შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng

 

BOSCH / SIEMENS

 

Green Technology inside - ,,მწვანე ტექნოლოგია" -ახალი და მაღალეფექტური ტექნოლოგია, რომელიც წარმოადგენს პროდუქციის განსაზღვრულ სტანდარტს, რომლის მთავარი მახასიათებელია ელექტრო ენერგიის, წყლის და სხვა რესურსების მოხმარების დაბალი მაჩვენებელი. ყოველივე ეს იქმნება ყველაზე მაღალი ეკოლოგიური კრიტერიუმების გათვალისწინებით, რათა დავიცვათ გარემო.

 

EcoSilence Drive-ახალი ტექნოლოგიით შექმნილი ძრავი ,,ნახშირის ჩოთქის" გარეშე, რომელიც გამოირჩევა:  დაბალი ხმაურის დონით, მაღალი ენერგოეფექტურობით, სისწრაფით (დროის ეკონომია), გამძლეობით.

კლასიკური ძრავის მარგი ქმედების კოეფიციენტი (მქკ) უდრის 25 %-ს, როცა ახალ ძრავებში EcoSilence Drive  ეს მაჩვენებელი გაზრდილია 60 %-მდე.

 

AntiVibration-სარეცხი მანქანის გვერდების განსხვავებული, სპირალისებური სტრუქტურა ამცირებს ვიბრაციას და ზრდის სტაბილურობას, მისი ერთობლიობა  ახალი ტიპის ძრავთან EcoSilence Drive,  თითქმის უხმაუროს ხდის რეცხვის პროცესს.

 

სარეცხის ბალანსის კონტროლი - აღნიშნული სისტემის სარეცხი მანქანები წურვის დაწყებამდე ახდენენ ქსოვილის თანაბრად გადანაწილებას დოლურაში მისი რამოდენიმეჯერ გადაბრუნებით, რათა არ მოხვდეს ქსოვილის არათანაბრად გაწურვა, რაც ზრდის ვიბრაციას და ხმაურის დონეს.

 

წყლის დაბინძურების სენსორი aquasensor-  სპეციალრი სენსორი, რომელიც აფიქსირებს  წყლის დაბინძურებას გავლების ეტაპზე და შესაბამისად განსაზღვრავს გავლების ციკლების ხანგრძლივობასა და მიწოდებული წყლის რაოდენობას. ყოველივე ეს საუკეთესო რეცხვის შედეგს იძლევა.

 

 სრული Аqua Stop - მილის დაზიანების შემთხვევაში ჩაირთვება დამცავი სისტემა, რომელიც გადაკეტავს წყლის მიწოდებას სარ. მანქანაში. გარდა ამისა სისტემა განსაზღვრავს წყლის გაჟონვას უშუალოდ სარეცხი მანქანის შიდა სისტემაშიც.

 

ეკო სისტემა (HYDROBALL)- სპეციალური ჩამკეტი ბურთულას  მეშვეობით ხდება გამშვები მილის გადაკეტვა რათა არ მოხდეს სარეცხი საშუალებების გახარჯვა გამდინარე წყალში. სარეცხი საშუალება მთელი რეცხვის ციკლის მანძილზე რჩება დოლურაში   რაც უზრუნველყოფს მისი 100%-ით გამოყენებას.

 

დუშირების სისტემა 3D aquaspar -  სარეცხის დუშირება ხდება თანაბრად ყველა მხრიდან    დოლურაში წყლის კასკადური სამმხრივი  დუშირებით. აღნიშნულის მეშვეობით ხდება სარეცხი საშუალებების  სწრაფად შეღწევა ქსოვილში, რის შედეგადაც მიიღწევა რეცხვის მაღალი ხარისხი.

 

სარეცხის ავტომატური აწონვა - სპეციალური წონის სენსორი განსაზღვრავს ჩატვირთული სარეცხის წონას, რომელიც გამოისახება ეკრანზე პროცენტულად და მიაწოდებს ინფორმაციას სარეცხი მანქანის მართვის მოდულს.  ჩატვირთული სარეცხის მიხედვით მოხდება წყლის დოზირება. ასევე გვეხმარება ჩატვირთვის შესაძლებელი რაოდენობის განსაზღვრაში.

 

ქაფიანობის კონტროლი - თუ მანქანაში რეცხვის დროს წარმოიქმნება მომატებული ქაფიანობა, გავლების ეტაპზე მანქანა მოახდენს სამამდე დამატებით გავლებას, რაც აუმჯობესებს რეცხვის ხარისხს და ახდენს ქსოვილიდან სარეცხი საშუალებების მიკრონაწილაკების გამონდევნას. აღნიშნული   მნიშვნელოვანია აგრეთვე  ალერგიული ადამიანებისათვის.

 

პროგრამები:

ბამბა- ირეცხება საშუალო დაბინძურების ბამბის, ტილოს, სელის ქსოვილები, აგრეთვე პირსახოცები, თეთრეული და ბამბანარევი ტიპის ტანისამოსი. ძლიერ დაბინძურებული თეთრეულისათვის და ტანისამოსისათვის შესაძლოა გამოვიყენოდ ინტენსიური რეცხვის პროგრამა ან პროგრამა წინასწარი რეცხვით. (7 კილოგრამიან სარეცხ მანქანაში ირეცხება 7 კილო ბამბეული).

 

სინთეტიკა- ირეცხება საშუალო დაბინძურების სინთეტიკური და სხვა მსგავსი ბოჭკოვანი ტიპის ქსოვილები, პერანგები, მაისურები და ა.შ. (7 და 6 კილოგრამიან სარეცხ მანქანებში ირეცხება 3 კილოგრამი სინთეტიკა).

