშვის ფუნქცია გააჩნია გაზქურების ზოგიერთ მოდელს. ძირითადად გაზის კონფორა ავტომატურად გაითიშება 6 საათიანი უწყვეტი მუშაობის შემდეგ.

 

Flame Tronic-  ალის ჩაქრობის შემთხვევაში სისტემა განახორციელებს ალის ისევ ანთების 3-4 ცდას, რაღაც მიზეზის გამო თუ არ აინთო, გადაკეტავს გაზის მიწოდებას. საჭიროებს ელ. ენერგიის წყაროსთან მიერთებას.

 

ღილაკი MainSwitch (მთავარი გამომრთველი)-წარმოადგენს დამატებითი უსაფრთხოების ღილაკს (კეტავს გაზის მიწოდებას), რომლითაც შეგვიძლია ასევე კერძის მომზადებისას გაზქურის ყველა კონფორას ერთდროულად შევუწყვიტოთ გაზის მიწოდება (გამოვრთოთ ყველა კონფორა სწრაფად).

 

პატარა აქსესუარების აღმოჩენის ფუნქცია-როცა ინდუქციური ქურა ჩართულია და მასზე დაგვრჩა მაგ: პატარა კოვზი, ქურა არ აღიქვამს მას როგორც ჭურჭელს და არ გააცხელებს მას. ამის გარდა დამატებითი დაცვის მექანიზმი გამორთავს ქურას თუ მასზე მომზადების დროს დაგვივარდა კოვზი, ან სხვა ნივთი.

 

DirectSelect-ეს ფუნქცია საშუალებას გვაძლევს პირდაპირ ინდიკატორზე (რომელიც მდებარეობს მართვის პანელზე) მივუთითოთ ქურის გაცხელების სიმძლავრე, ნაცვლად ,,+/-" ღილაკზე განმეორებით თითის დაჭერისა.

 

ტაიმერი-ფუნქცია ტაიმერის საშუალებით ინდუქციურ ქურებში შესაძლებელია მივუთითოთ მომზადების დრო, მაქსიმუმ 99 წუთი. მითითებული დროის გასვლის შემდეგ გაისმის ხმოვანი სიგნალი და ქურა ითიშება. ტაიმერის ფუნქცია ასევე შეიძლება გააჩნდეს გაზქურებსაც (ზოგიერთ მოდელს).

 

ორ საფეხურიანი დარჩენილი სითბოს ინდიკატორი-ინდიკატორი <<H>> გვიჩვენებს, რომ კომფორა საგრძნობლად ცხელია, შესაძლებელია კერძის მომზადების დასრულება, ან შეცხელებულ მდგომარეობაში შენარჩუნება. ინდიკატორი <<h>> გვიჩვენებს, რომ ის საკმარისად ცხელი არ არის გამოყენებისთვის, მაგრამ უსაფრთხოების მიზნით  ხელით არ უნდა შევეხოთ.

 

TouchSlider-სლაიდერული სენსორული მართვა, ე. წ. ,,სენსორული ხალიჩა", რომელზეც თითის გაყოლებით, ან შესაბამის პოზიციაზე თითის დადებით, სწრაფად  შეგვიძლია შევცვალოთ ელ. ქურის ტემპარატურა, სიმძლავრე.

 

,,გაწმენდის" ღილაკი-(მართვის პანელზე გამოსახულია ხელის ფორმა) თუ კერძის მომზადებისას დავსვარეთ ზედაპირი (გადმოვიდა საკვები და სხვა) და გვინდა სწრაფად გავწმინდოთ მთელი ზედაპირი ისე, რომ არ შევცვალოთ მითითებული ფუნქციები და მონაცემები,  ნაზი შეხებით გავააქტიურებთ  ,,გაწმენდის" სენსორულ ღილაკს.  20 წამით იბლოკება ყველა ფუნქცია.

 

 

kochSensor (კოხსენსორი)-დაპატენტებული ინფრაწითელი სხივის, ე.წ. ,,ხარშვის" სენსორის საშუალებით განუწყვეტლივ იზომება ტემპერატურა ჭურჭელში. გაცხელების ზონა მუშაობს მანამ, სანამ არ მიიღწევა მითითებული ტემპერატურა, შემდეგ კი ინარჩუნებს ოპტიმალურ ტემპერატურას. მითითებული ტემპერატურის მიღწევისას გაისმის ხმოვანი და ვიზუალური სიგნალი, ამის შემდეგ დუღილი მიმდინარეობს ავტომატურ რეჟიმში. ასეთი სისტემა თავიდან აგვარიდებს რძის გადმოსვლასაც კი.

