შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ ავირჩიოთ ქურა

 

1. ტიპები

ცალკე მდგომი ქურა ძირითადად სამი ტიპისაა: მთლიანად გაზის, მთლიანად ელექტრო და კომბინირებული (გაზი/ელექტრო).

 

გაზის ქურა

მთლიანად გაზის ქურის შემთხვევაში, როგორც ზედაპირი ასევე ქურის ღუმელიც მუშაობს გაზზე (აირზე). ქურა შეიძლება მუშაობდეს თხევად, ან ბუნებრივ აირზე (შესაძლებელია შეცვლა). გაზის ქურის ღუმელს შეიძლება გააჩნდეს, როგორც ქვედა წვა, ასევე ზედა გრილი (შესაძლებელია შამფურიც), ან მხოლოდ ქვედა წვა. ეს უკანასკნელი შედარებით იაფია.


გაზის ქურის ზედაპირი ძირითადად 4-კომფორიანია, რომელთაგან ერთი არის ეკონომიური კომფორა, რომლის სიმძლავრეა დაახლოებით 1 კვტ, ორი სტანდარტული კომფორა-1,7-1,9 კვტ. და ერთი დიდი კომფორა-3 კვტ. დიდი კომფორა შეიძლება იყოს ორმაგი, ან სამმაგი ალით, ე. წ. ,,Wok" კომფორა, რომლის სიმძლავრე შეიძლება იყოს 3,2-3,6 კვტ. ,,Wok" კომფორას გამოიყენება კერძის სწრაფად მოსამზადებლად, ასევე იდეალურია აღმოსავლური სამზარეულოსთვის, მაგ: ფლავის მოსამზადებლად. კომფორები უნდა შევარჩიოთ ჭურჭლის ძირის დიამეტრის მიხედვით.

 

ქურის ღუმელი მხოლოდ ქვედა წვით უფრო იაფია, მაგრამ თუ გჭირდებათ ზემოდან დაბრაწვის ფუნქცია, მაშინ უნდა შეარჩიოთ ღუმელი, რომელსაც აქვს ასევე ზედა გრილი. 

 

 

ელექტრო ქურა

მთლიანად ელექტრო ქურის (ზედაპირიც და ღუმელიც ელექტრო) შეძენის შემთხვევაში უნდა გაითვალისწინოთ, რომ ასეთი ტიპის ქურების ჯამური სიმძლავრე მაღალია და საჭიროებს სამზარეულოში მძლავრი სადენის დამონტაჟებას (კვეთა 4 მმ3). ძირითადად, გვხვდება ზედაპირები მინა-კერამიკის გოფრირებული ფირის მსგავსი გამაცხელებელი ელემენტით და ჩვეულებრივი-თუჯის გამაცხელებელი კომფორებით.


მინა-კერამიკის ზედაპირებში ძირითადად ჩამონტაჟებულია გოფრირებული ფირის მსგავსი გამაცხელებელი ელემენტი, რომელიც უფრო სწრაფად ცხელდება, ვიდრე თუჯის ელ. ქურა. ელ. ქურები სხვადასხვა დიამეტრის და სიმძლავრისაა, უნდა შეარჩიოთ ჭურჭლის დიამეტრის მიხედვით. დაუშვებელია ელ. ქურის დიამეტრი ჭურჭლის ძირის დიამეტრზე მეტი იყოს, მალე გამოვა მწყობრიდან. იდეალური ვარიანტია, როცა ემთხვევა ერთმანეთს ქურისა და ჭურჭლის ძირის დიამეტრი. თანამედროვე მოდელებს გააჩნია სიმძლავრის რეგულატორი, რაც მეტია დანაყოფი, მით უფრო ზუსტად შეარჩევთ თქვენთვის სასურველ ტემპერატურას. ქურები თუჯის ელ. კომფორებით უფრო იაფია და უფრო დიდი ხნით ინარჩუნებს ტემპერატურას. მინა-კერამიკის ზედაპირი უფრო ადვილად იწმინდება, უფრო სწრაფად ცხელდება და შეიძლება გააჩნდეს ელ. კომფორები ორმაგი და სამმაგი გაცხელების ზონით (სხვადასხვა დიამეტრის ჭურჭლისათვის).

 

ელექტრო ღუმელები უფრო მრავალფუნქციურია, ვიდრე აირზე მომუშავე და ტემპერატურის რეგულირებაც გაცილებით ადვილია. ელ. ღუმელი შეიძლება იყოს მულტიფუნქციური, ანუ გარდა ქვედა და ზედა გამაცხელებელი ელემენტებისა შეიძლება გააჩნდეს უკანა გამაცხელებელი (ტენი) და ვენტილატორი ცხელი ჰაერის თანაბრად განაწილებისათვის მთელს ღუმელში. ამ შემთხვევაში შესაძლებელია გამოცხობა 2-3 დონეზე ერთდროულად. ასევე არის მოდელები ტაიმერით, სადაც შესაძლებელია მომზადების დროის მითითება და ზოგ შემთხვევაში სტარტის გადავადება.