 

ფაქიზი რეცხვა- ამ პროგრამით ირეცხება ფაქიზი ტანისამოსი, რომელიც საჭიროებს ფრთხილ და ფაქიზ რეცხვას.( 7 კილოგრამიან სარეცხ მანქანაში ირეცხება 3 კგ  ფაქიზი ტანსაცმელი, ხოლო 6 კილოგრამიანში 2 კგ).

 

შალი-  სპეციალური პროგრამა, რომელიც განკუთვნილია შალეულის ნაზად გასარეცხად. (შალის ტანისამოსს, რომელიც ირეცხება სარეცხ მანქანაში ეტიკეტზე უნდა გააჩნდეს შესაბამისი ნიშანი. 7 ან 6 კილოგრამიან სარეცხ მანქანაში ირეცხება მაქსიმუმ 2 კგ შალი).

 

აბრეშუმი-  ნაზი რეცხვის პროგრამა  აბრეშუმისა და შერეული სინთეტიკური ტიპის ქსოვილისათვის. იგი მიმდინარეობს 30 გრადუსზე ხოლო სტანდარტულად იწურება 700 ბრუნზე. (6 კილოგრამიან სარეცხ მანქანაში ირეცხება მაქსიმუმ 1 კილოგრამი აბრეშუმი).

 

ხელით რეცხვა- წარმოადგენს განსაკუთრებულად დელიკატურ პროგრამას, რომლითაც ირეცხება სხვადასხვა ტიპის ნაქსოვი ტანისამოსი და ქსოვილები, რომელნიც საჭიროებენ ფაქიზ რეცხვას. აღნიშნული პროგრამის გამოყენებისას რეცხვა მიმდინარეობს ძირითადად ცივი წყლით. (7 და 6 კილოგრამიან სარეცხ მანქანაში ირეცხება მაქსიმუმ 2 კგ ქსოვილი).

 

ეკო (Eco)- გამოიყენება ნაკლებად დაბინძურებული ბამბეულისა და სინთეტიკისათვის. აღნიშული პროგამის არჩევისას რეცხვა მიმდინარეობს  შედარებით დაბალ ტემპერატურაზე, რაც გვაძლევს ელექტრო ენერგიისა და წყლის ეკონომიას. (რეცხვის ხანგრძლივობა შეიძლება გაიზარდოს).

 

Outdoor-  განკუთვნილია ისეთი ტიპის ქსოვილისათვის რომელიც ძნელად სველდება. აღნიშნული რეჟიმი ხასიათდება წყლის ძალზედ ეკონომიური მოხმარებით ( 8-9 ლიტრი მთელი ციკლის განმავლობაში).

 

15      წუთიანი რეცხვის პროგრამა- აღნიშნული პროგრამა იდეალურია ნაკლებად დაბინძურებული ქსოვილებისათვის, კერძოდ თეთრეულისათვის, რომელიც 2 კილოგრამს არ უნდა აღემატებოდეს. რეცხვა მიმდინარეობს 300 -ზე, გავლება 2 ეტაპად, ხოლო გაწურვა კი მაქსიმუმ 800 ბრ/წთ-ზე.

 

დამატებითი ფუნქციები, ღილაკები:

VarioPerfect-ახალი სისტემა რომელიც მოიცავს, როგორც რეცხვის დროის შემცირებას, ასევე ელექტრო ენერგიის ეკონომიას, ამასთან რეცხვის ხარისხი არ მცირდება.

 

EcoPerfect-ეკონომიური რეცხვის პროგრამა. ელექტრო ენერგიის მოხმარება 30 %-ით ნაკლებია სტანდარტულ ,,A" კლასის ენერგოეფექტურობის მქონე სარ. მანქანებთან შედარებით.

 

SpeedPerfect-რეცხვის დროის შემცირების ფუნქცია. რეცხვის ხარისხი მაღალია, მიუხედავად რეცხვის დროის  60 %-მდე შემცირებისა (სხვადასხვა პროგრამაზე სხვადასხვა დოზით). დამატებითი ფუნქციის შეთავსება შესაძლებელია ყველა პროგრამასთან გარდა-,,სუპერ სწრაფი-15 წთ" და ,,შალი/ხელით რეცხვა".

 

სტარტის გადავადება- ეს ფუნქცია საშუალებას გვაძლევს რეცხვის დაწყების დრო გადავავადოთ 1 დან 19 სთ-მდე, ზოგიერთი მოდელის შემთხვევაში კი 24 საათამდე. აღნიშნული ფუნქციის გააქტიურება შესაძლებელია კონკრეტული რეცხვის რეჟიმის არჩევის შემდეგ, სტარტის ღილაკის გააქტიურებამდე.

 

ნაზი წურვა- აღნიშნული ფუნქციის გააქტიურებისას, ქსოვილი იწურება ძალიან ნაზად, დაბალი ბრუნით, სარეცხი მანქანის დოლურის რევერსულად ბრუნვის შედეგად. ეს პროგრამა შესაძლებელია  გამოვიყენოდ მხოლოდ ბამბისა და სინთეტიკის ტიპის ქსოვილის წურვისას.

 

დამატებითი გავლება- იგი რეკომენდირებულია ადამიანებისთვის, რომელნიც ალერგიული არიან სარეცხი საშუალებების მიმართ. ამ ფუნქციის არჩევისას დამატებითი გავლება ხდება რამოდენიმე ეტაპად, რაც უზრუნველყოფს სარეცხი საშუალების მაქსიმალურად მოცილებას ქსოვილიდან.

