შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ ავირჩიოთ მონიტორი

 

იმისათვის რომ კომპიუტერთან მუშაობის დროს თავი კომფორტულად იგრძნოთ, აუცილებელია შეარჩიოთ შესაბამისი მონიტორი, იმისდა მიხედვით, თუ რა სამუშაოს ასრულებთ თქვენ.

 

მონიტორები ორ ტიპად იყოფა, მართკუთხედის ფორმის 16:9 ფორმატის (WIDE) და კვადრატის ფორმის, 4:3 ფორმატის (Normal). არჩევანის გაკეთებაში დაგეხმარებათ ტექნიკური მახასიათებლები, რომლებიც სხვადასხვა მონიტორს განსხვავებული შეიძლება ჰქონდეს.

 

გარჩევადობა - მონიტორზე პიქსელთა განლაგება ჰორიზონტალურად და ვერტიკალურად. ნებისმიერი გამოსახულება პიქსელებისგან შედგება. რაც უფრო მეტი პიქსელისგან არის შედგენილი გამოსახულება, მით უფრო ხარისხიანია იგი. სხვადასხვა ზომის მონიტორებისთვის, სტანდარტული გარჩევადობებია: 1024x768, 1280x1024, 1366x768, 1400x900, 1920x1080. ჩამოთვლილთაგან ბოლო, 1920x1080 გარჩევადობას FULL HD ეწოდება. მონიტორებში იგი ყველაზე მაღალი გარჩევადობაა.

 

 

დიაგონალის ზომა - სხვადასხვა დანიშნულებისთვის მონიტორები სხვადასხვა ზომის იწარმოება. ყველაზე პატარა მონიტორი 17 დიუმიანია, (თუმცა ბოლო დროს ნაკლებად თუ შეხვდებით) შემდეგ მოდის, 18,5, 19, 20, 21, 22, 24 დიუმიანი მონიტორები. 22 და 24 დიუმიანი მონიტორები ძირითად არქიტექტურისვის, გრაფიკისთვის, თამაშებისთვის და ფილმების საყურებლად გამოიყენება. დანარჩენები, საოჯახო თუ საოფისე საქმიანობისთვის.

 

 

კადრის ცვალებადობის დრო - ეს მახასიათებელი მილიწამებში გამოისახება და განსაზღვრავს პიქსელის რეაქციის დროს. რამდენად სწრაფად შეცვალოს კადრი. რაც უფრო მცირეა ეს დრო, მით უფრო კარგად აღიქვამს თვალი გამოსახულების ცვალებადობას ეკრანზე. არსებობს 16, 12, 8, 5 და 2 მილიწამიანი ეკრანები. რა თქმა უნდა, ჩამოთვლილთაგან ყველაზე სწრაფი 2 მილიწამიანი მონიტორებია.

 

 

კონტრასტულობა - განსაზღვრავს ყველაზე კაშკაშა პიქსელის შეფარდებას ყველაზე დაბალი სიკაშკაშის პიქსელთან. რაც უფრო მაღალია ეს ციფრი, მით უფრო მკვეთრია გამოსახულება, და ფერებიც უფრო ხასხასაა. სხვადასხვა მონიტორებისთვის კონტრასტულობა შეიძლეა იყოს: 500:1, 700:1, 1000:1 და მეტი.

 

700:1 მაჩვენებელი საკმარისია ტექსტებთან სამუშაოდ, საოფისე საქმიანობისთვის. 1000:1 რეკომენდირებულია მედია ცენტრისთვის - მუსიკა, ფილმი, ინტერნეტით სარგებოლობისთვის, ხოლო რაც შეეხება თამაშებს და კომპიუტერულ გრაფიკას, კარგი იქნება თუ კონტრასტულობის მაჩვენებელი 2000:1 იქნება.

 

 

შესაერთებელი პორტების რაოდენობა  აძვირებს მონიტორის ღირებულებას. ყველა მონიტორს აქვს ანალოგური VGA შესაერთებელი. ზოგიერთ მონიტორს დამატებით გააჩნია ციფრული შემსვლელი DVI და HDMI პორტები. კარგი არჩევანი იქნება მონიტორი ანტენის შესაერთებლით, რაც, დამატებით, მოგვცემს საშუალებას მივიღოთ სატელევიზიო სიგნალი მასში.

 

 

ხედვის კუთხე - გრადუსებში იზომება და გვიჩვენებს თუ რა კუთხიდან შეიძლება ვუყუროთ გამოსახულებას. მაგ: 160/1600 ნიშნავს რომ ჰორიზონტალურად და ვერტიკალურად შესაძლებელია გამოსახულების ყურება 160 გრადუსიანი კუთხით. 

 

მონიტორს შეიძლება დამატებით ჰქონდეს ვებ კამერა ინტეგრირებული მიკროფონით, ასევე დინამიკები და USB ფლეშ მეხსიერების შესაერთებელი.
 
 
სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ჭურჭლის სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი
საიტის სრული ვერსია