შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ შევარჩიოთ წყლის გამაცხელებელი

 

 

1. ტიპები

უპირველეს ყოვლისა უნდა შეარჩიოთ ისეთი წყლის გამაცხელებელი, რომელიც მოსახერხებელია თქვენი სახლისთვის. ისინი იყოფა ორ ჯგუფად: გაზის და ელექტრო გამაცხელებლები, ასევე გამდინარე და დამგროვებელი.

 

თუ თქვენ სახლში გაყვანილია გაზი,  გაზის გამაცხელებელი გახდება მარტივი და ეფექტური გადაწყვეტილება. თანამედროვე მოდელები აღჭურვილია დაცვის ხარისხიანი სისტემით. მისი საშუალებით გაზის მიწოდება შეწყდება, თუ გამაცხელებელი ჩაქრება. ასეთი წყლის გამაცხელებლები არ საჭიროებენ განსაკუთრებულ ძალისხმევას მუშაობის რეგულირებაში, ამაზე პასუხს აგებს ავტომატური ჩართვის სისტემა. გარდა ამისა, გაზის გამაცხელებლის ძირითადი უპირატესობა არის მისი ეკონომიურობა, მაგრამ აუცილებლად გაითვალისწინეთ, რომ საჭიროა სავენტილაციო სისტემა გაზის წვის შედეგად გამოყოფილი ნამწვის გარეთ გასატანად.

 

ელექტრო გამაცხელებელი აცხელებს წყალს თერმო-ელექტრო გამაცხელებლის (თეგ) საშუალებით. რაც უფრო მძლავრია გამაცხელებელი ელემენტი, მით მალე  ცხელდება წყალი. ელექტრული მოდელის უარყოფითი თვისება არის თეგ-ის სითბოს გაცემის ეფექტურობის დაქვეითება, ნალექის გარდაუვალი წარმოქმნის გამო. ამასთან საბრძოლველად დაგეხმარებათ სპეციალური მაგნიუმის ღერო, რომელიც მონტაჟდება გამაცხელებელთან ახლოს და ამცირებს მასზე ნალექის წარმოქმნას და ელექტროქიმიური ჟანგვის პროცესს. აუცილებელია მისი გამოცვლა წელიწადში ერთხელ, ასევე უნდა გაიწმინდოს ავზის შიგთავსი.

 

ელექტრო წყლის გამაცხელებელი არის დამგროვებელი და გამდინარე.

წყლის დამგროვებელი მოდელები უფრო ეკონომიურია, რადგანაც უფრო ნაკლებ ელ. ენერგიას ხარჯავენ. ამ მოდელების მნიშვნელოვანი უპირატესობა არის - ცხელი წყლით სარგებლობის საშუალება ბინის რამდენიმე წერტილში ერთდროულად. გაცხელებული წყლის მარაგი შესაძლებელია გამოიყენოთ აბაზანაში და სამზარეულოში ერთდროულად. რაც შეეხება უარყოფით თვისებებს, ეს პირველ რიგში წყლის შეზღუდული რაოდენობაა, ანუ თქვენ გააცხელებთ სწორედ იმდენ წყალს,  რამდენიც მოცემულ მომენტში არსებობს ავზში.

 

გამდინარე მოდელი - ხარჯავს მეტ ელექტროენერგიას, სამაგიეროდ თქვენ შეძლებთ წყლის გაცხელებას შეზღუდვის და  ლოდინის გარეშე. საკმარისია ჩართოთ ის და ონკანიდან ცხელი წყალი წამოვა. ასეთი მოდელები, ჩვეულებრივად, უფრო კომპაქტურია ვიდრე დამგროვებელი. მისი დამონტაჟება შეიძლება ყველგან, სადაც მოახერხებთ. აუცილებელია წინსაწარ გადაამოწმოთ, თუ როგორ სიმძლავრეზეა გათვლილი თქვენი სახლის ელექტრული ქსელი, რადგან ამ ტიპის წყლის გამაცხელებელი გამოირჩევა დიდი სიმძლავრით (5-დან 30 კვტ-მდე).