 

ბრუნის მითითება- აღნიშნული ღილაკი ყველა პროგრამისათვის ინდივიდუალურად შეამცირებს ბრუნთა რიცხვს, ან საერთოდ გათიშავს წურვას. ზოგიერთ მოდელში შესაძლებელია მივუთითოთ წყალში ჩატოვება (ბოლო გავლების შემდეგ სარეცხი რჩება წყალში).

 

 

 

 

gorenje

 

Gorenje - ს სარეცხი მანქანების სერია იყოფა რამოდენიმე დიზაინის ხაზად, ესენია:

 

  • premium - სერია  აღნიშნულ ხაზში ერთიანდება სარ. მანქანები რომლებშიც გამოიყენება თანამედროვე "ჭკვიანი" ტექნოლოგიური სისტემები რათა მიღწეულ იქნას რეცხვის მაქსიმალური ხარისხი. ამ ხაზის მოდელები გამოირჩევა მაქსიმალური უსაფრთხოებითა და ელეგანტური დიზაინით.   premium ხაზის მოდელები იყოფა ორ ჯგუფად ესენია სერია  Premium Touch რომელიც გამოირჩევა ყველაზე მაღალი ბრუნითა და მოზრდილი ზომის სენსორული დისპლეით და  Premium Blue რომელიც აღჭურვილია ცისფერი ფერის თხევადკრისტალური დისპლეით.   
  • Exclusive და Exclusive Green  - აღნიშნული სერიის მოდელები გამოირჩევა საკმაოდ დაბალი ენერგომოხმარებითა და წყლის მოხმაებით.  რაც შეეხება Exclusive Green  სერიას  იგი გამოირჩევა მწვანე ფერის თხევადკრისტალური დისპლეით.
  • Classic -  ამ ხაზის მოდელები წარმოადგენს ყველაზე მარტივად მოსახმარებელ სარეცხ მანქანებს, რომლებიც ინარჩუნებენ კლასიკურ დიზაინს და ყოველდღიური საჭიროებისათვის შეიძლება იქნან გამოყენებული.

სენსორი Clear Water - აღნიშნული სენსორი გავლების მეორე ეტაპზე აქტიურდება და ზომავს წყლის დაბინძურების დონეს, თუ რეზულტატი არ იქნა დამაკმაყოფილებელი, მანქანა მოახდენს სამამდე დამატებით გავლებას, რისი მეშვეობითაც მიიღწევა საუკეთესო შედეგი. თუ სენსორი გაზომვის შედეგად მიიღებს დამაკმაყოფილებელ რეზულტატს დამატებითი გავლების ციკლი აღარ იქნება საჭირო რაც დაზოგავს ელექტროენერგიასა და წყალს.

 

ქაფიანობის კონტროლი - თუ მანქანაში რეცხვის დროს წარმოიქმნება მომატებული ქაფიანობა სარ. მანზანა დაამატებს სუფთა წყალს და გავლების ეტაპზე მოახდენს სამამდე დამატებით გავლებას, რაც აუმჯობესებს რეცხვის ხარისხს და ახდენს ქსოვილიდან სარეცხი საშუალებების მიკრონაწილაკების გამონდევნას. აღნიშნული   მნიშვნელოვანია აგრეთვე  ალერგიული ადამიანებისათვის.

 

სარეცხის ავტომატური აწონვა - სპეციალური წონის სენსორი განსაზღვრავს ჩატვირთული სარეცხის წონას და მიაწოდებს ინფორმაციას სარეცხი მანქანის მართვის მოდულს, რომელიც თვითონ განსაზღვრავს რეცხვის ციკლის ხანგრძლივობას. გარდა ამისა ჩატვირთული სარეცხის მიხედვით მოხდება წყლის დოზირებაც. ასევე გვეხმარება ჩატვირთვის შესაძლებელი რაოდენობის განსაზღვრაში.

 

UCD (Ultra Cool Door )  ულტრა ცივი კარი  - სარეცხი მანქანის კარზე მიმაგრებულია დამატებითი პლასტმასის ეკრანი რათა მაღალი ტემპრატურით რეცხვისას თავიდან ავიცილოდ ბავშვის ან შინაური ცხოველის დამწვრობა.

 

დუშირების სისტემა 4D -  სარეცხის დუშირება ხდება თანაბრად ყველა მხრიდან    დოლურაში წყლის კასკადური ოთხმხრივი  დუშირებით. აღნიშნულის მეშვეობით ხდება სარეცხი საშუალებების  სწრაფად შეღწევა ქსოვილში, რის შედეგადაც მიიღწევა რეცხვის მაღალი ხარისხი.

 

სისტემა  DSS (Detergent Saving System)- სპეციალური ჩამკეტის მეშვეობით ხდება გამშვები მილის გადაკეტვა რათა არ მოხდეს სარეცხი საშუალებების გახარჯვა გამდინარე წყალში. სარეცხი საშუალება მთელი რეცხვის ციკლის მანძილზე რჩება დოლურაში   რაც უზრუნველყოფს მისი 100%-ით გამოყენებას.

 

Super Silent  -  ხდება დოლურის ბრუნთა სპეციალური კონტროლი რათა შენარჩუნებულ  იქნას მაქსიმალური სიწყნარე როგორც რეცხვის ასევე წურვის დროს.

 

Super Silent+  - აღნიშნული წარმოადგენს წინამორბედის დახვეწილ ვარიანტს სადაც ხმის იზოლაცია უკეთ არის შენარჩუნებული და შესაბამისად სარ. მანქანაც წყნარად მუშაობს.

