შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng

 

 

Fuzzy Logic - რეცხვის ხარისხის კონტროლი სარეცხი მანქანის სენსორების მიერ.

 

BOSCH-ის და SIEMENS-ის ჭურჭლის სარეცხი მანქანები გამოიერჩევა დაბალი ხმაურის დონით, რაც მიიღწევა ხმაურის იზოლაციის მრავალსაფეხურიანი სისტემით. ხმაურის დონე იზომება დეციბელებში (dB).

-ფაქტიურად უხმაურო (40-44 dB);

-სუპერ წყნარი (45-47 dB);

-ძალიან წყნარი (48-49 dB).

 

ფილტრის თვითწმენდა- მომუშავე კამერაში განთავსებული წყლის მასხურებლები

ფილტრის ზედაპირზე მყოფ საკვების ნაწილაკებს წყლის ჭავლის საშუალებით  წარმართავენ ფილტრის შუაში განთავსებული სპეციალური რეზერვუარისაკენ.

    

AquaVario - დაბინძურების მიხედვით ჭურჭლის სარეცხი მანქანა იღებს გადაწყვეტილებას თუ რა წნევით უნდა მოხდეს ჭურჭლის რეცხვა. აღნიშნული ფუნქცია უზრუნველყოფს წყლისა და ელექტროენერგიის ეკონომიას.

  

სრული Аqua Stop - მილის დაზიანების შემთხვევაში ჩაირთვება დამცავი სისტემა, რომელიც გადაკეტავს წყლის მიწოდებას მანქანაში. გარდა ამისა სისტემა განსაზღვრავს წყლის გაჟონვას უშუალოდ სარეცხი მანქანის შიდა სისტემაშიც.

 

ჩატვირთვის კონტროლი- აღნიშნული სისტემა  განსაზღვრავს ჩატვირთული ჭურჭლის რაოდენობას, (რაც უფრო მეტია ჭურჭელი, მით მეტი წყლის წვეთები რჩება მასზე) რაც უზრუნველყოფს წყლის შესაბამისი რაოდენობით მიწოდებას.

 

AquaSensor III-  განსაზღვრავს წყლის დაბინძურებას ჭურჭლის სარეცხ მანქანაში რეცხვისას და გავლებისას, რისი საშუალებითაც ავტომატურად   განისაზღვრება თუ რა რაოდენობის სარეცხი და სავლები საშუალება უნდა  გამოიყენოს ჭურჭლის სარეცხმა მანქანამ ერთი სრული რეცხვის ციკლისას. 


თბოგამცვლელი-    მანქანაში სპეციალურად გამოყოფილ ადგილზე (ძირითადათ მანქანის გვერდითა კედლებში) ჩამონტაჟებულია ბრტყელი ავზის მსგავსი მოწყობილობა. რეცხვისას  გამოყოფილი სითბოს ხარჯზე   აღნიშნულ ავზში ხდება შემომავალი წყლის გათბობა, რათა გავლებისას წყლის ტემპერატურა არ იყოს ძალიან დაბალი, რამაც შეიძლება გამოიწვიოს ფაქიზი ჭურჭლის დაბზარვა ან დახეთქვა (ეგრედ წოდებული თერმო შოკი).   

 

ინტენსიური რეცხვა  - აღნიშნული რეჟიმით ირეცხება ქვაბები და ტაფები, აგრეთვე ძლიერ დაბინძურებული ჭურჭელი, რომელიც არ არის დამზადებული ნაზი მასალისაგან და ზემდეგია მაღალი ტემპერატურის მიმართ. აღნიშნულ რეჟიმში წყლის ტემპერატურა 70-750 C-ს აღწევს.

 

სტანდარტული ტიპის პროგრამა - 65 0C. აღნიშნული რეჟიმით ირეცხება შერეული სხვადასხვა ტიპის ჭურჭელი ერთდროულად. გარდა ისეთი ტიპის ჭურჭლისა რომელიც საჭიროებს  დელიკატურ და ფაქიზ რეცხვას. არსებობს აგრეთვე 65 0C გაძლიერებული,  რომელიც ერთგვარ ინტენსიურ ვარიანტს წარმოადგენს.

 

პროგრამა AUTO   - წარმოადგენს ავტომატური ტიპის პროგრამას სადაც რეცხვის ციკლის დროს, წყლის ტემპერატურა ავტომატურად იცვლება  aquaSensor -ის  მიერ მიწოდებული იმპულსების მიხედვით.  AUTO პროგრამას მითითებული აქვს თუ რამდენი გრადუსიდან რამდენ გრადუსამდე შეირჩევა წყლის ტემპერატურა ჭურჭლისათვის. გააჩნია ვარირებული ტემპერატურის ზღვარი. აღნიშნული პროგრამა წარმოადგენს საკმაოდ ეკონომიურ პროგრამის ტიპს.