ზოგიერთ მოდელს მოყვება  მაღალი ხარისხის უჟანგავი ფოლადისაგან დამზადებული ორი ქვაბი (დიამეტრი-16 და 20 სმ), რომელიც გამოიყენება სპეციალურად kochSensor-თან ერთად. ასევე შეგვიძლია გამოვიყენოთ სხვა ჭურჭელიც თუ მას აღვჭურვით სპეციალური თვითწებვადი ამრეკლი ზოლით.

 

BratSensor (ბრატსენსორი),fryingSensor plus. -,,შეწვის" სენსორი, მითითებული ტემპერატურის მიღწევისას გაისმის ხმოვანი სიგნალი, შემდეგ კი არეგულირებს ოპტიმალურ ტემპერატურას, მაგ: ხორცი რომ არ მიიწვას. ჭურჭელიც არ გადახურდება და უფრო დიდხანს ძლებს.

სენსორული მართვის საშუალებით შეგვიძლია მივუთითოთ სიმძლავრის სამი შესაძლო ვარიანტიდან ერთი, მაგ: Min (მინიმალური)-სოსისის და სხვა მსგავსი პროდუქტის შეწვა; Med (საშუალო)-თევზი, ბოსტნეული და სხვა; Max (მაქსიმალური)-კარტოფილი, ხორცი, ინდაური და სხვა.

 

 

gorenje

 

თერმო საცეცი (ზონდი)-ღუმელს გააჩნია ელექტრონულ პროგრამული მოდული ტემპერატურული საცეცით (ზონდით). აღნიშნული ზონდის მეშვეობით შესაძლებელია დავაყენოდ ჩვენთვის სასურველი ტემპერატურა ხორცის კერძში, უშუალოდ შიგნით. ტემპერატურის დაყენება ხორცის ნაჭრის შიგნით შესაძლებელია 30 0C-დან 90 0C-მდე.

 

სისტემა DCS ( Dinamic cooling system)- აღნიშნული  წარმოადგენს გაგრილების დინამიურ სისტემას. სპეციალური ვენტილატორი იწოვს ცივ ჰაერს და  ურევს ღუმელის კორპუსს მიღმა არსებულ ცხელ ჰაერთან, რის შედეგადაც ღუმელის წინა ფასადი არ ცხელდება რაც წარმოადგენს ერთგვარ უსაფრთხოებას რათა ღუმელის წინა ფასადზე ხელის შეხებისას თავიდან ავიცილოდ დამწვრობა.

 

DCS+ - ვენტილატორი აგრძელებს ჰაერის გაგრილებას მაშინაც კი როდესაც  გამოვრთვათ ღუმელს და ავტომატურად შეწყვეტს მუშაობას როდესაც ტემპერატურული სენსორი Cool Down  დააფიქსირებს, რომ ტემპერატურამ დაიწია 65 0C - მდე.

 

Compact Door  - ღუმელის კარი შემინულია ორმაგი მინით და გააჩნია ერთი თბოამრეკლი ფენა.

 

UCD ( Ultra Cool Door )  ულტრა ცივი კარი  -  ღუმელის  კარი შედგება სამმაგი მინისაგან და ორმაგი თბოამრეკლი ფენისაგან.

 

Quadro Ultra Cool Door - ღუმელის  კარი შედგება სამმაგი მინისაგან და ოთხმაგი თბოამრეკლი ფენისაგან.  აღნიშნულის შედეგად მინის კარის წინა ფასადი არ ცხელდება, რაც ზრდის უსაფრთხოებას. გარდა ამისა  კარს  გააჩნია თბოიზოლატორის თვისებები   რომელიც ხელს უწყობს დროისა  და   ელექტროენერგიის დაზოგვას, რადგანაც სითბოს დანაკარგი მინიმუმამდეა დაყვანილი.

 

ცხიმის ფილტრი კონვექტორისათვის - წარმოადგენს მრგვალი ტიპის ფილტრს, რომელიც ღუმელში უკანა კედელზე კონვექტორს უნდა მივაფაროდ, რათა ცხიმის შხეფებისაგან დაცული იყოს კონვექტორის სისტემა.