სრული Аqua Stop - მილის დაზიანების შემთხვევაში ჩაირთვება დამცავი სისტემა, რომელიც გადაკეტავს წყლის მიწოდებას მანქანაში. გარდა ამისა სისტემა განსაზღვრავს წყლის გაჟონვას უშუალოდ სარეცხი მანქანის შიდა სისტემაშიც.

 

ნაწილობრივი   Аqua Stop -  მილის დაზიანების შემთხვევაში ჩაირთვება დამცავი სისტემა, რომელიც გადაკეტავს წყლის მიწოდებას მანქანაში. შემავალი მილის თავზე დამონტაჟებულ Аqua Stop ის რედუქტორს გააჩნია მომცრო ზომის ილუმინატორი რომელიც გაწითლდება. შემავალი მილი უნდა შეიცვალოს ახლით.

 

ბალანსის კონტროლი - აღნიშნული წარმოადგენს რეცხვის დაწყების წინ დოლურის რამოდენიმეჯერ გადაბრუნებას რევერსულად, რათა სარეცხი  დოლურაში განაწილდეს თანაბრად.

 

დაცვა მომატებული წყლისაგან - იმ შემთხვევაში თუ წყლის დოზირების კლაპანი დაზიანდა ან ზედმეტად მომატებულია წყლის წნევა, წყლის გადამღვრელი (გამშვები ნასოსი) დაიწყებს წყლის გატუმბვას მანამ, სანამ დოლურაში არ იქნება მიღწეული წყლის ოპტიმალური ოდენობა.

 

ენზიმური ფაზა - საშუალებას გვაძლევს გამოვიყენოთ სარეცხი ფხვნილები   ბიო ფერმენტებით, რაც უზრუნველყოფს განსაკუთრებით დაბინძურებული   თეთრეულის რეცხვას  40 0C-მდე.   სწორედ ამ ტემპერატურაზე აქტიურდებიან აღნიშნული ბიო ფერმენტები, ენზიმები. მაღალ ტემპერატურაზე რეცხვისას წყლის ტემპერატურა არ სცილდება 40 0C-ს 15 წუთის განმავლობაში. ეს დრო საკმარისია ენზიმების გასააქტიურებლად.

 

Posistop - ვერტიკალური ჩატვირთვის სარეცხ მანქანებში დოლურა სპეციალური სიმძიმის მეშვეობით, ავტომატურად ჩერდება ჩასატვირტი ლუკით მანქანის კარებისაკენ.  

 

პროგრამები:

ბამბა - ირეცხება საშუალო დაბუნძურების  ბამბის, ტილოს, სელის ქსოვილები, აგრეთვე პირსახოცები, თეთრეული და ბამბანარევი ტიპის ტანისსამოსი. ძალიან დაბინძურებული თეთრეულისათვის ან ტანისსამოსისათვის შესაძლოა გამოვიყენოდ ინტენსიური რეცხვის პროგრამა  ან პროგრანა წინასწარი რეცხვით. თუ გვინდა, რომ თეთრეული ნაკლებად დაიკუჭოს გამოვიყენოდ პროგრამა მსუბუქი გაუთოვებით. (6კგ. იან სარეცხ მანქანაში ირეცხება 6კგ ბამბეული,  ხოლო 4,5კგ იან მანქანაში 4,5კგ).

 

სინთეტიკა - ირეცხება საშუალო დაბინძურების სინთეტიკური და სხვა მსგავსი ბოჭკოვანი ტიპის ქსოვილები, პერანგები, მაისურები და  ა.შ. ძალიან დაბინძურებული თეთრეულისათვის ან ტანისსამოსისათვის შესაძლოა გამოვიყენოდ პროგრამა წინასწარი რეცხვით. (6კგ. იან სარეცხ მანქანაში ირეცხება 3კგ. სინთეტიკურ ქსოვილი,  ხოლო 4,5კგ იან მანქანაში 2კგ).

 

ფაქიზი რეცხვა - ამ პროგრამით ირეცხება ფაქიზი ტანისსამოსი, რომელიც საჭიროებს ფრთხილ და ფაქიზ რეცხვას. აღნიშნული პროგრამა გამოიყენება  აგრეთვე ფარდების გასარეცხად. (6კგ. იან სარეცხ მანქანაში ირეცხება 2,5კგ.ხოლო 4,5კგ იან მანქანაში 1,5კგ).

 

შალი - სპეციალური პროგრამა რომელიც განკუთვნილილია შალეულის გასარეცხად. (შალის ტანისსამოსს რომელიც ირეცხება მანქანაში ეტიკეტზე უნდა გააჩნდეს სპეციალური ნიშანი. 6კგ. იან სარეცხ მანქანაში ირეცხება 2კგ. შალი,  ხოლო 4,5კგ იან მანქანაში 1კგ).

 

ხელით რეცხვა - წარმოადგენს განსაკუთრებულად დელიკატურ პროგრამას, რომლითაც ირეცხება სხვადასხვა ტიპის ნაქსოვი ტანისსამოსი და ქსოვილები, რომლებიც საჭიროებენ ფაქიზ რეცხვას. აღნიშნული პროგრამის გამოყენებისას მანქანაში შემავალი წყალი არ ცხელდება, რეცხვა მიმდინარეობს ცივი წყლით. ხოლო პროგრამა სრულდება გაწურვის მინიმალური სიჩქარით 400 ბ/წუთ. (6კგ. იან სარეცხ მანქანაში ირეცხება 1,5კგ.ხოლო 4,5კგ იან მანქანაში 1კგ).