სწრაფი რეცხვა [Quickwash]   -  ამ პროგრამით მცირე დროში  ირეცხება ნაკლებად დაბინძურებული სხვადასხვა ტიპის ჭურჭელი. რაც შეეხება წყლის ტემპერატურას ამ ტიპის პროგრამებში ძირითადათ  35-450C  გრადუსია. ხოლო რეცხვის ხანგრძლივობა  საშუალოდ 30 წუთია.

 

ფაქიზი რეცხვა (დელიკატური) - წარმოადგენს  პროგრამას რომელიც განკუთვნილია ფაქიზი ტიპის  თხელი მინისაგან დამზადებული ჭიქებისა და ბოკალების გასარეცხად. ამ პროგრამებში ძირითადათ წყლის  ტემპერატურა არის 30-40 0C, რადგანაც მაღალმა ტემპერატურამ შეიძლება გამოიწვიოს ჭიქების დაზიანება.

არსებობს აგრეთვე პროგრამა AUTO  დელიკატური 35-450 C , რომელიც რა თქმა უნდა დელიკატური რეცხვის ერთერთ ტიპს წარმოადგენს.

 

Eco ეკონომიური პროგრამა -ეს არის პროგრამა, რომელიც რეცხვის დროს შედარებით ნაკლებ წყალსა და ელექტროენერგიას მოიხმარს. წყლის ტემპერატურა აღნიშნული პროგრამისას ძირითადათ  არის 500 C (თუმცა შესაძლოა ზოგ მოდელში არსებობდეს სხვაობა).

 

წინასწარი გავლება-ამ პროგრამის საშუალებით შესაძლებელია მოვამზადოთ ძლიერ დაბინძურებული ჭურჭელი შემდგომი გარეცხვისთვის, რეცხვის მაღალი ხარისხის მისაღწევად. ასევე გამოიყენება, როდესაც ვინახავთ ჭურჭელს მანქანაში რამოდენიმე ხნით, რომ არ იყოს ჭურჭ. სარ. მანქანაში არასასიამოვნო სუნი.

 

,,VarioSpeed" დროის შემცირება- აღნინული ფუნქციის გააქტიურება  უზრუნველყოფს რეცხვის დროის განახევრებას ისეთი ტიპის პროგრამაზე  რომლის რეცხვის ხანგრძლივობა 1 საათსა და 20 წუთს აღემატება. იგი გამოიყენება ნაკლებად დაბინძურებული ჭურჭლის გასარეცხად.

 

ActiveWater-ყველაზე ეკონომიური ჭურჭლის სარეცხი მანქანების სერია. საკმარისია მხოლოდ 10 ლიტრი წყალი რეცხვის ერთი ციკლისთვის 14 კომპლექტის ჩატვირთვისას. ერთ კომპლექტზე 29 %-ით ნაკლებ წყალს მოიხმარს ვიდრე წინამორბედი 12 პერსონიანი ჭურჭ. სარ. მანქანა და 20 %-ით ნაკლებ ელ. ენერგიას, ანუ 0,98 კვტ/სთ.

   

ნახევარი ჩატვირთვა (1/2 რეცხვა)-ეს ფუნქცია საშუალებას გვაძლევს არ დაველოდოთ ჭურჭ. სარ. მანქანის მთლიანად ავსებას ჭურჭელით და რეცხვისას დავზოგოთ ელ. ენერგია 15 %-ით, წყალი-25 %-ით და  დავზოგოთ დრო (ჭურჭელი შეიძლება განვათავსოთ როგორც ზედა, ასევე ქვედა კალათში).

 

IntensiveZone - დამატებითი ფუნქცია, რომელიც საშუალებას გვაძლევს ერთდროულად გავრეცხოთ სხვადასხვა ტიპის ჭურჭელი: ქვედა კალათში დაბინძურებული ქვაბები, ტაფები და ზედა კალათში თეფშები და ჭიქები. ქვედა კალათში მიმდინარეობს ინტენსიური რეცხვა მაღალი ტემპერატურითა და მაღალი წნევით იმ დროს, როცა ზედა კალათში  ჭურჭელი ირეცხება  დაბალი წნევით და ტემპერატურით.

   

Hygiene-დამატებითი ფუნქცია, რომლის დროსაც ჭურჭელი ირეცხება და შრება მაღალ ტემპერატურაზე, ბაქტერიების და მიკრობების 99,9 % კვდება. შრობა მიმდინარეობს 70 0C ტემპერატურაზე. ამ ფუნქციის გამოყენება ეფექტურია ბავშვის ჭურჭლის, კონტეინერების და სამზარეულო (დასაჭრელი) დაფების გასარეცხად.

VarioDrawer-დამატებითი მესამე დონე, რომელზეც შეიძლება მოვათავსოთ როგორც დანები, ჩანგლები და კოვზები, ასევე დაბალი ფინჯნები მაგ: ესპრესოსთვის. ის ცვლის დამატებით კალათს დანა-ჩანგლისთვის, ადგილი თავისუფლდება და შესაძლებელია ჭურჭ. სარ მანქანაში განვათავსოთ ჭურჭელი 12-ის ნაცვლად 13 კომპლექტი, პრემიუმ მოდელებში 14 კომპლექტიც კი.