 

EcoClean -  სპეციალური  ემალი რომელიც იდეალურად ირეკლავს სითბოს  რათა თანაბრად მოხდეს ტემპერატურის გადანაწილება ღუმელის მთელს პერიმეტრზე. გარდა ამისა მისი ზედაპირი  ნაკლებად იკრავს ცხიმს რაც  აადვილებს ღუმელის წმენდას.

 

HomeMade-ინოვაციური კონსტრუქციული გადაწყვეტილებები  ახალ ელ. ღუმელებში (ბუხრის მსგავსი ფორმა) საშუალებას იძლევა კერძის მომზადებისას მივიღოთ შესანიშნავი შედეგი. ელ. ღუმელის  მომრგვალებული ფორმა, ზედა ნაწილში ოდნავ შემალული გამაცხელებელი ელემენტი ხელს უწყობს ოპტიმალურ ცირკულაციას და ცხელი ჰაერის  თანაბრად გადანაწილებას მთელს ღუმელში.

 

PerfectGrill-ღუმელის ზედა მხარე ოდნავ შეწეულია, სადაც სხვადასხვა დონეზე მოთავსებული დიდი გამაცხელებელი ელემენტი და ინფრაგრილი საშუალებას იძლევა მოვამზადოთ კერძი სწრაფად და თანაბრად. ზოგიერთ მოდელში ისინი შეიძლება ჩამოვწიოთ, რაც აადვილებს ღუმელის წმენდას.

 

AquaClean- სპეციალური (იოლი) წმენდის ფუნქცია. ლანგარზე ვასხამთ 0,6 ლიტრ წყალს, მივუთითებთ ფუნქციას AquaClean და 30 წუთით ვტოვებთ ღუმელში 50-70 0C ტემპერატურაზე. ღუმელის კედლებზე არსებული ნარჩენები წარმოქმნილი ორთქლის საშუალებით რბილდება და ადვილად იწმინდება. ზოგიერთ მოდელს გააჩნია ავტომატური AquaClean ფუნქცია.

 

ტექნოლოგია MoodLite-სილამაზე თუ ფუნქცია? შესაძლებელია არა მარტო ვცვალოთ ფერები დიზაინის და სურვილის მიხედვით (7 ფერიდან ავირჩიოთ ერთ-ერთი), არამედ შესაძლებლობას გვაძლევს დავტვირთოთ ფუნქციურად, წითელი ფერი ნიშნავს რომ ღუმელი ცხელია. ფერადი შუქდიოდის განათება  არის როგორც დიზაინის ელემენტი ასევე ფუნქციური დეტალი.

DirecTOUCH-უახლესი ტიპის სენსორული მართვის მოდული. სენსორული ღილაკების საშუალებით, მხოლოდ სამჯერ დაჭერით შეიძლება მივუთითოთ კერძის მომზადების ფუნქცია. გაცხელების რეჟიმი, ტემპერატურა და დრო შეირჩევა ავტომატურად (იგივე ავტომატური მომზადება, მითითებულია მართვის პანელზე). ასევე შესაძლებელია ჩვენ თვითონ ავირჩიოთ რეჟიმი, დრო და ტემპერატურა, დავიმახსოვროთ შერჩეული პროგრამა, დავბლოკოთ ღილაკები და სხვა.

 

აქსესუარები: 

კომპლექტი ორთქლით მომზადებისთვის-სპეციალური ჭურჭელი, რომელიც შეიძლება გამოვიყენოთ gorenje-ს ღუმელებში. ორთქლით მომზადებული პროდუქტი ინარჩუნებს თავის ბუნებრივ არომატს, გემოს და ვიტამინებს, ამიტომ უფრო სასარგებლოა ადამიანის ორგანიზმისთვის. (შესაძლებელია გამოვიყენოთ 2003 წლის შემდეგ გამოშვებულ ელ. ღუმელებში).

 

პროფესიონალური ლანგარი-მაღალი ხარისხის ალუმინის შენადნობისაგან დამზადებული ლანგარი ცხელდება განსაკუთრებით სწრაფად, იდეალურია დიეტური კერძების მოსამზადებლად ცხიმის გარეშე.

 

მინის ლანგარი-ნაწრთობი შუშისაგან დამზადებული ლანგარი, რომელზეც შეიძლება მოვამზადოთ სხვადასხვა კერძი (რულეტი, კარტოფილი და სხვა) ისე რომ მთლიანად ვაკონტროლოთ მომზადების პროცესი მისი გამჭვირვალებულობის გამო.

