შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ ავირჩიოთ სარეცხი მანქანა

 

1. გაბარიტები და ტიპები ჩატვირთვის მიხედვით

პირველი რაზეც უნდა დაფიქრდეთ, სარეცხი მანქანის არჩევის დროს ეს არის ადგილი სადაც უნდა მოათავსოთ სარეცხი მანქანა, თქვენი მოსათავსებელი სივრცის შესაძლებლობების მიხედვით აირჩიეთ: სტანდარტული, ვიწრო და კომპაქტური სარეცხის მანქანები. ასევე მნიშვნელოვანია სარეცხი მანქანის ტიპის გარკვევა: ფრონალური ან ჰორიზონტალური ჩატვირთვით.


სარეალიზაციო ბაზარზე ტრადიციულად ითვლება ფრონტალური ჩატვირთვის სარეცხი მანქანები, სიგანით და სიღრმით 60 სმ. მაგრამ ყველა ბინაში ასეთი სარეცხი მანქანის განთავსება შეუძლებელია, ამიტომ იწარმოება სარეცხი მანქანები სტანდარტული სიგანით და შემცირებული სიღრმით.

 

არსებობს კომპაქტური სარ. მანქანები ფრონტალური ჩატვირთვით, რომელთა გაბარიტები (სიმაღლე, სიგანე, სიღრმე) შემცირებულია, ამ ტიპის სარეცხი მანქანები აგვარებენ ადგილის პრობლემას, მაგრამ შესაბამისად გამოირჩევიან მცირე ტევადობით.  ბევრი ირჩევს ფრონტალური დატვირთვის მანქანებს, დაკვირვების შესაძლებლობის მიზნით, ვიზუალურად თვალყური ადევნონ რეცხვის პროცესს. სამზარეულოში სარეცხი მანქანა ფრონტალური ჩატვირთვით ადვილად თავსდება სამზარეულო ავეჯთან ერთად, იმის გათვალისწინებით, რომ კარის გაღებისას (ჩატვირთვის ან სარეცხის ამოღების დროს) არ შეგვექმნას დაბრკოლება. ასევე ყურადღება მიაქციეთ ლუქის დიამეტრს, რაც უფრო დიდია დიამეტრი მით უფრო ადვილია თეთრეულის მოთავსება და გამოღება. თუ ფრონტალური ჩატვირთვის ტიპის არცერთი სარეცხი მანქანა არ გაკმაყოფილებთ, მაშინ შეარჩიეთ მანქანები ვერტიკალური ჩატვირთვით, რომელთა სიგანე ძირითადად 40 სანტიმეტრია (იშვიათად 45 სმ) და სიღრმე 60სმ. თეთრეულის ჩატვირთვა ხდება ზედა მხრიდან, ამიტომ აღარ არის საჭირო დამატებითი ადგილის გათვალისწინება. მეტ წილად მანქანებს ზედა ჩატვირთვით  ათავსებენ სააბაზანო ოთახში, ზოგჯერ სამზარეულოშიც. ამ ტიპის მანქანების კიდევ ერთი უპირატესობაა ისიც, რომ თეთრეულის მოთავსების და ამოღებისაას, ფაქტობრივად, არ გიწევთ დახრა.

 

 

2. ჩატვირთვის მოცულობა.

სარეცხის მანქანის ყიდვამდე ასევე უნდა განსაზღვროთ ჩატვირთვის მოცულობა (ტევადობა). თუ ერთ პიროვნებაზე ან ახალგაზრდა წყვილზე გავთვლით, მაშინ საკმარისი ტევადობაა 3-4 კგ, ხოლო ოჯახისთვის სადაც ბავშვები არიან,  საჭიროა სარეცხი მანქანა 4,5-5 კგ. ტევადობით. იმ შემთხვევაში თუ ოჯახი ხუთ ადამინზე მეტისაგან შედგება, მაშინ საჭიროა 6-8 კგ. ტევადობის სარეცხი მანქანა.


