შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ ავირჩიოთ ჭურჭლის სარეცხი მანქანა

 

1. ჭურჭლის სარეცხი მანქანის ზომა და მოცულობა.

ჭურჭლის სარეცხი მანქანის არჩევის დროს, უნდა გავითვალისწინოთ მისი ზომა და მოცულობა. ცალკე მდგომი ჭურჭლის სარეცხი მანქანები შეიძლება იყოს სრული ზომის (სტანდარტული), ვიწრო და კომპაქტური. სრული ზომის ცალკე მდგომი ჭურჭლის სარეცხი მანქანების სიგანე და სიღრმე დაახლოებით 60სმ-ია, სიმაღლე-85 სმ.  მათი ტევადობა ჭურჭლის 12-13 კომპლექტია. თუმცა არსებობენ  მოდელები 14  კომპლექტის ტევადობით.

 

ევროპული ნორმებიდან გამომდინარე, ჭურჭლის კომპლექტი შედგება 11 ნივთისგან.  სამი თეფშის, ფინჯანის, ბოკალი, დანა-ჩანგლის და სამი კოვზისაგან. ჭურჭლის სარეცხი მანქანის არჩევის დროს არ დაგავიწყდეთ რომ სამზარეულოში არის კიდევ სხვა ჭურჭელი, როგორიცაა მაგალითად ტაფა, ქვაბი და ა.შ.  სრული ზომის ჭურჭლის სარეცხი მანქანები საკმარისია ოჯახისთვის სადაც 3-4 ან უფრო მეტი ადამიანია.

 

ვიწრო ტიპის ჭურჭლის სარეცხის მანქანების სიგანე 45სმ, თუმცა სიმაღლე და სიღრმეც ისეთივე აქვს როგორც სრული ზომის მანქანას. გახსოვდეთ  ვიწრო ჭურჭლის სარეცხი მანქანის  შერჩევისას, რომ მოცულობაში  9-10 ჭურჭლის კომპლექტი მოთავსდება. ვიწრო ჭურჭლის სარეცხი მანქანები შესაფერისია პატარა ოჯახებისთვის (2-3 ადამიანისთვის) ან იმ შემთხვევაში თუ  ადგილი შეზღუდულია სამზარეულოში.

 

 კომპაქტური ჭურჭლის სარეცხი მანქანების სიგანე ჩვეულებრივ 55სმ (ზოგიერთი მოდელი-45 სმ). სიღრმე ასეთი მოდელების 50 სმ-ია, სიმაღლე კი-45 სმ. კომპაქტური ჭურჭლის სარეცხი მანქანის მოცულობა 4-6 ჭურჭლის კომპლექტია, ეს მოდელი შესაფერისია მარტოხელებისთვის ან ისეთი ოჯახებისთვისაც სადაც 2-3 ადამიანი ცხოვრობს (ისიც იმ შემთხვევაში თუ ხშირად არ სადილობენ  სახლში) კომპაქტური  ჭურჭლის სარეცხი მანქანის არჩევისას გახსოვდეთ რომ მისი დამონტაჟება შესაძლებელია სამზარეულო მაგიდაზე, ასევე სამზარეულო სათავსოებში.

 

 

2.  ჭურჭლის სარეცხის მანქანის დამონტაჟება, წყლის და ელექტრო ენერგიის ხარჯი

არსებობს ცალკე მდგომი და ჩასაშენებელი ჭურჭლის სარეცხი მანქანები. უნდა გაითვალისწინოთ აგრეთვე წყლის და ელ. ენერგიის ხარჯი. თანამედროვე ჭურჭლის სარეცხი მანქანები მოიხმარს 35 %-ით ნაკლებ ელ. ენერგიას და 55 %-ით ნაკლებ წყალს, ვიდრე მათი 15 წლის წინანდელი ანალოგები.

 

ჩასაშენებელი ჭურჭლის სარეცხი მანქანის შეძენის შემთხვევაში საჭიროა მოამზადოთ კარადა მითითებული ზომების დაცვით. ასეთი მანქანები ადვილად შეიძლება შეუხამოთ ავეჯს. ცალკე მდგომი ჭურჭ. სარ. მანქანები შეგიძლიათ შეარჩიოთ სხვადასხვა ფერის, ავეჯის მიხედვით.

