შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ ავირჩიოთ რადიოტელეფონი


მოქმედების რადიუსი და მუშაობის დრო

დრო, როცა სახლის და საოფისე ტელეფონებისთვის ძირითადი მოთხოვნა კავშირის  ხარისხი''  იყო, უკვე წარსულს ჩაბარდა.  ბიუჯეტური მოდელებიც კი, გადამცემის ტიპის მიუხედავად,  საკმარისად საიმედო კავშირს უზრუნველყოფენ. ამიტომაც პირველ პლანზე  სხვა კრიტერიუმებმა წამოიწია - მოქმედების რადიუსი და დატენვის გარეშე  მუშაობის ხანგრძლივობა- შესვენებისა და საუბრის რეჟიმში.

 

აქაც რადიო - ტელეფონის შესაძლებლობები დამოკიდებულია კატეგორიასა და ბრენდზე. ზოგიერთი მწარმოებელი, ტრადიციულად, ძლიერია ხარისხიანი და ,,ხანგრძლივი'' მოწყობილობების შექმნაში. ზოგადად, ბაზარზე წარმოდგენილია მოდელები, სადაც ლოდინის რეჟიმის მაქსიმალური დრო მერყეობს 90_დან 300 საათამდე. საუბრის რეჟიმში მაქსიმალური დროის შუალედმა, როდესაც აკუმულატორი იტენება შეიძლება მიაღწიოს 10 საათს - ბიუჯეტურ მოდელებში, ხოლო 25 საათს ტოპ - კლასის მოდელებში.

 

უნდა გვახსოვდეს, რომ ტელეფონის მუშაობის დრო ასევე დამოკიდებულია, იმაზე თუ რამდენად კარგად გამოიყენება აკუმულატორი, რომელიც ძირითადად ორი სახისაა: ნიკელის (Ni-Mh) და ლითიუმის (Li-Ion). მრავალი ტექნიკური წვრილმანის მიუხედავად, არსებობს ერთი რეკომენდაცია: ნიკელის ელემენტები სასურველია დაიმუხტოს და დაიცალოს ბოლომდე. ლითიუმის - საჭიროებისამებრ.

 

რაც შეეხება მოქმედების არეალს, ტელეფონი თავსდება ღია და დახურულ სივრცეებში. პირველი ვარიანტი არის მხოლოდ ორიენტირი და ქალაქის პირობებში გააჩნია მინიმალური მნიშვნელობა, რთულია იპოვო 300-500 მეტრის ღია სივრცე, სადაც კედლის რელიეფი არ შექმნიდა პრობლემას  სიგნალის გავრცელებაში. მეორე ვარიანტი უფრო მნიშვნელოვანია პრაქტიკული გავრცელებისთვის, ის შენობის შიგნით დაფარვის ზონას გულისხმობს.

 

 

მისამართების წიგნის შეაძლებლობები

რადიო ტელეფონზე ეკრანის არსებობა საერთო წესად ჩამოყალიბდა. გარდა იმისა რომ  ნომრის აკრეფვა ასე უფრო მოსახერხებელია და ასევე შემოსული ნომრის დანახვაა შესაძლებელი, მოხმარებას მნიშვნელოვნად ამარტივებს მისამართების წიგნის არსებობა.  ასევე კონტაქტების დამახსოვრება ტელეფონის მეხსიერებაში რასაც დიდ ყურადღებას აქცევენ რადიო-ტელეფონის შერჩევისას.

 

როგორც თანამედროვე მობილური ტელეფონების მეხსიერებაში, ისე რამდენიმე რადიო მოწყობილობაში, შესაძლებელია შეინახო ერთ აბონენტზე რამდენიმე ნომერი, მეილი და სხვა საკონტაქტო ინფორმაცია, ასევე დაბადების თარიღი და ფოტოსურათი.