როგორ გავარკვიოთ მაგალითად რა მოცულობის იქნება  5 კგ თეთრეული? შეიძლება ორიენტაცია გავაკეთოთ იმაზე დაყრდნობით რომ 5-კგ ბამბა-ეს დაახლოებით უდრის 3-4 კომპლექტს თეთრეულისა, აირჩიეთ დოლურა ოპტიმალური მოცულობის ჩატვირთვით, თუ მოცულობა იქნება თვენ მოთხოვნაზე ნაკლები, მაშინ  დაგჭირდებათ სარეცხი მანქანის ხშირად გამოყენება  და შესაბამისად დენის და წყლის ზედმეტი ხარჯვა. თუ შეიძენთ სარ. მანქანას იმაზე მეტი მოცულობის ვიდრე გჭირდებათ, შესაძლებელია 1 კგ. სარეხის გარეცხვა, მაგრამ წყლის და ელ. ენერგიის ხარჯი იქნება მეტი, ვიდრე პატარა მოცულობის სარ. მანქანის შემთხვევაში. დიდი მოცულობის სარეცხი მანქანა  სჭირდებათ იმათ ვისაც სისტემატიურად აქვთ დიდი რაოდენობის თეთრეული და ხშირად უწევთ რეცხვა: ბალიშები, გადასაფარებლები 5კგ. მანქანებში უბრალოდ არ ჩაეტევა.

 

 

3. გაწურვის ბრუნების რაოდენობა

თუ ადრე მანქანებს ირჩევდნენ ბრუნების სიხშირის მიხედვით გაწურვისას (შესაბამისად, რაც მეტია მით უკეთესი) ამჟამად ეს მაჩვენებელი აღარ არის მთავარი. თანამედროვე სარ. მანქანებში ეს მაჩვენებელი ვარირებს 800 დან 1200 ბრუნამდე წუთში, რაც საკმარისია უმეტესობა თეთრეულის გასაწურად.


გაწურვის ბრუნის რიცხვი წუთში გვაჩვენებს რამდენად ტენიანი იქნება თქვენი თეთრეული, იმის შემდეგ, რაც გამოიღებთ თეთრეულს მანქანიდან. ამ მაჩვენებელთან პირდაპირაა დაკავშირებული დარჩენილი ტენიანობის მაჩვენებელი, რაც უფრო ნაკლებია ტენიანობა, მით უფრო მალე გაშრება თეთრეული. დღეისთვის მინიმალური მაჩვენებელი დარჩენილი ტენიანობის (43%) და ყველაზე დიდი გაწურვის სიჩქარე 2000 ბრუნია წუთში. ასეთი მაღალი ბრუნით გაწურვისას თეთრეული არა მარტო ნაკლებად ტენიანია, არამედ ამ დროს გამოიდევნება თეთრეულიდან ფხვნილის მიკრო ნაწილაკებიც, მაგრამ არ უნდა დაგვავიწყდეს, რომ შესაძლოა თეთრეული დაზიანდეს. კარგია თუ სარეცხ მანქანას ექნება გასაწური ბრუნების შესაბამისი რეგულირების ფუნქცია, მისი დახმარებით თქვენ შეძლებთ დაწიოთ ბრუნების  რიცხვი, მაგალითად ნაზი ქსოვილების გასაწურად. ძირითადად სარ. მანქანებში შესაძლებელია ბრუნის გათიშვა და ზოგ შემთხვევაში წყალში ჩატოვება.

 

 

4. რეცხვის, წურვის და ენერგო მოხმარების კლასები

დიდი ხანია მუშაობს ევროკავშირის მიერ შემუშავებული კლასიფიკაცია, რომელიც სპეციალური ტესტების საშუალებით აფასებს სარეცი მანქანების ეფექტურობას. სარ. მანქანა ფასდება სამი პარამეტრით: ელ. ენერგიის მოხმარებით, გარეცხვის ხარისხით და გაწურვის ხარისხით. სარეცხი მანქანების თითოეულ პარამეტრს ენიჭება კლასები: A-დან G-მდე, A კლასი შეეფერება ყველაზე მაღალი ხარისხის მაჩვენებელს. ენერგო მოხმარების კლასისთვის 2002წ. შემოღებული იქნა უმაღლესი კლასის მაჩვენებელი-A+.