 

პროგრამა 30˚ Mix - სპეციალური პროგრამა საშუალოდ დაბინძურებული ფერადი ქსოვილებისა და სხვადასხვა ტიპის ქსოვილების ერთდროულად გასარეცხად. (6კგ. იან სარეცხ მანქანაში ირეცხება 3კგ.ხოლო 4,5კგ იან მანქანაში 2კგ).

 

დარბილება - პროგრამა განკუთვნილია გარეცხილი თეთრეულის დასარბილებლად და გასაკრახმალებლად. (ხანგრძლივობა შეადგენს 15 წუთს / 6კგ იან ჩატვირთვის ოდენობა შეადგენს 6კგ. ხოლო 4,5 კგ.- იან  მოდელებში 4,5).

 

მოკლე 30' -  აღნიშნული პროგრამა იძლევა საშუალებას გაირეცხოს 2,5კგ ნაკლებად დაბინძურებული თეთრეული და ტანისსამოსი. პროგრამის ხანგრძლივობაა 30 წუთი, ხოლო წყლის ტემპერატურა ავტომატურად დგება 40˚C ზე.

 

 

დამატებითი ფუნქციები:

"ტუმბოს (ნასოსის)  გამორთვა" (насос-стоп) -  ფუნქცია აქტიურდება ძირითადი პროგრამის შერჩევის შემდეგ. ან შესაძლოა უკვე დაწყებული პროგრამის დროსაც მხოლოდ ამ შემთხვევაში ღილაკის გააქტიურება უნდა მოხდეს ბოლო გავლების წინ. აღნიშნული ფუნქციის მეშვეობით პროგრამა შეჩერდება ბოლო გავლებაზე და სარეცხი დარჩება წყალში.

 

"ბრუნის შემცირება" -  აღნიშნული ღილაკი ყველა პროგრამისათვის  ინდივიდუალურად შეამცირებს ბრუნთა რიცხვს, ხოლო ზოგ პროგრამაში საერთოდ გათიშავს წურვას. ბრუნთა შემცირება დამოკიდებულია აგრეთვე თუ რამდენ ბრუნიანია სარეცხი მანქანა.

 

½  ნახევარი ჩატვირთვა - გამოიყენება მცირე ოდენობის სარეცხის გასარეცხად, რათა დავზოგოდ ელექტროენერგია, სარეცხი საშუალებები, წყალი და დრო.

 

 მეტი წყალი (წყლის დონის მომატება) - გამოიყენება გავლების ეფექტის  ასამაღლებლად რაც ძალზედ მნიშვნელოვანია იმ ადამიანებისთვის ვისაც ალერგია აქვთ სარეცხ საშუალებებზე. აღნიშნული გამოიყენება აგრეთვე ძლიერ დაბინძურებული თეთრეულისა და ტანისამოსის გასარეცხად.

 

სწრაფი რეცხვა 17/- გამოიყენება მსუბუქად დაბინძურებული თეთრეულისა და ტანისსამოსის  გასარეცხად. პროგრამის ,,ბამბეული 30 0С-17/ წთარჩევის შემდეგ უნდა გავააქტიუროთ დამატებითი ფუნქცია ,,დროის შემცირება".

 

თვითწმენდა-სარ. მანქანის გაწმენდა დაბინძურებისაგან, ბაქტერიებისაგან და არასასიამოვნო სუნისაგან. დოლურა უნდა იყოს ცარიელი. მივუთითოთ პროგრამა ,,ბამბეული 95 0C, (ზოგ შემთხვევაში ,,ბამბეული 80 0C) შემდეგ 3 წამით დავაწვეთ დამატებითი პროგრამის ღილაკს ,,თვითწმენდა". მეტი ეფექტურობისთვის დავამატოთ ცოტაოდენი სარეცხი ფხვნილი. თუ იშვიათად რეცხავთ 60 0C-ზე მაღალ ტემპერატურაზე, მაშინ ჩაატარეთ თვითწმენდა ყოველ ერთ თვეში ერთხელ.

 

 

 

 SAMSUNG 

 

ტექნოლოგია Agion ,,ვერცხლის იონები"- აღნიშნული ტექნოლოგია უზრუნველყოფს სარეცხის გავლებას ვერცლის იონებით (ზოგიერთ მოდელში შესაძლებელია რეცხვისას გამოყენებაც), რისი საშუალებითაც ქსოვილზე ნადგურდება ბაქტერიების 99,9%. ვერცხლის იონები ქსოვილზე ეფექტურობას 30 დღის განმავლობაში ინარჩუნებს (შენახვისას).

 

კერამიკული გამაცხელებელი ,,ტენი"-  იგი სტანდარტულ ტენთან შედარებით სამჯერ უფრო ნაკლებად იკეთებს ნადებს, რაც ზრდის ტენის მუშაობის ხანგრძლივობას.

 

Volt Control-ძაბვის ვარდნის ან მომატებისას დამცავი სისტემა. ±25%-ით ძაბვის ცვლილებისას ან 400 ვოლტამდე ძაბვის გაზრდისას ერთ წამამდე დროით, სარეცხი მანქანა მუშაობს ჩვეულებრივად, ხოლო თუ ძაბვის ცვალებადობის დრო გაიზრდება, სარეცხი მანქანა გადადის მოლოდინის რეჟიმში და როგორც კი დარეგულირდება ძაბვა, აგრძელებს მუშაობას.