 

 

კომბინირებული ქურა

კომბინირებული შეიძლება იყოს როგორც ზედაპირი, ასევე ღუმელი. ზედაპირზე შეიძლება იყოს ელექტრო და გაზის კომფორების კომბინაცია. კომბინირებული ღუმელის შემთხვევაში ძირითადად ქვედა წვა არის გაზის, ხოლო ზედა გრილი-ელექტრო.

 

 


კომბინირებული ქურები მოსახერხებელია ექსპლუატაციისას, რადგან ენერგიის წყაროდ შეგიძლიათ  გამოიყენოთ აირი ან ელექტრო ენერგია. უფრო ხშირად გვხვდება ქურის ზედაპირი ერთი ელექტრო და სამი გაზის კომფორით, ასევე შეიძლება იყოს ორი ელექტრო და ორი გაზის. კომბინირებულ ღუმელებში ხშირად გვხვდება დამატებითი აქსესუარი შამფური, რომელიც გამოიყენება ხორცის დიდი ნაჭრების, ფრინველის ხორცის, თევზის და სხვა გემრიელი კერძის მოსამზადებლად. დიდი მნიშვნელობა აქვს ასევე ღუმელის შიდა საფარს. ისეთი ბრენდების მოდელებში, როგორიცაა BOSCH, SIEMENS, GORENJE გამოიყენება მაღალი ხარისხის ემალი, რომელის ადვილად იწმინდება, ირეკლავს სითბოს, რომელიც რჩება ღუმელში, ამიტომ ეკონომიურია.

 


 


2. ქურების გაბარიტები და მოცულობა


ქურის სიმაღლე სტანდარტულია და დაახლოებით 85 სმ-ს უდრის, სიგანე ძირითადად 60 და 50 სანტიმეტრია, არსებობს მოდელები 90-100 სმ სიგანით, სიღრმე 60 სმ, იშვიათად 50 სმ. ღუმელი იზომება მოცულობის მიხედვით, მოცულობა შეიძლება იყოს 65 ლიტრი და მეტიც.

 

თანამედროვე ქურის სიმაღლე შეიძლება ვარეგულიროთ რეგულირებადი ფეხების საშუალებით, ხოლო სიგანე უნდა შეარჩიოთ თქვენი სამზარეულოს ფართის და თქვენი სურვილის მიხედვით. განიერ ზედაპირზე უფრო მეტი სხვადასხვა სიმძლავრის კომფორებია და დიდი ზომის ჭურჭლის მოთავსებაა შესაძლებელი. დიდი ზომის ღუმელში შესაბამისად დიდი ლანგრებია მოთავსებული, რაც მოსახერხებელია მაგალითად დიდი ზომის ნამცხვრის ფირფიტების გამოსაცხობად.

 

 


3. ქურის სამუშაო ზედაპირის მასალა


ქურის არჩევის დროს აუცილებელია ყურადღება  მივაქციოთ, რა მასალისაგან არის დამზადებული ქურის სამუშაო ზედაპირი. არსებობს რამდენიმე გავრცელებული ვარიანტი, რომლებიც განსხვავდებიან ფასით და  ხარისხით. ყველაზე გავრცელებულია  მომინანქრებული (ემალირებული), ლითონის (უჟანგავი ფოლადი, ალუმინის შენადნობი) და მინა-კერამიკის ზედაპირები.

 

ყველაზე გავრცელებულია მომინანქრებული ზედაპირი. მას გააჩნია მაღალი ჰიგიენური მახასიათებლები, ის ძალიან ადვილი გასაწმენდია. გარდა ამისა  მომინანქრებული ზედაპირი შესაძლებელია იყოს სხვადასხვა ფერის. ხოლო  მინუსი მისი იმაში მდგომარეობს  რომ, მინანქარი  უფრო ადვილად ზიანდება ვიდრე სხვა მასალები. 

 


Top of Form


უჟანგავი ფოლადის ზედაპირი შედარებით ძვირია, მაგრამ მისი გაწმენდა ადვილია, ამასთან ერთად, როგორც დასახელებაშია მითითებული, ის არ განიცდის კოროზიას. ქურის სამუშაო ზედაპირი რომელიც დამზადებულია ალუმინის შენადნობისგან ექვემდებარება სპეციალურ დამუშავებას, არ განიცდის დეფორმაციას და მოითხოვს მინიმალურ დაცვას. ჩამოთვლილი ვარიანტები- ეს არის ე.წ ტრადიციული ტიპის სამუშაო ზედაპირი. ისინი აღჭურვილია მოსახსნელი თუჯის ან მომინანქრებული რკინის სადგამებით. სექციებად დაყოფილი სადგამები ბევრად მოსახერხებელია ვიდრე მთლიანი, რაგდან მათი გაწმენდა ან გარეცხვა ჭურჭლის სარეცხ მანქანებში ბევრად იოლია. თუჯის სადგამები მძიმეა, მაგრამ ბევრად პრაკტიკული ვიდრე რკინის. ისინი წლების განმავლობაში ინარჩუნებენ მეტალის უნაკლო ფორმას და ხარისხს, არ იცვლის ფერს.  ბოლო დროს გავრცელდა ქურები მინა-კერამიკის ზედაპირით, რომელიც გამოირჩევა დახვეწილი დიზაინით, ადვილად იწმინდება და არ განიცდის ,,თერმო შოკს". მაგრამ უნდა ვიყოთ ყურადღებით, არ მიიწვას კერძი, განსაკუთრებით ტკბილი, სრაფად უნდა მოვწმინდოთ.  


