შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ შევარჩიოთ ელექტრო ღუმელი

 

 

1. ტიპები

ელექტრო ღუმელი შეიძლება იყოს ცალკე მდგომი და ჩასაშენებელი. ეს უკანასკნელი უფრო გავრცელებული და მრავალფუნქციურია. ელექტრო ღუმელები განსხვავდება  როგორც ფუნქციონალურად, ასევე დიზაინით და ფერით. იშვიათად გვხვდება გაზის ღუმელები.

 

ცალკე მდგომი ელექტრო ღუმელები შედარებით უფრო მარტივი და იაფია. მას შეიძლება გააჩნდეს მხოლოდ ინდიკატორები, რომლებიც გვიჩვენებს, თუ რომელი გამაცხელებელი ელემენტია ჩართული, ან დისპლეი ტაიმერით.

 

ჩასაშენებელი ელ. ღუმელი შეიძლება იყოს კლასიკური (შედარებით მარტივი), მულტიფუნქციური, რომელსაც გარდა ზედა და ქვედა გამაცხელებელი ელემენტისა გააჩნია ასევე უკანა კედელში ჩამონტაჟებული ,,ტენი" და ვენტილატორი (კონვექტორი). მას უწოდებენ 3D კონვექტორს. ასეთ ღუმელში შესაძლებელია კერძის მომზადება, გამოცხობა, ჩირის გაშრობა 2 ან 3 დონეზე ერთდროულად. არსებობს კომბინირებული ღუმელები, რომლებიც დამატებით ასრულებენ მიკროტალღური ღუმელის ფუნქციას. ასეთი ღუმელი იძლევა ადგილის ეკონომიას, რადგან ასრულებს ორი სხვადასხვა ტიპის ღუმელის ფუნქციას, მაგრამ გამოირჩევა შედარებით მაღალი ფასით.

 

 

2. გაბარიტები და ზომები.

როგორც ცალკე მდგომი, ასევე ჩასაშენებელი ღუმელები განსხვავდება გაბარიტებით, მაგრამ უნდა აღინიშნოს, რომ ძირითადად ჩასაშენებელი ღუმელები სტანდარტული ზომისაა 60X60X55 სმ. ზოგიერთი გამონაკლისის გარდა.

 

ცალკე მდგომი ელ. ღუმელები (მინი ღუმელები) ძირითადად მცირე ზომისაა: სიგანე-50-60 სმ; სიმაღლე-40-50 სმ; სიღრმე-30-40 სმ. ჩასაშენებელი ღუმელების სიღრმე არ აღემატება 55 სმ-ს. სიმაღლე შეიძლება მერყეობდეს 40-დან 80 სმ-მდე. სიგანე-60-90 სმ. ელ. ღუმელის არჩევისას გაითვალისწინეთ სამზარეულოს სიდიდე. ადვილი და მოსახერხებელი უნდა იყოს ღუმელის გამოყენება. დიდი ზომის ღუმელი კარგად ჯდება დიდი სამზარეულოს ინტერიერში.

 

 

3. დიზაინი და მასალა

ელექტრო ღუმელები განსხვავდება როგორც დიზაინით, ასევე ფერით და მისი დამზადებისას გამოყენებული მასალით. ღუმელის დიზაინის შერჩევისას უნდა გაითვალისწინოთ, თუ რამდენად მოსახერხებელი იქნება ის ექსპლუატაციისას.

 

თუ გსურთ შეარჩიოთ ელექტრო ღუმელთან ერთად სხვა საოჯახო ტექნიკა,  დიზაინის ერთი ხაზით, ფართო არჩევანს გვთავაზობს gorenje, მაგალითად: Pininfarina, Ora-ito, Karim Rashid, Simplicity. ყველა დიზაინის ხაზი ძალიან განსხვავდება ერთმანეთისაგან. Simplicity  მოდელები  გამოირჩევა არა მარტო დიზაინით, არამედ შედარებით დაბალი ფასითაც.

 

დიდი მნიშვნელობა აქვს ელ. ღუმელის როგორც შიდა, ასევე გარე საფარს, რა მასალისაგან არის დამზადებული. მომინანქრებულ (ემალირებულ) რკინას აქვს მაღალი ჰიგიენური თვისებები, შეიძლება შეგვხდეს სხვადასხვა ფერის და არც ისე ძვირი ღირებულების. უჟანგავი ფოლადი (inox)  უფრო ძვირია, მაგრამ უფრო გამძლეა, არ ამოტყდება დარტყმისას. სპეციალურად დამუშავებული ალუმინის შენადნობი მდგრადია დაკაწვრის მიმართ და მოითხოვს მინიმალურ მოვლას. კარი და წინა ფასადი შეიძლება იყოს მთლიანად მინის, რომელიც ადვილად იწმინდება.

