შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ ავარჩიოთ მტვერსასრუტი

1. ტიპები:

მტვერსასრუტის შერჩევისას ყურადღება უნდა მიაქციოთ როგორი ტიპის მტვერსასრუტი დაგჭირდებათ თქვენი ოთახის დასუფთავებისთვის. არსებობს დასუფთავების რამოდენიმე ვარიანტი (ტიპი): მშრალი, სველი და კომბინირებული დასუფთავება. დასუფთავების კონკრეტული მეთოდისთვის შექმნილია შესაბამისი ტიპის მტვერსასრუტი.

მტვერსასრუტები მშრალი დასუფთავებისთვის, როგორც წესი, კომპაქტურია და ადვილად მოსახმარი. გამოიყენება მყარი ზედაპირის (მაგ.: პარკეტის), ხალიჩების, რბილი და მყარი ავეჯის დასუფთავებისთვის, იქ სადაც პრაქტიკულად სისველე უკუნაჩვენებია.

სველი დასუფთავებისთვის მტვერსასრუტები გამოირჩევა უფრო რთული სისტემით, დიდი გაბარიტებით და შედარებით მაღალი ფასით, მაგრამ  მათი უპირატესობა არის დასუფთავების მაღალეფექტურობა. სველი დასუფთავება შესაძლებელია საკმარისი იყოს 1 კვირაში ერთხელ, მაშინ როცა მშრალი დასუფთავება თითქმის ყოველდღეა საჭირო.

სველი დასუფთავების მტვერსასრუტების  საშუალებით შეიძლება დავასუთავოთ სააბაზანო ოთახი, სამზარეულო სადაც მეტლახი და მგავსი ზედაპირია, რომელიც არ დაზიანდება წყლის ზემოქმედებით, ხალიჩები. ძირითადად ამ ტიპის მტვერსასრუტები გამოიყენება, როგორც სველი, ასევე მშრალი დასუფთავებისთვის. საჭიროა მხოლოდ სველი დასუფთავების შემდეგ გარეცხოთ და გააშროთ შესაბამისი დეტალები.

არსებობს მტვერსასრუტების ტიპები, რომელთა საშუალებით შესაძლებელია, როგორც მშრალი დასუფთავება, ასევე დაღვრილი სითხის მხოლოდ აღება. ასეთი მტვერსასრუტების მტვრის შემგროვებელი კონტეინერი, როგორც წესი, დიდი ზომისაა.

 

2. სიმძლავრე:

დასუფთავების მაღალი ხარისხის მისაღწევად მნიშვნელოვანი კომპონენტია სიმძლავრე, შეწოვის ძალა, რაც გასათვალისწინებელია  მტვერსასრუტის შერჩევისას. რაც უფრო მრავალფეროვანი და დიდია თქვენი სახლის დასასუფთავებელი ფართობი, მით უფრო მძლავრი მტვერსასრუტი დაგჭირდებათ, რადგან დაკმაყოფილებული იქნას თქვენი მოთხოვნები. ამავე დროს გასათვალისწინებელია ისიც, რომ სიმძლავრის ზრდასთან ერთად შესაძლოა გაიზარდოს ზომა და წონა, რათქმაუნდა ფასიც.

თანამედროვე მტვერსასრუტების უმეტესობას გააჩნია სიმძლავრის რეგულირების ფუნქცია, რაც საშუალებას მოგცემთ ოპტიმალურად გამოიყენოთ ენერგია სხვადასხვა ზედაპირის დასუფთავებისას. ძირითადად გავრცელებულია მტვერსასრუტები შეწოვის სიმძლავრით 300-500 ვტ. (ზოგიერთი ბრენდი სიმძლავრეს განსაზღვრავს ერთეულით ლიტრი/წამში). არის ბრენდები, რომლებიც არ მიუთითებენ უშუალოდ შეწოვის  სიმძლავრეს, მაგრამ ყველა მტვერსასრუტის სტიკერზე მითითებულია მაქსიმალური სიმძლავრე (საშუალო-1800-2000 ვტ. მაღალი-2500 ვტ.), რაც უფრო მაღალია ეს მაჩვენებელი, მით უფრო მეტია შეწოვის ძალა და შესაბამისად ელ. ენერგიის მოხმარება. აქვე უნდა ითქვას, რომ BOSCH-ის და SIEMENS-ის მტვერსასრუტების ზოგიერთ მაღალი კლასის მოდელში გამოყენებულია უახლესი ტექნოლოგია-CompressorTechnology, Long-Life Compressor. მტვერსასრუტები ასეთი ტექნოლოგიით გამოირჩევა ეკონომიურობით, მაღალი ეფექტურობით, დაბალი ხმაურის დონით. მაგ.: მტვერსასრუტები ტექნოლოგიით CompressorTechnology, რომელთა ელ. ენერგიის ხარჯია 1600-1800 ვტ. არაფრით ჩამოუვარდევა შეწოვის ძალით მსგავსი ტიპის მტვერსასრუტებს, მოცემული ტექნოლოგიის გარეშე, 2400 ვტ. სიმძლავრით.