 

მოდელის არჩევისას წყლის ავზის დამონტაჟების ადგილი ასევე მნიშვნელოვანია. წინასწარ ჩამოყალიბდით, თუ სად გეგმავთ გამაცხელებლის განთავსებას. ამის საფუძველზეც აირჩიეთ ვერტიკალური, ან ჰორიზონტალური მოდელი.

 

 

2. გამაცხელებლის მოცულობა

ეს პარამეტრი ძალიან მნიშვნელოვანია წყლის დამგროვებელი გამაცხელებლის არჩევის შემთხვევაში. სათანადო მოდელის არჩევისას ნუ გამოეკიდებით მაღალ მაჩვენებელს, ჯობია წინასწარ გამოთვალოთ, რამდენი წყალი გინდათ და რა საჭიროებისთვის. ადამიანზე წყლის მოხმარების ნორმა მოიცავს დაახლოებით 50 ლიტრს - აქედან გამომდინარე უნდა აირჩიოთ გამაცხელებელი ოჯახის წევრების რაოდენობის მიხედვით.


სტანდარტულ ქალაქის ბინებში თქვენ არ დაგჭირდებათ ძალიან დიდი გამაცხელებელი: ჭურლის გასარეცხად სავსებით საკმარისია  10 ლიტრი წყალი, ხოლო შხაპისთვის 50 ლიტრი, იმისათვის რომ ავავსოთ აბაზანა ცხელი წყლით საჭიროა დაახლოებით 100 ლიტრი. ამ ხარჯების გათვალისწინებით უნდა შეარჩიოთ წყლის გამაცხელებელი ავზის მოცულობა, რომელიც მერყეობს 5-დან 300 ლიტრამდე.

 

არ დაგავიწყდეთ, რომ რაც უფრო დიდია გამაცხელებელი, მით მეტ ადგილს დაიკავებს ის და ასევე მეტ ელექტროენერგიას დახარჯავს. ამიტომაც, საჭიროა ოპტიმალური ვარიანტის შერჩევა ამ მაჩვენებლებს შორის. გარდა ამისა, წყლის მოცულობის გაზრდა შეიძლება ავტომატურად 2-ჯერ: რადგანაც პირის დასაბანად და ჭურჭლის გასარეცხად თქვენ გაცხელებულ წყალს გაანელებთ 70 0C-მდე.

 

 

3. წყლის გამაცხელებლის სიმძლავრე

სიმძლავრეს  დიდი მნიშვნელობა აქვს პირველ რიგში გამდინარე წყლის გამაცხელებლებისთვის, რადგანაც ისინი გათვლილია შეუწყვეტელ, ხანგრძლივ მუშაობაზე. ჩვეულებრივად, ეს მაჩვენებელი მერყეობს 5დან 30კვტ-მდე. რაც უფრო მაღალია წყლის გამაცხელებლის სიმძლავრე, მით უფრო ძლიერია ცხელი წყლის  ნაკადი თქვენი ონკანიდან. წყლის ავზებში ეს მაჩვენებელი, როგორც წესი,  1,2 - 3 კილოვატია.


არ დაგავიწყდეთ, რომ სიმძლავრე მოქმედებს, არა მარტო მუშაობის ეფექტურობაზე, არამედ გამაცხელებლის ელ. ქსელთან მიერთების შესაძლებლობაზე. პატარა სიმძლავრის მოდელებს შეუძლიათ მიიღონ ენერგია ჩვეულებრივი ქსელიდან 220 ვ. ხოლო გამაცხელებელი, რომლის სიმძლავრე 12კვტ-ზე მეტია, მოითხოვენ სამფაზიან მაღალვოლტიან დაკავშირებას.