 

ელ. ღუმელის ფასს ზრდის მაღალი ხარისხის შიდა საფარი, მაგალითად როგორიცაა Titanglanz (BOSCH, SIEMENS)- სპეციალური რუხი ემალი რომელიც ნაკლებად იკრავს ცხიმს და აგრეთვე მდგრადია ხილის ლაქების მიმართ, ადვილად იწმინდება. EcoClean (Gorenje)-  სპეციალური  ემალი რომელიც იდეალურად ირეკლავს სითბოს,  რათა თანაბრად მოხდეს ტემპერატურის გადანაწილება ღუმელის მთელს პერიმეტრზე, გარდა ამისა მისი ზედაპირი  ნაკლებად იკრავს ცხიმს რაც  აადვილებს ღუმელის წმენდას.

 

 

4. დამატებითი ფუნქციები და აქსესუარები

გაცილებით მეტი დამატებითი ფუნქცია შეიძლება გააჩნდეს ჩასაშენებელ ელექტრო ღუმელს, ცალკე მდგომთან შედარებით. სხვადასხვა დამატებითი ფუნქციის სიმრავლე ზრდის ელ. ღუმელის ფასს, ამიტომ უნდა შეარჩიოთ ისეთი, რომელიც აუცილებელი და მოსახერხებელია თქვენთვის.

 

მრავალ დამატებით ფუნქციას შორის შეიძლება გამოვარჩიოთ ფუნქცია ,,p'' ავტომატური მომზადება-  ამ ფუნქციის გააქტიურებისას უნდა შევარჩიოთ ღუმელში ჩაპროგრამებული ფუნქციებიდან (რეცეპტებიდან) ერთ-ერთი, მაგალითად აღნიშნული ფუნქცია საშუალებას გვაძლევს კონკრეტულად მივუთითოთ ,,იხვის შეწვა'', ,, ქათმის შეწვა'' და ა.შ. საკმარისია მივუთითოთ მხოლოდ კერძის წონა და ასევე შესაძლებელია პრემიუმ კლასის მოდელებში მივუთითოთ რამდენად შემწვარი გვინდა იყოს მაგ: ხორცი, მომზადების პროგრამას და დროს შეარჩევს ღუმელი ავტომატურად. ასეთ მოდელებს ასევე გააჩნია დამახსოვრების ფუნქცია ,,Memory" - რაც საშუალებას გვაძლევს დავამახსოვრებინოთ ჩვენს მიერ შერჩეული პარამეტრები (პროგრამა, ტემპერატურა, მომზადების დრო და ა.შ.).

 

ფუნქცია ,,i" -ინფორმაცია ფუნქციის გააქტიურებისას,  ყველა ინფორმაცია გამოდის ეკრანზე. პრემიუმ კლასის ზოგიერთ მოდელში მოცემულ ღილაკზე თითის დაჭერით 3 წამის განმავლობაში (როცა ღუმელი გამორთულია ჩართვა/გამორთვის ღილაკით) შევდივართ ძირითად მენიუში.

 

ელ. ღუმელებს კომპლექტაციაში შეიძლება გააჩნდეს სხვადასხვა დამატებითი აქსესუარი, რომელიც დაგეხმარებათ კერძის გემრიელად და კომფორტულად მომზადებაში. მაგალითად: შამფური, რომელიც ტრიალებს და ხორცის დიდ ნაჭერს, მთლიან ქათამს შევწვავთ ირგვლივ ერთნაირად. ლანგარის დასადები ტელესკოპური რელსები, რომლის საშუალებით ლანგარი ადვილად შეგიძლიათ გამოწიოთ ისე, რომ არ ჩამოვარდეს. მინის ლანგარი და სხვა.

 

ყველა ზემოთ ჩამოთვლილი დამატებითი პროგრამა და აქსესუარი გვეხმარება ელ. ღუმელის მარტივად და ეფექტურად გამოყენებაში.

 

 

5. ღუმელის წმენდა

ღუმელი ძირითადად იწმინდება ხელით, მაგრამ არსებობს დამხმარე თვითწმენდის რამდენიმე მეთოდი და ტექნოლოგია, რომელსაც იყენებს სხვადასხვა ბრენდი თავისი ნაწარმის მოხმარების კომფორტულობის გასაუმჯობესებლად.