 

რადიო ტელეფონის მისამართების წიგნის დიდი მოცულობა, (დაახლოებით 100-კონტაქტი) განსაკუთრებით სასარგებლოა საოფისე სიტუაციაში, სადაც საქმე გვაქვს არა მხოლოდ მეგობრებისა და ნათესავების მონაცემებთან, არამედ კომპანიის კლიენტებთან და პარტნიორებთან. ყველაზე ბიუჯეტურ მოდელებში მისამართების წიგნაკი შემოიფარგლება რამდენიმე ათეული ჩანაწერით, ხოლო უფრო დახვეწილი მოდელის შემთხვევაში ასეულობით ჩანაწერია.

 

ზოგიერთი მოდელი, რომელიც შეიცავს დამატებითი ფუნქციების სრულ ნაკრებს, კომპიუტერთან სინქრონულად მუშაობის და ასევე  კონტაქტების მობილურის SIM - ბარათიდან გადატანას საშუალებას იძლევა.

 

მისამართის წიგნაკის სხვა თავისებურებებს განეკუთვნება ენის შერჩევა, ტელეფონის მეხსიერებიდან სწრაფი აკრეფა და ა.შ.

 

 

ავტომოპასუხე

ზარზე პასუხის გაცემა ყოველთვის ვერ ხერხდება, ხოლო მათი გამოტოვება არ გვსურს, ამ შემთხვევაში აქტუალურია ავტომოპასუხის ჩართვა. ეხლა უკვე რადიო ტელეფონების უმრავლესობა აღჭურვილია ამ რეჟიმით. ისინი ერთმანეთისგან განსხვავდებიან დამატებითი შესაძლებლობებით. ზოგისთვის საკმარისია, მოკლე ტექსტური შეტყობინების კლასიკური ჩამწერი, ზოგს კი ურჩევნია მოწყობილობა სრული ფუნქციებით.

 

ავტომოპასუხის ფუნქციების მინიმალური ნაკრები: მოკლე მისალმება, 10-15 წუთი შეტყობინების ჩასაწერად. თუმცა თანდათან სულ უფრო გავრცელებული ხდება-დამატებითი ფუნქციები, ძალზე მოსახერხებელია ავტომოპასუხეზე დაგროვებული შეტყობინებების მოსმენა დისტანციურად, უბრალოდ გადარეკეთ საკუთარ ტელეფონზე სხვა ნებისმიერი ტელეფონიდან, ხმის ტონალური რეჟიმის ჩართვის შემდეგ,  აკრეფეთ გარკვეული კოდი, რის შემდეგ შეძლებთ შეტყობინებების მოსმენას.

 

რადიო-ტელეფონების ავტომოპასუხის დამატებითი ფუნქციაა - ზარების თარიღების და დროის შენიშვნები, ასევე სატელეფონო საუბრის ჩაწერის ფუნქცია. ეს უკანასკნელი შესაძლებლობების მთელ სპექტრს ხსნის. პირველ რიგში, ხმოვანი შეხსენების სახით შეგიძლიათ გამოიყენოთ საკუთარი პატარა შეტყობინება. მეორე - მნიშვნელოვანი საუბრის დამახსოვრების ფუნქცია, რომლისთვისაც საკმარისია ჩავრთოთ ორმხრივი ჩაწერის რეჟიმი, რის საფუძველზეც შესაძლებელი იქნება თქვენი საუბრის მოსმენა განმეორებით.

 

 

დამატებითი ტელეფონების (მილების) დაკავშირება

რადიო-ტელეფონებს აქვთ სპეციფიკური შესაძლებლობები,  რაც  მათთან დამატებითი ტელეფონების დაკავშირებაში გამოიხატება. თანამედროვე რადიო- ტელეფონების ძებნა მთელ პერიმეტრზე არ დაგჭირდებათ,  შეგიძლიათ ყველა ოთახში  თითო ტელეფონი დადოთ. ამით სატელეფონო კავშირი თავისუფლდება კაბელებისგან. მიუხედავად ამისა, სახლში თუ ოფისში, ყველა ტელეფონი ერთმანეთთან დაკავშირებული იქნება. ასევე შეძლებთ სხვადასხვა ნომრებით საკუთარი სატელეფონო ქსელის შექმნას, რომელიც  სხვადასხვა ძირითად ბლოკთან იქნება დაკავშირებული.