 

ძირითადად გავრცელებულია წყლის ავზები ერთი გამაცხელებელი ელემენტით (თეგ), რომლის სიმძლავრეა 1,5 კვტ. არსებობს ასევე გამაცხელებელი, რომელსაც გააჩნია ,,TURBO" ღილაკი, რომლის საშუალებით შეგვიძლია გავზარდოთ სიმძლავრე 1-დან 2,5 კილოვატამდე, რაც თავის მხრივ ამცირებს გაცხელების დროს. მსგავსი ტიპის წყლის ავზების შიდა ზედაპირი დაფარულია მინაკერამიკის საფარით, რომელიც ინარჩუნებს წყილს სისუფთავეს.

 

გავრცელებულია ასევე მოდელები ორი გამაცხელებელი ელემენთით: 0,7 კვტ. და 1,3 კვტ. სიმძლავრით. ჯამში გვაძლევს 2 კილოვატს, რაც დაგეხმარებათ წყლის უფრო სწრაფად გაცხელებაში. ასეთი წყლის ავზები შეიძლება იყოს ბრტყელი და მრგვალი ტიპის. ბრტყელი ტიპის ავზი ნაკლებ ადგილს იკავებს და შეიძლება იყოს დისპლეით და ელექტრონული მართვით, ვერცხლისფერი და თეთრი. ასეთი ავზების შიდა ზედაპირი, როგორც წესი, უჟანგავი ფოლადისგანაა დამზადებული და გამოირჩევა მეტი გამძლეობით. ფასიც შედარებით მაღალია.

 

 

4. გაცხელების დრო

ეს პარამეტრი ახდენს წყლის გამაცხელებლის ეფექტურობის დემონსტრირებას. რაც უფრო მცირეა მაჩვენებელი, მით უკეთესად აცხელებს ის წყალს.  ეს მაჩვენებელი დამოკიდებულია ავზის მოცულობაზე და  სიმძლავრეზე.

 

როგორც წესი, იმისათვის რომ წყალი გააცხელოს 45 0C-მდე, სტანდარტულ წყლის გამაცხელებელს დასჭირდება 1-3 საათი. გამაცხელებელი 10 ლიტრის მოცულობით, შეძლებს წყლის გაცხელებას მაქსიმალურ ტემპერატურამდე (70-75 0C) სულ რაღაც ნახევარ საათში. ხოლო 200 ლიტრიან ავზს ამაზე დასჭირდება არანაკლებ 5 საათისა. თუ თქვენ აკეთებთ არჩევანს ერთნაირი მოცულობის მოდელებში, მაშინ ამოირჩიეთ უფრო მძლავრი - ის წყალს  უფრო სწრაფად გააცხელებს.

 

 

5. დამატებითი რეჟიმები

მუშაობის მოხერხებულობისთვის წყლის გამაცხელებლები აღჭურვილია რიგი დამატებითი ფუნქციებით და ავტომატური რეჟიმებით. ისინი დაგეხმარებათ, ხანგრძლივი დროის განმავლობაში შენარჩუნდეს საკმარისი წყლის ტემპერატურა, ასევე დაიცვას ის დაბინძურებისა და ბაქტერიებისაგან, იზრუნებენ გამაცხელებლის მუშაობის უსაფრთხოებაზე.


თუ თქვენ გეგმავთ წყლის გამაცხელებლის დამონტაჟებას აივანზე ან აგარაკზე, აუცილებლად მიაქციეთ ყურადღება გაყინვისგან დაცვის რეჟიმს. ასევე სასარგებლო ფუნქციაა უწყლოდ ჩართვისაგან დაცვა. ავტომატური ჩართვის და გამორთვის რეჟიმი. სწრაფი გაცხელების რეჟიმით (,,TURBO" ღილაკი) მიიღებთ ცხელ წყალს  სულ მოკლე დროში. კარგი თბოიზოლაცია  საშუალებას იძლევა დიდი ხნით შევინარჩუნოთ ცხელი წყალი, როცა ავზი გამორთულია.

 

რიგ მოდელებს გააჩნია ციფრული დისპლეი, რომელზეც ზუსტად გამოისახება წყლის ტემპერატურა.

 

 

სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ჭურჭლის სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი

საიტის სრული ვერსია