 

სპეციალური აქსესუარი პიცისთვის-დამზადებულია სპეციალური ქვისაგან,  რომელზეც პიცა მზადდება იდეალურად, ზეთის წასმის გარეშე. ამიტომ მასზე მომზადებული პიცა ნაკლებად ცხიმიანია.

 

BoilControl-მომზადების ავტომატიკა - წარმოადგენს მუშაობის შემდეგ პრინციპს- მაგალითად გადაწყვიტეთ მოვამზადოთ წვნიანი და გვინდა დავზოგოთ დრო, ამ შემთხვევაში ელექტრონული ქურა  დაიწყებს მუშაობას მაღალი სიმძლავრით, რაც იწვევს სწრაფ ადუღებას, ხოლო რამოდენიმე წუთის შემდეგ მოუკლებს სიმძლავრეს და გადავა ჩვენს მიერ მითითებულ სიმძლავრეზე.

 

ფუნქცია Stop&Go-საშუალებას იძლევა დროებით შევაჩეროთ კერძის მომზადების პროცესი. შესაბამის სენსორზე თითის დაჭერით ვაჩერებთ პროცესს მანამ, სანამ ხელახლა არ დავაჭერთ მოცემულ სენსორს.

 

ტაიმერი-შესაძლებელია ტაიმერი იყოს  მექანიკური  და ელექტრო, რომლის საშუალებითაც შეიძლება მივუთითოთ ელ. ღუმელის, გაზის ღუმელის, გაზქურის ზედაპირის   კომფორების გათიშვის დრო. (ზოგიერთ მოდელში მექანიკური ტაიმერი არ თიშავს ღუმელს, გამოსცემს სიგნალს).

SliderTouch-სლაიდერული სენსორული მართვა. ქურის ტემპერატურა შეიძლება ვაკონტროლოდ სწრაფად და ადვილად, თითის ერთი გასმით შესაბამის სენსორული მართვის ზოლზე.

 

ცვლადი გაცხელების ზონები-ზოგიერთ მოდელს გააჩნია ორმაგი და ზოგჯერ სამმაგი გაცხელების ზონა, რომელიც შეგვიძლია შევცვალოთ ჭურჭლის ძირის დიამეტრის მოხედვით. არის ასევე ოვალური გაცხელების ზონა (ოვალური ფორმის ჭურჭლისათვის).

 

 

მიკროტალღური ღუმელი: 

მოცულობა-რაც უფრო მეტია მიკროტალღურის მოცულობა, მით მეტი პროდუქტის მომზადება არის შესაძლებელი ერთ ჯერზე.

 

სიმძლავრე-რაც უფრო მეტია მიკროტალღურის სიმძლავრე, მით უფრო სწრაფად შეგვიძლია მოვამზადოთ და შევაცხელოთ კერძი. (მნიშვნელობა აქვს ასევე პროდუქტის რაოდენობას).

 

მექანიკური მართვა-სიმძლავრის და დროის შერჩევა ხდება ძირითადად სატრიალებელი (მექანიკური) რეგულატორის საშუალებით.

 

ელექტრონული მართვა(ღილაკებით, სენსორებით)-პარამეტრების რეგულირება ხდება ღილაკებით ან სენსორებით. შესაძლებელია კომბინაცია ტაქტურ (დროის, ან წონის მითითება ხდება სატრიალებელი რეგულატორის მარჯვნივ, ან მარცხნივ გადაწევით, რეზულტატი აისახება ეკრანზე. ის შეიძლება წარმოადგენდეს ასევე სტარტის ღილაკსაც) მართვასთან.

 

ავტო მენიუ, ავტომატური მომზადება-მიკროტალღური ღუმელი თვითონ ირჩევს მომზადების ოპტიმალურ დროს, რეჟიმს, მიკროტალღების სიმძლავრეს, საკმარისია მივუთითოთ პროდუქტის სახეობა და  წონა (ზოგიერთ შემთხვევაში პორცია). 