 

შემდეგ კი - შესაძლებლობების სრული სპექტრია:

პირველ რიგში, ერთ ძირითად ბლოკს შესაძლოა დაუკავშირდეს 3-6 დამატებითი ტელეფონი,  დამოკიდებულია ბლოკის მოდელზე. თუ ერთ-ერთ მათგანზე მიმდინარეობს საუბარი, სხვა მილები დაკავებული იქნება და საუბრის მოსმენა პარალელურ რეჟიმში -გამორიცხულია.

 

მეორე, ერთ - ერთი მილი შეიძლება  დააკავშირო სხვადასხვა საბაზისო ბლოკთან, რაც რადიო ტელეფონების მოხმარებას უფრო მოქნილს ხდის.  

 

მესამე - შემოსული ზარების გადართვა ერთი ბლოკიდან მეორეზე.

 

ყოველ შემთხვევაში, შეძენისას  ყურადღება მიაქციეთ ისეთ პარამეტრს, როგორიცაა GAP - თავსებადობა (შეთავსება). პრაქტიკულად ეს ნიშნავს - ერთი მწარმოებლის საბაზისო ბლოკის დაკავშირების შესაძლებლობას სხვა ბრენდის მილებსა და ტელეფონებთან.

 

 

დამატებითი შესაძლებლობები და სხვა მოწყობილობების დაკავშირება

რადიო-ტელეფონები, სახლისა თუ ოფისისთვის,  ფუნქციონალურად თანდათანობით  მობილურ ტელეფონებს უახლოვდება. სურვილის შემთხვევაში, შესაძლებელია შეარჩიოთ მოდელი PC- სთან  (პერსონალურ კომპიუტერთან) სინქრონიზაციის შესაძლებლობით, ახალი მელოდიების ჩატვირთვით, ვიბრორეჟიმის აღჭურვილობით, კონექტორით გარნიტურისთვის (ყურსასმენი და მიკროფონი), მრავალფეროვანი ეკრანით და ა.შ.  მაგრამ ამით არ შემოიფარგლება რადიო- ტელეფონების შესაძლებლობები.

 

პრაქტიკულად, რადიო-ტელეფონის ყველა  მწარმოებელი აწარმოებს მოდელებს ისეთი შესაძლებლობებით, რომელთა ნაწილი არ ეკუთვნის ფუნქციურს, უბრალოდ, სასიამოვნოს ხდის ტელეფონით სარგებლობას. შესაძლებელია დააყენოთ გამორჩეული, პოლიფონიური მელოდია სხვადასხვა აბონენტზე, აბონენტის იდენტიფიცირება სურათით, ფერადი დისპლეი და ა.შ.

 

პარამეტრების სხვა ჯგუფი აფართოვებს რადიო-ტელეფონების შესაძლებლობების სპექტრს. პირველ რიგში ეს არის კონექტორი, საკაბელო გარნიტურის  მიერთებისთვის, ასევე კომპიუტერთან და    Bluetooth - მოდულთან დაკავშირება.

 

რადიო ტელეფონების შესაძლებლობების კიდევ ერთი ჯგუფი განეკუთვნება სხვა სახის კომუნიკაციის გამოყენებას, გარდა ტრადიციული სატელეფონო კავშირისა.

 

ასევე მზადდება აპარატები VoIP - მხარდაჭერით, ასევე ზარები  Skype - ით და ა.შ.

 

 

სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ჭურჭლის სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი
საიტის სრული ვერსია