 

ეს კლასიფიკაცია შემოღებული იქნა 1995წ. და ვრცელდება სარეცხ მანქანებზე, რომელებიც გაყიდვაშია  ევროკავშირის ქვეყნებში. სარეც მანქანებს კლასები ენიჭებათ სერიოზული გამოცდების გავლის შემდეგ და მათ შეიძლება თავისუფლად ვენდოთ ნივთის არჩევის დროს. მაგრამ მაღაზიებში შეიძლება შეგვხვდეს ისეთი სარეცხი მანქანები, რომლებიც არ არიან შეფასებულები ამ კლასიფიკაციით. სარეცხ მანქანებზე კლასის აღმნიშვნელი ეტიკეტის არქონა, არ ნიშნავს იმას რომ მანქანა დაბალი კლასისაა, უბრალოდ ისინი არ არის გათვალისწინებული ევრო კავშირში გასაყიდად.

 

ენერგო მოხმარების საუკეთესო მაჩვენებლები თანამედროვე სარეცხ მანქანებში მიღწეულია ძირითადად გარეცხვის პროგრამების ოპტიმიზაციის ხარჯზე. მაგალითად ძალიან დაბინძურებული თეთრეულის გასარეცხად 90 გრადუსზე C კლასის მანქანებს სჭირდებათ მეტი დრო, ვიდრე A კლასიის მანქანებს, ამასთან თქვენ ეკონომიას უკეთებთ არამარტო დროს, არამედ ელექტროენერგიასაც.

 

 

5. პროგრამები და ფუნქციები

არსებობს გარეცხვის პროგრამების ოთხი ტიპი, რომლებიც,  ფაქტობრივად,  გვხდება ყველა სარეცხ მანქანაში. ეს არის ბამბის და სელის ნაწარმის რეცხვა, სინთეტიკის ნაწარმის რეცხვა, დელიკატური  ნაწარმის რეცხვა და შალის რეცხვა. ამის საფუძველზე  იქმნება ნებისმიერი ნაწარმის ოპტიმალური რეცხვის დამატებითი პროგრამები.

 

ყველა მწარმოებელს აქვს ასეთი პროგრამების თავისებური კომპლექტი-აირჩიეთ თქვენი სურვილისამებრ. ზოგს ჭირდება" საბავშო რეჟიმი",  ზოგს „ჯინსი",  ზოგს „ფეხსაცმლის რეცხვა" და ა.შ..  შეიძლება თვენ არ ეძებთ კომპრომისებს და თქვენ გჭირდებათ მანქანა მაქსიმალურად შესაძლებელი პროგრამების კრებულით?


ხელით რეცხვის პროგრამა

ერთერთი ყველაზე სასარგებლო პროგრამებიდან, რომლებიც გვხვდება სარეცხ მანქანებში-პროგრამა "ხელით რეცხვა", რომელშიც ნებადართულია ამ მარკირების "გარეცხეთ მხოლოდ ხელით" მქონე ნივთების რეცხვა. ზოგიერთ მწარმოებლებს აქვს ხელით რეცხვის პროგრამები მხოლოდ ბამბის და აბრეშუმისთვის. სარეცხ მანქანებში ხელით რეცხვის პროგრამით რეცხვისას შერჩეულია დოლურას სპეციალური ბრუნვის რიტმი და წყლის გაცხელების ოპტიმალური ტემპერატურა (მაქსიმალური 40 გრადუსი და საშუალო 30 გრადუსი).

 

სწრაფი რეცხვა

რეცხვის მოკლე ციკლი (დაახლოებით 30 წუთი, ზოგ შემთხვევაში 15, 17 წუთი) ერთ-ერთი ყველაზე გამოყენებადი პროგრამაა და ეს პროგრამა გვხდება ყველაზე უბრალო მოდელებშიც. პოგრამა შეიძლება იყოს სხვადასხვა დასახელების: „სწრაფი რეცხვა" „მინი პროგრამა" „დაჩქარებული რეცხვა".  ეს გათვლილია მცირე რაოდენობის ნაკლებად დაბინძურებული თეთრეულისთვის.