ჩასაშენებელ ღუმელებში დიდი მნიშვნელობა ენიჭება თვითწმენდას, რადგან შიდა საფარის გაწმენდა უფრო რთულია, ვიდრე გარე საფარის. BOSCH-ის და SIEMENS-ის ღუმელებში გამოიყენება მაგ: თვითწმენდა  EcoClean -  სპეციალური  ემალი (შეიცავს კერამიკის მიკრო ნაწილაკებს), რომელიც ძირითადად განთავსებულია ღუმელის უკანა კედელზე, შესაძლებელია ასევე იყოს ზედა და გვერდითა   კედლებზე. იგი შთანთქავს მასზე მოხვედრილი ცხიმის  99%-ს და სუნის 80 %-ს. მსგავს თვითწმენდას წარმოადგენს კატალიტიკური თვითწმენდა, ეს არის ფირფიტა დაფარული სპეციალური ემალით. მასზე მოხვედრილი ცხიმის თხევადი ნაწილი ორთქლდება, დანარჩენი კი დაიფერფლება.   მაღალი კლასის ღუმელებში გამოიყენება ,,პიროლიტიკური თვითწმენდა"-ღუმელის შიდა საფარი გამოიწვება მაღალ ტემპერატურაზე, 500 0C-ზე და დარჩენილი ფერფლი ადვილად იწმინდება. Gorenje-ს ღუმელებში გამოიყენება თვითწმენდა AquaClean- ღრმა ლანგარზე დავასხამთ 0,6 ლიტრ წყალს და გავააქტიურებთ ფუნქციას 30 წუთით 50-70 0C-ზე. წარმოქმნილი ორთქლით რბილდება ღუმელის კედლებზე არსებული ცხიმი და ადვილად იწმინდება.

 

 

6. მართვა

ელექტრო ღუმელების მართვა შეიძლება იყოს მექანიკური და ელექტრონული (ელექტრო ღილაკების ან სენსორების საშუალებით), ზოგიერთ შემთხვევაში ორივე ერთად (ელექტრომექანიკური).

 

მექანიკური რეგულატორების საშუალებით შეგვიძლია ავირჩიოთ ფუნქცია და ტემპერატურა, რომელზეც უნდა მომზადდეს კერძი. ზოგიერთ მოდელს გააჩნია მექანიკური ტაიმერი. ტაიმერი შეიძლება იყოს ორგვარი: ერთი რომელიც მითითებული დროის ამოწურვის შემდეგ გამოსცემს ხმოვან სიგნალს, მეორე ტაიმერის საშუალებით შეგვიძლია მივუთითოთ მომზადების დრო, რომლის ამოწურვისას გამოირთვება ღუმელი.

 

ელექტრონული მართვა შეიძლება განხორციელდეს ელექტრო ღილაკების, ან სენსორების საშუალებით. ასეთ მოდელებს გააჩნიათ ეკრანი (დისპლეი), რომელზეც ვღებულობთ ინფორმაციას პიქტოგრამების, ინდიკატორების, ან ტექსტური შეტყობინების სახით. მრავალფუნქციური ტაიმერის საშუალებით შესაძლებელია მიმდინარე დროის (საათის) მითითება, მომზადების დროის მითითება, სტარტის გადავადება და სხვა. გაითვალისწინეთ, რომ დამონტაჟებული ტაიმერი მუშაობს ქსელის დენზე და არა ცალკე გენერატორზე, ამიტომ ელ. ენერგიის მიწოდების შეფერხების ან  გამორთვის შემთხვევაში აუცილებელია დროის კორექტირება.

 

 

7. უსაფრთხოება

გაზის და ელექტრო ღუმელები აღჭურვილია უსაფრთხოების სხვადასხვა  სისტემით, რომელსაც დიდი მნიშვნელობა აქვს მაგ: პატარა ბავშვებიანი ოჯახებისთვის.  

 

გაზის ღუმელებში ძირითადად გამოყენებულია ისეთი უსაფრთხოების სისტემა, როგორიცაა ,,გაზკონტროლი"-გაზის მიწოდების გადაკეტვა ალის ჩაქრობის შემთხვევაში. ელექტრო ღუმელების ზოგიერთი მოდელის უსაფრთხოების სისტემას წარმოადგენს ავტომატური გათიშვა. ღუმელი ავტომატურად გაითიშება რაღაც დროის შემდეგ. გათიშვის დრო დამოკიდებულია ღუმელის შიდა ტემპერატურაზე, რაც უფრო მაღალია ტემპერატურა, მით უფრო მალე გაითიშება ის. ღუმელის კარი შეიძლება იყოს აღჭურვილი ორმაგი, სამმაგი მინით და თბოიზოლაციის ერთი ან რამდენიმე ფენით. ყოველივე ეს ამცირებს კარის გარე კედლის ტემპერატურას. ის შეიძლება არ აღემატებოდეს 45-50 0С-ს მაშინაც კი როცა ღუმელში ტემპერატურა აღწევს 200 0С-ს. ასევე ღუმელების უმეტესობას გააჩნია გაგრილების დინამიური სისტემა. სპეციალური ვენტილატორის საშუალებით შეიწოვება ცივი ჰაერი ღუმელის შიდა და გარე კედლებს შორის და გამოიდევნება გარეთ, ის ასევე აგრილებს კარს. ეს ყოველივე იცავს ავეჯს სამზარეულოში ცხელი ჰაერით დაზიანებისაგან.

 

 

სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ჭურჭლის სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი

საიტის სრული ვერსია