 

ფიჭისებური დოლურა Diamond -უმეტესწილად ქსოვილი ზიანდება მაშინ, როცა ის ხვდება  დოლურას ხვრელებში ან ეხება მათ. ფიჭისებური ფორმის დოლურას ხვრელები დავიწროვებულია 25 %-ით და ოდნავ ჩაღრმავებულია (აქვს ფიჭის ფორმა) სადაც გროვდება წყალი, რომელიც წარმოქმნის დამატებით ფენას, ბალიშს ქსოვილსა და დოლურას ზედაპირს შორის და იცავს ქსოვილს დაზიანებისაგან, ამავდროულად შენარჩუნებულია რეცხვის მაღალი ხარისხი.

 

დიდი ციფრული დისპლეი-მრავალფუნქციური პანელი, პროგრამების გადამრთველი Jog Dial, დისპლეიზე განთავსებული იოლად გასაგები სიმბოლოები, ღილაკების მოსახერხებელი განლაგება,  ყველაფერი ეს საშუალებას იძლევა იოლად ავირჩიოთ ჩვენთვის საჭირო პროგრამა და რეცხვის პარამეტრები.

 

რეცხვის ხანგრძლივობის მითითება-დამატებითი ფუნქცია, რომლის გააქტიურებით ჩვენ შეგვიძლია მივუთითოთ ჩვენთვის სასურველი რეცხვის დრო (მხოლოდ ბამბეულის რეცხვისას) 15, 20...90 წუთამდე 10 წუთიანი ინტერვალით. წყლის ტემპერატურა არ აღემატება 30 0C -ს.

 

სტარტის გადავადება-რეცხვის ციკლის დამთავრების გადავადება 3-დან 24 საათამდე.

 

 

ELECTROLUX

 

Electrolux-ის სარეცხი მანქანების სერია იყოფა სამი დიზაინის ხაზად, ესენია:

 

  • INSIGHT- სერია, რომელიც ყველაზე მაღალი კლასით გამოირჩევა ელექტროლუქსის სარეცხ მანქანებს შორის.

 

  • INSPIRE-სერია, რომელიც ასევე A კლასის მანქანებს აერთიანებს.

 

  • INTUITION- ამ სერიის მოდელები ყველაზე მარტივად მოსახმარი სარეცხი მანქანების კლასს მიეკუთვნება, ხოლო მის კორპუსზე დატანებულია ნარინჯისფერი პიქტოგრამები.

 

ღამის რეჟიმი- აღნიშნული რეჟიმისას ქსოვილის გაწურვა არ მიმდინარეობს გავლების ციკლებს შორის და რეცხვის დამთავრებისას, რაც მინიმალურს ხდის ხმაურის დონეს. ასევე აღსანიშნავია, რომ ღამის რეჟიმის გააქტიურებისას გავლების ბოლო ციკლის შემდგომ ავზიდან არ ხდება წყლის დაცლა ხოლო ქსოვილი რჩება წყალში რათა არ მოხდეს მისი დაკუჭვა.

 

ეკო კლაპანი- სპეციალური ჩამკეტი ბურთულის მეშვეობით ხდება გამშვები მილის გადაკეტვა, რათა არ მოხდეს სარეცხი საშუალებების გახარჯვა გამდინარე წყალში. სარეცხი საშუალება მთელი რეცხვის მანძილზე რჩება დოლურაში რაც იწვევს მისი 100%-ით გამოყენებას.

 

Fuzzy Logic-  რეცხვის ხარისხის კონტროლი სარეცხი მანქანის სენსორების მიერ.

 

დახრილი დოლურა-  მსგავსი ტიპის დოლურა განკუთვნილია დიდი რაოდენობის სარეცხზე. დოლურას  დახრილი კონსტრუქცია მასში მაქსიმალურად დიდი რაოდენობის სარეცხის განთავსების საშუალებას იძლევა.

 

კარბორანის ავზი- დამზადებულია სპეციალური მსუბუქი მასალისაგან, რომელიც  ძალზედ მდგრადია ტემპერატურისა და დიდი წონის მიმართ. აღნიშნული ტიპის ავზი რეცხვისას, გამოირჩევა დაბალი ხმაურის დონით.

 

პროგრამების ჩამონათვალი:

ბამბა- ირეცხება საშუალო დაბინძურების ბამბის, ტილოს, სელის ქსოვილები, აგრეთვე პირსახოცები, თეთრეული და ბამბანარევი ტიპის ტანისამოსი. ძლიერ დაბინძურებული თეთრეულისათვის და ტანისამოსისათვის შესაძლოა გამოვიყენოდ ინტენსიური რეცხვის პროგრამა ან პროგრამა წინასწარი რეცხვით.   (7 კილოგრამიან სარეცხ მანქანაში ირეცხება 7 კგ. ბამბეული).


სინთეტიკა- ირეცხება საშუალო დაბინძურების სინთეტიკური და სხვა მსგავსი ბოჭკოვანი ტიპის ქსოვილები, პერანგები, მაისურები და ა.შ. (7 და 6 კილოგრამიან სარეცხ მანქანებში ირეცხება 3 კილოგრამი სინთეტიკა).


ფაქიზი რეცხვა- ამ პროგრამით ირეცხება ფაქიზი ტანისამოსი, რომელიც საჭიროებს ფრთხილ და ფაქიზ რეცხვას. (7 კილოგრამიან სარეცხ მანქანაში ირეცხება 3 კგ  ფაქიზი ტანსაცმელი, ხოლო 6 კილოგრამიანში 2 კგ).


შალი-  სპეციალური პროგრამა, რომელიც განკუთვნილია შალეულის გასარეცხად. (შალის ტანისამოსს, რომელიც ირეცხება სარეცხ მანქანაში ეტიკეტზე უნდა გააჩნდეს შესაბამისი ნიშანი. 7 ან 6 კილოგრამიან სარეცხ მანქანაში ირეცხება მაქსიმუმ 2 კგ შალი).