გახსოვდეთ, რომ მტვერსასრუტის შეწოვის ძალა  (წარმადობა) მცირდება მტვრის შემგროვებელის შევსებასთან ერთად, ამიტომ საჭიროა მისი რეგულარული წმენდა.

 

3. მტვრის შემგროვებელი:

მტვრის შემგროვებელი შეიძლება იყოს: ერთჯერადი ტომარა, მრავალჯერადი ტომარა, "ციკლონური" კონტეინერი (ჭიქა).

ერთჯერადი ტომარა შეიძლება იყოს ქაღალდის, ან ტექსტილი (შედარებით მაღალფასიანი). ტევადობა განისაზღვრება ლიტრებში. ერთჯერადი ტომარა უფრო ჰიგიენურია, უკეთ ფილტრავს ჰაერს მტვრისაგან და ფაქტიურად არ გვაქვს შეხება მტვერთან. მინუსად შეიძლება ჩაითვალოს ის, რომ გავსების შემთხვევაში უნდა შევცვალოთ ახლით.

მრავალჯერადი ტომრის გამოყენებისას აუცილებელია დამატებითი ფილტრების არსებობა.

"ციკლონური" კონტეინერში ჰაერის დიდი ნაკადის გავლისას მტვერი გროვდება ისე, რომ ნაკლებად შეუშალოს ხელი ჰაერის მოძრაობას, ამიტომ კონტეინერის შემთხვევაში შევსებასთან ერთად წარმადობა უფრო ნელა იკლებს ვიდრე ტომრიანებში. უფრო ადვილად იწმინდება ვიდრე მრავალჯერადი ტომარა.

ზოგიერთი ბრენდი (BOSCH, SIEMENS და სხვა) გვთავაზობს კომბინირებულ მტვერსასრუტებს, რომლებშიც შეიძლება ჩვენი სურვილის მიხედვით გამოვიყენოთ ერთჯერადი ტომარა, მრავალჯერადი ტომარა, თუ კონტეინერი (ზოგიერთ მოდელში). გაითვალისწინეთ კონტეინერის გამოყენებისას ხმაურის დონე იმატებს.

"ციკლონურ" კონტეინერებში გამოიყენება სხვადასხვა ფილტრი. ზოგიერთ მაღალი კლასის მოდელებს გააჩნიათ კონტეინერის ფილტრის ავტომატური თვითწმენდა.

 

4. მტვერსასრუტის ფილტრები:

დიდი მნიშვნელობა აქვს ფილტრაციის სისტემას, რამდენად სუფთა ჰაერი გამოდის მტვერსასრუტიდან ოთახში. მტვერსასრუტის ეფექტურობას განსაზღვრავს, როგორც შეწოვის სიმძლავრე, ასევე ფილტრაციის სისტემა.

მტვერსასრუტში შესული ჰაერი გაივლის ჯერ მტვრის შემგროვებელში სადაც რჩება ძირითადი მტვერი, შემდეგ გაივლის ძრავის დამცავ ფილტრს (უმეტეს შემთხვევაში) და შემდგომ გამოსასვლელ ფილტრში იფილტრება საბოლოოდ.

ფილტრები შეიძლება იყოს: ქაღალდის, ტექსტილი, წყლის, ნახშირის, ფილტრი HEPA, ბიოფილტრი.

ნახშირის ფილტრი ეფექტურია ისეთ ოჯახებში სადაც არის შინაური ცხოველები, ფილტრავს ჰაერს სუნისაგან.

თანამედროვე მტვერსასრუტებში დიდი გამოყენება აქვს HEPA ფილტრს (HEPA 12, HEPA 13), რადგან ის ეფექტურად ფილტრავს ჰაერს მტვრის მიკრო ნაწილაკებისაგან თითქმის 100 %-ით და ამავე დროს არ საჭირობს ხშირ შეცვლას (შეიძლება შეიცვალოს 1-3 წელიწადში ერთხელ).