 

მიკროტალღები-მიკროტალღები შედის პროდუქტში და გარდაიქმნება სითბოდ, ამიტომ მიკროტალღების საშუალებით შეიძლება სწრაფად გალღვობა, შეცხელება, კერძის მომზადება. დაბალი სიმძლავრე გამოიყენება ძირითადად გასალღვობად და შესაცხელებლად, საშუალო-შესაცხელებლად და მოსამზადებლად, მაქსიმალური-ძირითადად სითხეების ასადუღებლად.

 

გრილი-მიკროტალღურ ღუმელს აქვს დამატებით გამაცხელებელი ელემენტი-გრილი (ის შეიძლება იყოს: ჩვეულებრივი ,,ტენი"; კვარცული; კერამიკული). მისი საშუალებით შესაძლებელია კერძის მობრაწვა.

 

კომბინირებული რეჟიმი (გრილი+მიკროტალღები)-გრილი და მიკროტალღები მოქმედებს ერთდროულად. კერძი მზადდება, იბრაწება უფრო სწრაფად.

 

კონვექცია-მიკროტალღურ ღუმელს აქვს დამატებით გამაცხელებელი ელემენტი და ვენტილატორი, რომელიც თანაბრად ანაწილებს ცხელ ჰაერს მიკროტალღურ ღუმელში. კერძი მზადდება თანაბრად.

 

გალღვობის რეჟიმი-რადგან მიკროტალღები შედის პროდუქტში, ამიტომ გალღვობის პროცესი მიმდინარეობს სწრაფად.

 

ავტომატური გალღვობა-მიკროტალღური ღუმელი თვითონ ირჩევს გალღვობის ოპტიმალურ დროს, მიკროტალღების სიმძლავრეს, საკმარისია მივუთითოთ პროდუქტის სახეობა და  წონა. 

 

ეტაპობრივი მომზადება-კერძის მომზადების პროცესი შეგვიძლია დავყოთ რამოდენიმე განსხვავებულ ეტაპად (ძირითადად 3 ეტაპად), ყოველ ეტაპზე მივუთითოთ სხვადასხვა დრო და რეჟიმი. მომზადების პროცესი გაივლის ყველა ეტაპს შეუწყვეტლივ.

 

შამფური-მბრუნავ შამფურზე შესაძლებელია მოვამზადოთ ხორცის ნაჭრები, ფრინველის ხორცი. პატარა ელექტრო ძრავი ატრიალებს შამფურს, რაც ხელს უწყობს პროდუქტის  ირგვლივ, თანაბრად შებრაწვას.

 

 

შიდა საფარი:

 

  • ემალირებული-ასეთი საფარი საკმაოდ იაფია, მაგრამ ნაკლებად გამძლეა დიდი ხნით გამოყენებისთვის.

 

  • უჟანგავი ფოლადი-მდგრადია მაღალი ტემპერატურის მიმართ, გამოირჩევა დახვეწილი დიზაინით, არ წარმოადგენს სირთულეს მისი წმენდა.

 

  • ბიოკერამიკული-მდგრადია ნაკაწრებისა და მაღალი ტემპერატურის მიმართ, აქვს ანტიბაქტერიული თვისება, ადვილად იწმინდება, არ იცვლის ფერს და თვისებებს ხანგრძლივი ექსპლუატაციის მპერიოდში.

 

  • ტეფლონი-მოსახერხებელია ექსპლუატაციისთვის-ადვილად იწმინდება, მაგრამ არამდგრადია ნაკაწრების მიმართ-საჭიროებს სათუთ მოპყრობს.

 

თვითწმენდა ,,Aqua Clean"-ვასხამთ დაახლოებით 200 მლ. წყალს სპეციალურ ჭურჭელში, ვათავსებთ მიკროტალღური ღუმელის შიდა კედელზე და ვააქტიურებთ ფუნქციას. პროცესის დამთავრების შემდეგ შიდა საფარი რბილდება წარმოქმნილი ორთქლით და ადვილად იწმინდება.

 

დამახსოვრების ფუნქცია-შესაძლებელია ჩვენს მიერ შექმნილი პროგრამის დამახსოვრება და შემგომ ღილაკძე ერთხელ თითის დაჭერით გააქტიურება. ფუნქცია შეიძლება შევცვალოთ ნებისმიერ დროს.

 

ორთქლსახარში-ზოგიერთი მოდელის კომპლექტში (დამატებიტი აქსესუარის სახით) არის ორთქლსახარში, რომლის გამოყენება შესაძლებელია სპეციალური ფუნქციის გააქტიურებით.

 

 

საიტის სრული ვერსია