აბრეშუმი-  ნაზი რეცხვის პროგრამა, აბრეშუმისა და შერეული სინთეტიკური ტიპის ქსოვილისათვის. იგი მიმდინარეობს 30 გრადუსზე ხოლო სტანდარტულად იწურება 700 ბრუნზე. (6 კილოგრამიან სარეცხ მანქანაში ირეცხება მაქსიმუმ 1 კილოგრამი აბრეშუმი).


ხელით რეცხვა- წარმოადგენს განსაკუთრებულად დელიკატურ პროგრამას, რომლითაც ირეცხება სხვადასხვა ტიპის ნაქსოვი ტანისამოსი და ქსოვილები, რომლებიც საჭიროებენ ფაქიზ რეცხვას. რეცხვა მიმდინარეობს ცივი წყლით. (7 და 6 კილოგრამიან სარეცხ მანქანაში ირეცხება მაქსიმუმ 2 კგ ქსოვილი).

 

CL მათეთრებელი -  გამოიყენება მხოლოდ ძლიერ დაბინძურებული  თეთრეულისათვის. სარეცხი მანქანისათვის განკუთვნილი სპეციალური  მათეთრებელი საშუალება უნდა მოთავსდეს მისთვის განკუთვნილ სპეციალურ განყოფილებაში, რომელიც იქნება CL- პიქტოგრამით აღნიშნული.


ეკო(eco)- გამოიყენება ნაკლებად დაბინძურებული ბამბეულისა და სინთეტიკისათვის. აღნიშული პროგამის არჩევისას რეცხვა მიმდინარეობს მოკლე დროში და დაბალ ტემპერატურაზე, რაც გვაძლევს ელექტრო ენერგიის ეკონომიას.

 

ქალის თეთრეული- დელიკატური პროგრამა ნაზი წურვით მაქსიმალურად  იცავს ნაზ ქსოვილს დაზიანებისაგან.

 

ფარდა- ნაზი რეცხვა, რომელიც მიმდინარეობს 40 0C-ზე. იდეალურია მძიმე დელიკატური ქსოვილისათვის, როგორიცაა ფარდა.

 

ჯინსის ქსოვილი- საუკეთესოა ჯინსისა და მსგავსი  მუქი ქსოვილებისათვის. აღნიშნული პროგრამის არჩევისას წინასწარი ჩალბობა მიმდინარეობს 20 წუთის განმავლობაში 30 0C-ზე. ეს პროგრამა არ შეიძლება გამოყენებულ იქნას დელიკატური ქსოვილის შემთხვევაში. გასათვალისწინებელია რომ ამ პროგრამის არჩევისას აუცილებელია სარეცხი საშუალების განთავსება წინასწარი ჩალბობის განყოფილებაში.

 

პერანგი- 20 წუთიანი სწრაფი რეცხვის პროგრამა, რომელიც მიმდინარეობს 30 0C-ზე. ამ პროგრამით შესაძლებელია მაქსიმუმ ხუთი ნაკლებად დაბინძურებული პერანგის გარეცხვა.

 

დამატებითი ფუნქციები:

სტარტის გადავადება- ეს ფუნქცია საშუალებას გვაძლევს რეცხვის დაწყების დრო გადავავადოთ 1 დან 20 საათამდე. აღნიშნული ფუნქციის გააქტიურება შესაძლებელია კონკრეტული რეცხვის რეჟიმის არჩევის შემდეგ, სტარტის ღილაკის გააქტიურებამდე.

 

ნაზი წურვა- აღნიშნული ფუნქციის გააქტიურებისას, ქსოვილი ირეცხება და იწურება ძალიან ნაზად, სარეცხი მანქანის დოლურის რევერსულად ბრუნვის შედეგად. ეს პროგრამა შესაძლებელია  გამოვიყენოდ მხოლოდ ბამბისა და სინთეტიკის ტიპის ქსოვილის რეცხვისას.

 

დამატებითი გავლება- იგი რეკომენდირებულია ადამიანებისთვის, რომელნიც ალერგიული არიან სარეცხი საშუალებების მიმართ. ამ ფუნქციის არჩევისას დამატებითი გავლება ხდება რამოდენიმე ეტაპად, რაც უზრუნველყოფს სარეცხი საშუალების მაქსიმალურად მოცილებას ქსოვილიდან.

 

დროის მითითება Time manager- საშუალებას გვაძლევს მივუთითოდ ჩვენთვის სასურველი რეცხვის დრო. დროის მართვის ღილაკების საშუალებით შესაძლებელია რეცხვის დროის როგორც მომატება ასევე დაკლება. აღსანიშნავია, რომ აღნიშნული ფუნქციის გააქტიურებისას დროის შემცირებასთან ერთად იკლებს რეცხვის ინტენსივობა.

 

 

 

 LG 

 

ავტობალანსირება -  თუ სარეცხი არათანაბრად არის განაწილებული დოლურაში, დოლურა წურვის დაწყებამდე დაიწყებს ტრიალს რევერსულად (საათის ისრის და მის საწინააღმდეგო მიმართულებით). გაწურვა იწყება ნელი ბრუნებით და ეტაპობრივად ხდება მისი სისწრაფის მომატება მითითებულ დონემდე.

 

რეცხვის ინტელექტუალური სისტემა- აკონტროლებს მიწოდებული წყლის ტემპერატურასა და რაოდენობას, აგრეთვე სარეცხის დისბალანსს გაწურვისას.