 

 


5. დამატებითი ფუნქციები


სხვადასხვა დამატებიტი ფუნქცია შეიძლება გააჩნდეს გაზის ქურას და გაცილებით მეტი ელექტრო ქურას. ქურებს ელექტრო ღუმელით შეიძლება ჰქონდეს სხვადასხვა თვითწმენდის ფუნქცია, მათ შორის ერთ-ერთია პიროლიტიკური თვითწმენდა, რომელიც როგორც წესი მაღალი ხარისხის და ძვირადღირებულ ქურებს შეიძლება გააჩნდეს.

 

გაზის ქურების ერთ-ერთ დამატებით ფუნქციას წარმოადგენს ე. წ. გაზ-კონტროლის სისტემა, რომელიც ძალზედ პრაქტიკულია. სისტემა ავტომატურად გადაკეტავს გაზის მიწოდებას მოულოდნელი ალის ჩაქრობის შემთხვევაში. ასეთი ფუნქციები გააჩნია  კომფორებს, ან ღუმელებს, მაგრამ ყევლაზე საუკეთესო ვარიანტია, როცა გაზ-კონტროლი აქვს ყველა ქურის ყველა კომფორას და ღუმელს. თქვენი სამზარეულო საიმედოდაა დაცული, მაშინაც კი, როცა ცეცხლი შემთხვევით ჩაქრება, მაგალითად ორპირი ქარის შემთხვევაში, ან რძის გადმოსვლის დროს.

 


ელექტრო ანთების სისტემა ასევე ძალზე სასარგებლოა და პოპულარული. ელექტრო ანთება შეიძლება იყოს ჩვეულებრივი და ავტომატური. პირველ შემთხვევაში საკმარისია მოვაბრუნოთ კომფორას სიმძლავრის გადამრთველი, ხოლო შემდეგ დავაწვეთ აალების ღილაკს. ავტომატური რეჟიმი უფრო მარტივია, ანთება ხდება პირდაპირ გადამრთველის მობრუნების დროს. ეს ფუნქცია ძალზე მნიშვნელოვანია და უგულებელყოფს ასანთის და სანთებელას გამოყენებას.

 


ქურები ელექტრო ღუმელით უფრო მრავალფუნქციური შეიძლება იყოს, ვიდრე გაზის ღუმელით. მაგ: 3D კონვექციისას შესაძლებელია 2-3 დონეზე ერთდროულად გამოცხობა, ან კიდევ არსებობს ე. წ. პიცის ფუნქცია, ეს არის 3D კონვექციას დამატებული ქვედა გამაცხელებელი ელემენტი, ფუნქცია იდეალურია პიცის მოსამზადებლად.

 


სირთულეს არ წარმოადგენს ისეთი ღუმელის გაწმენდა, რომელსაც გააჩნია პიროლიტიკური, ან აქტიური თვითწმენდა. ამ დროს გამოიწვება ღუმელი მაღალ ტემპერატურაზე (480-500 0С), ღუმელის კედლებზე არსებული ცხიმები და ნარჩენები დაიფერფლება და ღუმელი ახალივითაა. კატალიტიკური თვითწმენდის დროს ღუმელის კედელზე, ან კედლებზე მოთავსებულია სპეციალური საფარით დაფარული ფირფიტა, რომელიც შთანთქავს მასზე მოხვედრილ ცხიმს.

 


არსებობს ღუმელები კარის ორმაგი თბოიზოლაციით და სამმაგი მინის ფენით. ასეთი კარი გრილია (45-50 0C) მაშინაც კი, როცა ღუმელში ტემპერატურა 200 0C-ს აღწევს.

 


გაზის ქურას ექსპლოატაციისას მოხერხებულობას  უმატებს ტელესკოპური მიმართვები. მათი დახმარებით შესაძლებელია ლანგარი იოლად გამოვიღოთ 2/3-ზე მაგ: კერძის მომზადების დონის შემოწმებისას, ისე რომ არ ჩამოგვივარდეს.

 

 


 
სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ჭურჭლის სარეცხი მანქანა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი

საიტის სრული ვერსია