 

,,უთოს რეჟიმი"

რიგ სარეცხ მანქანებს გააჩნია დამატებითი ფუნქცია ,,უთოს რეჟიმი", ,,ანტი-დაკუჭვა", ,,ნაკეცებისაგან დაცვა" (სხვადასხვა მწარმოებელი იყენებს სხვადასხვა დასახელებას). რეცხვის დამთავრებისას მისი რეალიზება სახვადასხვა ხერხებითაა შესაძლებელი. ძირითადად ეს ხდება ბრუნის შემცირების ხარჯზე, წურვისას ბრუნის ციკლის სპეციალური შერჩევით და სხვა. რაც აადვილებს შემდგომში თეთრეულის გაუთოვებას.

 

ძალიან დაბინძურებული თეთრეულის რეცხვის პროგრამები

არსებობს პროგრამები რომლებიც განკუთვნილია ძალიან დაბინძურებილი თეთრეულის რეცხვისათვის და ლაქების ამოსაყვანად. ,,ჩალბობა" საშუალებას გვაძლევს თეთრეული სარეცხ საშუალებასთან ერთად წყალში დავტოვოთ რამდენიმე საათის განმავლობაში, ამასთან ერთად თეთრეული პერიოდულად და ავტომატურად ირევა ერთმანეთში. ასევე არსებობს ინტენსიური რეცხვის პროგრამა, რომელიც განკუთვნილია ასევე ძლიერ დაბინძურებული თეთრეულის გასარეცხად. ,განკუთვნილია ძველი ლაქების ამოსაყვანად მშრალი ლაქა-გამომყვანების საშუალებებით. ,,წინასწარი რეცხვა" დამატებითი პროგრამის გააქტიურებისას სარეცხ საშუალებას (დაახლოებით მესამედს) ვყრით ასევე სპეციალურ განყოფილებაში. ძირითადი რეცხვის წინ ხდება თეთრეულის დამუშავება, წინასწარ გარეცხვა.

 

ენზიმური ფაზა

ენზიმური ფაზა გააჩნია ბევრი ბრენდის სარ. მანქანას, (მაგ: Gorenje-ს ყველა სარეცხ მანქანას გააჩნია ენზიმური ფაზა). ის ითვალისწინებს რეცხვას 40 0С ტემპერატურაზე დაახლოებით 15 წუთის განმავლობაში (ეს დრო საჭიროა ბიოფერმენტების ენზიმების გასააქტიურებლად) შემდგომ გაგრძელდება რეცხვა მითითებულ ტემპერატურაზე. ასეთ ბიოდანამატებს შეიცავს ბაზარზე არსებული სარეცხი საშუალების უმრავლესობა. ენზიმები დაბალ ტემპერატურაზე არ აქტიურდებიან, ხოლო მაღალ ტემპერატურაზე კვდებიან, ოპტიმალური ტემპერატურაა 40 0С. ბიოდანამატებიანი სარეცხი საშუალების დახმარებით, ძალიან კარგად ირეცხება ორგანული წარმოშობის ლაქები (სისხლი, სოუსები, ცხიმიანი ლაქები) და თეთრეული მზადდება სტანდარტული რეცხვის ციკლისთვის. დადებითი თვისებების მიუხედავად ისინი საშიშია აბრეშუმის და შალის ქსოვილისთვის.

 

რეცხვის პროცესის კონტროლის  ელექტრონული  სისტემები

სარეცხ მანქანებში კონტროლის ელექტრონული სისტემების დასახელება გვხვდება სხვადასხვა სახელებით: fuzzy control, logic control, Fuzzu logic, მათი დახმარებით ხდება რეცხვის პროცესის მართვა. სარეცხი მანქანა სპეციალური სენსორების მეშვეობით აკონტროლებს რეცხვის დროს მიმდინარე პროცესებს და  რეაგირებს მათზე. ეს არის რეცხვის პროცესის კონტროლის კომპლექსური სისტემა, ის მოიცავს სხვადასხვა სახის ფუნქციებს, მაგალითად, როგორიცაა წყლის დონის ავტომატური კონტროლი, გაწურვის დისბალანსის რეგულირების ფუნქცია, ქაფიანობის კონტროლი და სხვები. მომხმარებლისთვის მანქანაში არსებული პროცესის კონტროლის ელექტრონული სისტემა დიდი პლიუსია. მანქანა თავად უკეთებს კორექტირებას პროცესს თეთრეულის ტიპის და რაოდენობის მიხედვით, არეგურილებს წყლის ხარჯს და გავლების დროს, გამორიცხავს წურვის დროს დისბალანს. ამით მიიღწევა რეცხვის საუკეთესო რეზულტატი და უმცირესი დანახარჯები თქვენი ჩარევის გარეშე.