DossageAssist-სისტემა, რომელიც ზრუნავს, რომ სარეცხი საშუალება ე.წ. ტაბლეტი გაიხარჯოს ბოლომდე.  ტაბლეტი ხვდება სპეციალურ განყოფილებაში, რომელიც ზედა კალათის სახელურიცაა, სადაც ადვილად აღწევს წყლის ჭავლი და ტაბლეტი ბოლომდე იხარჯება. განყოფილება სარეცხი საშუალებისთვის მოთავსებულია კარის ცენტრში.

Rackmatic/ Rackmatic-3-ზედა კალათის გვერდებზე მოთავსებული ფიქსატორების საშუალებით შესაძლებელია შევცვალოთ კალათის პოზიცია სიმაღლეში. სისტემა Rackmatic საშუალებას გვაძლევს კალათი მოვათავსოთ 2 დონეზე  5 სანტიმეტრიანი ინტერვალით, ხოლო Rackmatic-3-სამ დონეზე 2,5 სმ-იანი ინტევალით.

VarioFlex/VarioFlexPlus-ზედა და ქვედა კალათები ჩასაკეცი ეკლემენტებით. მაგ: შესაძლებელია ჩავკეცოთ თეფშის დამჭერი, როდესაც გვინდა კალათში მოვათავსოთ დიდი ზომის ჭურჭელი. VarioFlexPlus-ჩასაკეცი ელემენტების მეტი რაოდენობა.

GlassProtec-ნაზი მინის ჭიქების დაცვის სისტემა, რომელიც არეგულირებს წყლის სიხისტეს (ძალიან რბილი წყალი იწვევევს მინის კოროზიას) წყლის ძლიერ დარბილების შემთხვევაში ამატებს ონკანის წყალს. ამის გარდა თბოგამცვლელის საშუალებითაც ხდება ნაზი ჭურჭელის დაცვა რეცხვისას.

Zeolitе-მინერალი, რომელიც შთანთქავს სინესტეს და გარდაქმნის სითბურ ენერგიად. შემდგომ აღიდგენს თავის თვისებებს, ამიტომ ,,ცეოლიტი", რომელიც გამოიყენება ჭურჭლის სარეცხ მანქანებში, არ საჭიროებს შეცვლას მთელი ექსპლუატაციის მანძილზე.

Zeolitе შრობის ციკლი-შთანთქმული სინესტე გარდაიქმნება სითბურ ენერგიად, ამიტომ შრობა მიმდინარეობს სწრაფად და ელ. ენერგიის ეკონომიური მოხმარებით.

Zeolitе რეცხვის ციკლი-რადგან მინერალი ცხელდება, რეცხვის პროცესში ის აღიდგენს თავის თვისებებს და მზად არის ხელახლა სინესტის შთანთქმისთვის და სითბურ ენერგიად გარდაქმნისთვის.  Zeolitе შრობის დამსახურებით ჭურჭ. სარ. მანქანებში ActiveWater სტანდარტული რეცხვის პროცესი მიმდინარეობს მხოლოდ 125 წუთი და ელ ენერგიას მოიხმარს 0,97 კვტ/სთ. ამიტომ ეს მანქანები არის ყველაზე სწრაფები და ეკონომიურები მსოფლიოში.

EnergySave-ფუნქციის გააქტიურებისას ჭურჭ. სარ. მანქანები  BOSCH ActiveWater და  SIENENS SpeedMatic მოიხმარს 15 %-ით კიდევ უფრო ნაკლებ ელ. ენერგიას, ანუ ნაცვლად 0,97 კილოვატისა 0,83 კილოვატს.

ინტენსიური შრობა-დამატებითი ფუნქციის გააქტიურებისას ბოლო გავლება ხდება ცხელი წყლით და შრობის დრო იმატებს. გამოიყენება ძირითადად პლასტმასის ძნელად შრობადი ჭურჭლისა და სამზარეულო (საჭრელი) დაფების შრობისას.

დამატებითი ფიქსატორები-გამოიყენება მსუბუქი ჭურჭელის, ჭიქების დასამაგრებლად. მაგ: პლასტმასის მსუბუქი ჭიქა რომ არ გადმოაგდოს წყლის ჭავლმა.

ჩალბობის რეჟიმი-ეს ფუნქცია გამოიყენება ისეთი ჭურჭლის გასარეცხად, რომელიც ძალზე დაბინძურებულია და მიმხმარია საკვები. ამ ფუნქციის გააქტიურებისას ხდება ჭურჭლის ჩალბობა, რომელიც შემდეგ უნდა გაირეცხოს რამოდენიმე საათში.

 

 

 

საიტის სრული ვერსია