 

სრული ზომების თანამედროვე ჭურჭლის სარეცხი მანქანები მოიხმარს  10-12 ლიტრ წყალს (შედარებით ძველი მოდელები-17 ლიტრს), ზოგიერთი მოდელის შემთხვევაში რეცხვის მთელი ციკლის ჩატარებისთვის საკმარისია 6,5 ლიტრი წყალი, ისინი ხარჯავენ ბევრად უფრო ცოტა წყალს, ვიდრე ეს ხდება ხელით რეცხვისას.

 

ელექტრო ენერგიის ხარჯი (ენერგოეფექტურობა) მნიშვნელოვანი მაჩვენებელია ნებისმიერი საყოფაცხოვრებო მოწყობილობისთვის, მათ შორის ჭურჭლის სარეცხი მანქანისთვის. ჭურჭლის სარეცხი მანქანების ენერგოეფექტურობას აღნიშნავენ ლათინური ასოებით A-დან G-მდე შესაფერისი კლასის მიხედთვით. A-კლასის მოდელები მუშაობის პროცესში ხარჯავენ ყევლაზე ნაკლებ ელექტროენერგიას (0,83-1,05 კვტ. ციკლზე), ძირითადად, ამჟამად გაყიდვაში წარმოდგენილია ენერგო ეფექტური ჭურჭლის სარეცხი მანქანები A და B კლასებით.

 

 

3. ჭურჭლის რეცხვის და საშრობის კლასები.

როდესაც ირჩევთ ჭურჭლის სარეცხ მანქანას, უნდა გაითვალისწინოთ რეცხვისა და შრობის ხარისხი. ეს მაჩვენებელიც აღინიშნება ლათინური ასოებით A-დან G-მდე. A კლასის მოდელები უზრუნველყოფს რეცხვის საუკეთესო შედეგს-ჭურჭლის იდეალურ სისუფთავეს. B კლასის ჭურჭლის სარეცხმა მანქანებმა შესაძლოა ჭურჭელზე დატოვონ მცირე ლაქები.


სასურველია ჭურჭლის სარეცხი მანქანიდან გამოღებული ჭურჭელი იყოს, არა მხოლოდ სუფთა, არამედ მშრალიც. ჭურჭლის სარეცხი მანქანის საშრობს აქვს კლასიფიკაცია (A და C).  A კლასის ჭურჭლის სარეცხი მანქანის საშრობი სრულფასოვნად აშრობს ჭურჭელს. B და C კლასის მოდელებით გამშრალ ჭურჭელზე შეიძლება  დარჩენილი იყოს რამოდენიმე წვეთი წყალი. უკვე არსებობს BOSCH-ის ბრენდის ჭურჭლის სარეცხი მანქანები ,,ცეოლიტით" (მინერალი, რომელიც შთანთქმულ სინესტეს გარდაქმნის სითბურ ენერგიად) შრობის ტექნოლოგიით, რომლებიც გამოირჩევა წყლისა და ელ. ენერგიის მოხმარების ეკონომიურობით და რეცხვის და შრობის მაღალი ხარისხით. ხარჯავს 0,83-0,97 კვტ. ელ ენერგიას და 6,5-10 ლიტრ წყალს რეცხვის მთელი ციკლის გავლისას.

 

 

4.რეცხვის პროგრამები

ძირითადად ჭურჭლის სარეცხ მანქანებს გააჩნია პროგრამები: სტანდარტული რეცხვა-65 0C; ეკონომიური-50 0C; წინასწარი რეცხვა (გავლება). ხშირად გვხვდება ასევე პროგრამა ,,სწრაფი რეცხვა", ძირითადად რეცხვა მიმდინარეობს 45 0C-ზე, ინტენსიური-70-75 50 0C. ძალზედ მოსახერხებელია ავტომატური რეცხვის პროგრამა. ასევე შეიძლება გააჩნდეს მრავალი დამატებითი პროგრამა.