 

წყლის დონის ავტომატური რეგულირება

წყლის დონის ავტომატური რეგულირების  ფუნქციის დახმარებით, თვენი სარეცხი მანქანა გააკონტროლებს წყლის მოცულობას მასში ჩატვირთული თეთრეულის მოცულობის მიხედვით. როგორ განსაზღვრავს მანქანა თეთრეულის მოცულობას? სარეცხი მანქანის უმეტეს მოდელებში თეთრეულის მასა განისაზღვრება მასში შეწოვილი წყლის რაოდენობით, რაც უფრო მეტია თეთრეული მით უფრო მეტ წყალს შეიწოვს და პირიქით. სუფთა სახით ავტომატური აწონვა რეალიზებულია მხოლოდ პრემიუმ კლასის მოდელებში. ეს ფუნქცია საშუალებას გაძლევს ოპტიმიზაცია გაუკეთოთ წყლის და ელ. ენერგიის  ხარჯს (აქტუალურია მათთვის ვისაც აქვს წყლის მრიცხველები).

 

დისბალანსის კონტროლის სიტემა

დისბალანსის კონტროლის სისტემა გვხვდება უმეტეს სარეც მანქანებში. გადახლართული სარეცხი შესაძლოა დაგროვდეს დოლურას ერთ მხარეს, რაც გამოიწვევს დისბალანსს წურვისას და შესაბამისად ვიბრაცია და ხმაურის დონე მატულობს. დისბალანსის კონტროლის სისტემა შეაჩერებს წურვის პროცესს და რევერსული მოძრაობის ხარჯზე გადაანაწილებს სარეცხს დოლურაში, რის შემდეგაც გააგრძელებს წურვას. თუ თეთრეული არ გადანაწილდა წურვის ბრუნი შემცირდება ან საერთოდ შეჩერდება, რათა არ დაზიანდეს სარეცხი მანქანა.

 

ქაფიანობის კონტროლი

ქაფის წარმოქნის კონტროლის სისტემა საჭიროა იმისათვის, რომ არ დავუშვათ მანქანის დაზიანება სარეცხი საშუალებების გადაჭარბებით დოზირების, ან შეცდომის შემთხვევაში. ზედმეტი ქაფისაგან გათავისუფლება უმეტეს შემთხვევაში ხდება საკმაოდ მარტივი წესით-მანქანა რთავს დამატებით გავლების ციკლს.

 

სტარტის გადავადება

სტარტის გადავადება (რეცხვის დაწყების, ან დამთავრების დროის გადავადება) გააჩნია ბევრ სარ. მანქანას (სხვადასხვა დროით, მაქსიმუმ 24 საათით). ფუნქცია ხელს გვიწყობს ჩვენთვის მოსახერხებელ დროს გადავიტანოთ რეცხვა. ეს ფუნქცია აქტუალურია იქ სადაც მოქმედებს ორტარიფიანი ან სამტარიფიანი ელექტროენერგიის მრიცხველები (მაგ: ტარიფი ელ. ენერგიაზე ღამის საათებში დაბალია). თქვენ შეგიძლიათ რეცხვის დრო დაგეგმოთ ისე, რომ მანქანამ რეცხვა დაამთავროს თქვენი გაღვიძების დროს.

 

თანამედროვე სარეცხ მანქანებს გააჩნია რიგი დამატებითი ფუნქციებისა, რომლებიც უნდა შეარჩიოთ სურვილის მიხედვით.