ასევე გვხვდება მტვერსასრუტები ორთქლის გენერატორით. ორთქლის საშუალებით ხდება გაწმენდა და დეზინფექცია.

 

5. ხმაურის დონე:

მნიშვნელოვანია მტვერსასრუტის ხმაურის დონე. განსაკუთრებით როცა ხშირად გიხდებათ სახლის დასუფთავება, ან გყავთ პატარა ბავშვები.

მტვერსასრუტის (როგორც სხვა ტექნიკის) ხმაურის დონე იზომება დეციბელებში. ნორმალურად ითვლება მტვერსასრუტები, რომელთა ხმაურის დონე არის 71-80 დბ. თუმცა არსებობს თანამედროვე მტვესასრუტები უფრო დაბალი ხმაურის დონით. (შედარებისთვის, ადამიანის ჩურჩულისას ხმაურის დონე დაახლოებით 40 დეციბელია).

 

6. გაბარიტები, ერგონომიულობა:

გასათვალისწინებელია ასევე ის ფაქტი, რომ მტვერსასრუტი მაღალი სიმძლავრით, დიდი მტვრის შემგროვებლით, დამატებითი აქსესუარებით და სხვა, შეიძლება იყოს დიდი ზომის. მვერსასრუტს ვიყენებთ ხშირად, ამიტომ უნდა გაგიადვილდეთ მისი შენახვა და გამოყენება. ამავე დროს პატარა, კომპაქტური მტვერსასრუტი შეიძლება ვერ აკმაყოფილებდეს თქვენს მოთხოვნებს.

თანამედროვე მტვერსასრუტების კომპლექტაციაში (ხშირ შემთხვევაში) შედის კომბინირებული აქსესუარი გადამრთველით იატაკი/ხალიჩა-გამოიყენება როგორც მყარი იატაკისთვის, ასევე ხალიჩების დასასუფთავებლად. ასევე აქსესუარი რბილი ავეჯისათვის, კუთხეებისა და მიუდგომელი ადგილებისთვის, ჯაგრისი მყარი ავეჯისთვის. ყოველივე ეს შესაძლოა გაერთიანდეს ერთ აქსესუარში 3 in 1, ან 4 in 1.

შესაძლოა თქვენთვის საჭირო აქსესუარი შეიძინოთ დამატებით, მაგ.: "ტურბო ჯაგრისი". ჩოთქები ტრიალებს ჰაერის ზემოქმედებით და ადვილად იღებს მტვერს, ცხოველის ბექვს, როგორც მყარი იატაკიდან, ასევე ხალიჩებიდან. მოსახერხებელია ისეთი ოჯახიებისთვის ვისაც სახლში ჰყავს ცხოველები.

გასათვალისწინებელია ასევე სადენის სიგრძე (მოქმედების რადიუსი), მისი იზოლაციის ხარისხი. ძირიტადად მტვერსასრუტების უმრავლესობას გააჩნია სადენის ავტომატური, ან ღილაკზე დაჭერით დახვევის ფუნქცია, რაც აადვილებს მტვერსასრუტის ექპლუატაციას.

 

7. დამატებითი ფუნქციები და მახასიათებლები:

თანამედროვე, უახლესი ტექნოლოგიებით შექმნილი მტვერსასრუტები შეიძლება იყოს მძლავრი (მაღალი შეწოვის ძალა) და ამავე დროს ჩუმი და ეკონომიური. ასეთი მტვერსასრუტები გამოირჩევა მაღალი ხარისხით და კომფორტულობით. გააჩნიათ ბევრი დამატებითი აქსესუარი (სხვადასხვა ზედაპირის დასუფთავებისთვის) და  დამატებითი ფუნქცია (მაგ.: კონტეინერის ფილტრის ავტომატური თვითწმენდა, სადენის ავტომატური დახვევა, სისტემა "Airflow control system" და სხვა).

მტვერსასრუტების უმრავლესობას გააჩნია მტვრის შემგროვებლის შევსების ინდიკატორი, რომელიც შეიძლება იყოს მექანიკური და ელექტრო (გასათვალისწინებელია, რომ ელექტრო ინდიკატორი ზრდის მტვერსასრუტის ფასს).

ზემოთჩამოთვლილი მონაცემების და მახასიათებლების გათვალისწინებით შესაძლებელია შეარჩიოთ თქვენთვის მისაღები მტვერსასრუტი.

 

სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ჭურჭლის სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ შევარჩიოთ გამათბობელი
როგორ ავირჩიოთ გაზქურის ზედაპირი
საიტის სრული ვერსია