სტანდარტული პროგრამით ირეცხება ყოველდღიური ჭურჭელი-თეფშები, ჭიქები და სხვა. ინტენსიური რეცხვის პროგრამა გამოიყენება ძირითადად ძლიერ დაბინძურებული და ცხიმიანი ქვაბების, ტაფების გასარეცხად. სწრაფი რეცხვა სხვადასხვა ჭურჭლის სარეცხ მანქანაში მოიცავს სხვადასხვა დროს (20-55 წთ.). თანამედროვე ჭურჭლის სარეცხ მანქანას შეიძლება გააჩნდეს ავტომატური რეცხვის რამდენიმე პროგრამა სხვადასხვა ტემპერატურული დიაპაზონით, იმისდა მიხედვით, თუ რა ტიპის ჭურჭელს ვრეცხავთ. ავტომატური პროგრამით რეცხვისას მანქანა თვითონ ირჩევს წყლის გაცხელების ოპტიმალურ ტემპერატურას დაბინძურების მიხედვით, ამიტომ ეკონომიურია.

 

არსებობს კიდევ სპეციალური დამატებითი  პროგრამები და ფუნქციები, მაგ: ჰიგიენური რეცხვა, ინტენსიური შრობა, რეცხვის დროის შემცირება, ½ რეცხვა, ინტენსიური ზონა (ზედა და ქვედა კალათში ირეცხება სხვადასხვა ტიპის ჭურჭელი  წყლის განსხვავებული ტემპერატურით და ჭავლით), სტარტის გადავადება და სხვა. ჭურჭლის სარეცხი მანქანის არჩევისას გადაწყვიტეთ, რომელი პროგრამები უფრო გჭირდებათ თქვენ ყოველდღიურ ცხოვრებაში.

 

 

5. ჭურჭლის სარეცხი მანქანის მართვა

თანამედროვე ჭურჭლის სარეცხი მანქანები შეიძლება იყოს ელექტრომექანიკური და მთლიანად ელექტრონული მართვით. პირველი როგორც წესი უფრო იაფია.


მართვის პანელზე, როგორც წესი, განთავსებულია მბრუნავი რეგულატორი (პროგრამების ასარჩევად), ღილაკები, მათ შორის დამატებითი ფუნქციის ასარჩევად და სხვადასხვა ინდიკატორი (რეცხვის ფაზის, წყლის მიწოდების შეფერხების, მარილისა და სავლები საშუალების ნაკლებობის და სხვა).

 

ჭურჭლის სარეცხ მანქანებს ელექტრონული მართვით ძირითადად გააჩნია ეკრანი (შესაძლებელია სენსორული). ეკრანზე მოცემული ინფორმაციაზე ორიენტირებით შესაძლებელია შევარჩიოთ რეცხვის პროგრამა, დრო და ტემპერატურა. როგორც წესი მოდელებს ელექტრონული მართვით გააჩნიათ სტარტის გადავადების ფუნქცია (მაქსიმუმ 24 საათამდე).   რეცხვისას ეკრანზე გამოისახება რეცხვის დამთავრებამდე დარჩელილი დრო.

 

 

6. უსაფრთხო ექსპლუატაცია

მწარმოებლები დიდ ყურადღებას უთმობენ ჭურჭლის სარეცხი მანქანის უსაფრთხო გამოყენებას. დღესდღეობით თითქმის ყველა ჭურჭლის სარეცხი მანქანა აღჭურვილია გაჟონვის საწინააღმდეგო დაცვის სისტემით  (Aquastop, aquaalarm, wetercontrol, aquablocksystem, ან waterproof).


შეცვლა. წყლის გადინების სისტემის მოქმედება ერტობლივად ემყარება წყლის სენსორებს,განსაკუტრებულ ვენტილებს,რომელიც მოიცავს მის მიწოდებას სანიაღვრეში. მნიშვნელოვანია რომ ჭურჭლის სარეცხი მანქანა იყოს სწორად დამონტაჟებული


წყლის მიმწოდებელი მილის დაზიანების, ან წყლის გაჟონვის შემთხვევაში, ავტომატურად ხდება წყლის მიწოდების გადაკეტვა იმ ჭურჭლის სარეცხ მანქანებში რომლებსაც გააჩნია აღნიშნული სისტემა. ასევე მნიშვნელოვანია კარის ბლოკირება რეცხვისას, რომ არ მოხდეს მაგ: ბავშვების მიერ კარის გაღება. მოდელები, რომლებსაც არ გააჩნიათ კარის ჩამკეტი სისტემა, კარის გაღებისას წყვეტენ მუშაობას, მაგრამ შესაძლოა ამ დროს ცხელი ორთქლი გამოვიდეს, რაც თავისთავად საფრთხის შემცველია.

 

 


სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი

საიტის სრული ვერსია