 

ქაფიანობის კონტროლი - თუ მანქანაში რეცხვის დროს წარმოიქმნება მომატებული ქაფიანობა გავლების ეტაპზე მანქანა მოახდენს სამამდე დამატებით გავლებას, რაც აუმჯობესებს რეცხვის ხარისხს და ახდენს ქსოვილიდან სარეცხი საშუალებების მიკრონაწილაკების გამონდევნას. აღნიშნული სისტემა ძალზედ მნიშვნელოვანია   ალერგიული ადამიანებისათვის და ბავშვებისათვის.

 

"საყვარელი პროგრამა" - აღნიშნული პროგრამის მეშვეობით შეგვიძლია შევქმნათ ჩვენთვის სასურველი რეჟიმი და დავიმახსოვროთ (სარ. მანქანის მეხსიერებაში) შემდგომი გამოყენებისთვის.

 

,,გავლება +"   -თუკი გვინდა სარ. მანქანამ მოახდინოს დამატებითი გავლება რათა ქსოვილიდან გამოვიდეს სარეცხი საშუალებები, ავირჩევთ აღნიშნულ რეჟიმს.

 

მსუბუქი გაუთოება-აღნიშნულ ფუნქციის გააქტიურებისას ქსოვილი ნაკლებად დაჭმუჭნულია რეცხვის პროცესის დასრულების შემდეგ.

 

პროგრამა ,,ბიო"-თუკი თქვენ გინდათ მოაშოროთ ქსოვილს პროტეინული წარმომავლობის ლაქები (რძე, სისხლი, შოკოლადი), უნდა აირჩიოთ ფუნქცია "ბიო". (რეცხვის პროგრამებისათვის ბამბა, სინთეტიკა და საბავშო ტანისსამოსი თქვენ შეგიძლიათ აირჩიოთ ბიო და ეკონომიური რეჟიმი იმ შემთხვევაში თუკი წყლის ტემპერატურა 60°C -ზე მეტია).

დროის ეკონომია-ეს ფუნქცია შესაძლებელია გამოვიყენოთ რეცხვის პროგრამის დროის შესამცირებლად. აღნიშნული ფუნქცია არ იმუშავებს პროგრამა "სწრაფი 30" -ის გამოყენების შემთხვევაში, რადგანაც "სწრაფი 30" არის თვითონ მოკლე პროგრამა და მისი კიდევ უფრო შემოკლება შეუძლებელია.

ბავშვებისაგან დაცვა (ბლოკირება)-ყველა არსებული ღილაკის ბლოკირება გარდა მთავარი ჩამრთველი ღილაკისა.

დისპლეი-დისპლეიზე გამოისახება  რეჟიმებისა და დროის ინდიკაცია, აგრეთვე დისპლეი ასრულებს თვითდიაგნოსტირების ფუნქციასაც, რომელზეც რაიმე გაუმართაობის შემთხვევაში გამოტანილ იქნება შესაბამისი კოდი.

 

 

 

MIDEA

 

Self  Cleaning-დოლურას თვითწმენდა, ამ ფუნქციის გააქტიურებისას ქსოვილი არ უნდა ჩავტვირთოთ სარ. მანქანაში, უნდა ჩავყაროთ მხოლოდ ფხვნილი (სტანდარტული რეცხვისთვის საჭირო რაოდენობის ½ ნაწილი). წყალი ცხელდება 95 0C ტემპერატურამდე, დოლურა რეცხვისას ბრუნავს 100 ბრ/წთ. სიჩქარით.

  ჩალბობა/წინასწარი რეცხვა-ამ რეჟიმს ვიყენებთ როცა თეთრეული ძლიერ დაბინძურებულია. ფხვნილი უნდა ჩავყაროთ ორივე  განყოფილებაში, როგორც სტანდარტული რეცხვისთვის ასევე წინასწარი რეცხვისთვის განყოფილებაში (საერთო რაოდენობის 1/3 ნაწილი).

  Eco რეჟიმი/ ½ რეცხვა-რეჟიმს ვიყენებთ იმ შემთხვევაში, თუ გვაქვს მცირე რაოდენობის სარეცხი.  სარ. მანქანა ეკონომიურად მოიხმარს როგორც ელ. ენერგიას, ასევევე წყალს და სარეცხ საშუალებას.

  გავლების დროის მითითება-ჩვენ შეგვიძლია მივუთითოთ დამატებითი გავლების რაოდენობა და ხანგრძლივობა.

  ჩატვირთვის რაოდენობა-ამ ფუნქციის საშუალებით ჩვენ შეგვიძლია მივუთითოთ ჩატვირთული სარეცხის რაოდენობა (3 რეჟიმი), ამით ჩვენ დავზოგავთ ელ. ენერგიას,  წყალს და სარეცხ საშუალებას.

  სტერილიზაცია-ეს იგივეა რაც გადმოხარშვის რეჟიმი, წყალი ცხელდება მაქსიმალურ ტემპერატურამდე 90 0C-მდე.

  სტარტის გადავადება-შესაძლებელია გადავავადოთ რეცხვის დაწყების დრო 1-24 საათამდე.

  Active Enzyme-სარ. მანქანაში სარეცხი ირეცხება 40 0C ტემპერატურაზე რამოდენიმე წუთის განმავლობაში, რადგან ენზიმები აქტიურდებიან ამ ტემპერატურაზე, შემდეგ წყალი ცხელდება 60 0C ტემპერატურამდე და გრძელდება რეცხვა პროცესის დასრულებამდე.

 

საიტის სრული ვერსია