 

 

6. მართვა

ძირითადად სარეცხი მანქანები იყოფა ორ ტიპად: მექანიკური (მოძველებული მოდელები) და ელექტრონული მართვით. თავის მხრივ სარ. მანქანები ელექტრონული მართვით იყოფა ქვეტიპებად: მართვა ღილაკებით და მექანიკური გადამრთველით, ღილაკებით, სენსორული ღილაკებით, სენსორული ეკრანით.


არსებობს აგრეთვე სარეცხი მანქანები სრული მექანიკური მართვით, მაგრამ  მათ უკვე შეასრულეს თავისი როლი. თანამედროვე  სარეცხი მანქანების მართვის პანელი შეიძლება აღჭურვილი იყოს კლასიკური გადამრთველებით, ღილაკებით, ეკრანებით. კავშირი სარ. მანქანასთან ხორციელდება ეკრანის მეშვეობით. ყველაზე მარტივ მოდელებს გააჩნიათ ინდიკატორები, რომლებიც გვიჩვენებენ გააქტიურებულ ფუნქციას. სარ. მანქანებში ასევე გვხვდება თხევადკრისტალური ეკრანები, რომლებზეც გამოისახება ციფრული და ტექსტური ინფორმაცია.

 

ბოლოს უნდა ითქვას სენსორული ეკრანების შესახებ, რომლებზეც არამარტო ინფორმაცია გამოისახება, არამედ შესაძლებელია მათი მეშვეობით მანქანის მართვა. ასევე ვიღებთ ტექსტურ შეტყობინებებს ჩვენს მიერ არჩეულ ენაზე.

 

 

7. დამატებითი ფუნქციები და ტექნოლოგიები

დაფიქრდით გჭირდებათ თუ არა სარეცხი მანქანის დამატებითი ფუნქციები, ისეთები როგორიცაა თეთრეულის გაშრობა, ვერცხლით სტერილიზაცია ან ორთქლით ნივთების დამუშავება. ამ ფუნქციების რეალიზება სარეცხ მანქანებში მოითხოვს დამატებითი ტექნოლოგიების შეყვანას, გააჩნია ბევრი პლიუსი, მაგრამ ზრდის ნაწარმის ფასს. ამასთან ამორჩევა მოგიწევთ მხოლოდ ერთის, საშრობის, ორთქლით დამუშავების ან ვერცხლით სტერილიზაციის.

 

 


შრობა


სარეცხი მანქანები საშრობით (კომბინირებული)-ეს ცალკე კლასია მოწყობილობის, რომლებსაც გამაცხელებელი ელემენტის გარდა, გააჩნია ვენტილატორი. მანქანა საშრობით აუცილებელია, თუ თქვენ სახლში არ გაქვთ თეთრეულის გაშრობის  საშუალება. აქტუალურია ასეთი მანქანები ოჯახებისთვის ვისაც ყავთ ბავშვები. ასეთი ტიპის ყველაზე მარტივი მანქანები თეთრეულს აშრობენ ტაიმერის საშუალებით, რეცხვის დამთავრების შემდეგ შრობისთვის გამოიყოფა განსაზღვრული დრო. უფრო განვითარებულ მოდელებს შეუძლია თეთრეულის გაშრობა სინესტის მიხედვით, მანქანა თვითონ განსაზღვრავს (სენსორების საშუალებით) შრობის ხანგრძლივობას. საშრობიანი მანქანის ამორჩევისას, ღირს ყურადღება მიაქციოთ შრობის პროგრამებს. ტრადიციული პროგრამების კრებული ითვალისწინებს შემდეგ რეჟიმებს: ,,გაშრობა უთოს ქვეშ" ,,მშრალი" ,,კარადაში", ხოლო ზოგიერთ მოდელში 11-მდე  გაშრობის პროგრამაა. ხშირად კომბინირებულ მანქანებში მაქსიმალური ჩატვირთვა გაშრობისას ორჯერ უფრო ნაკლები უნდა იყოს, ვიდრე რეცხვისას. მაგრამ თანამედროვე მოდელებში არის გამონაკლისებიც, რომლებშიც ჩატვირთვა შრობისა და რეცხვისას მცირედით განსხვავდება.

 


ორთქლით რეცხვა


ორთქლით დამუშავების ფუნქციის გამოყენება პირველმა სარეცხ მანქანებში დაიწყო კომპანიამ LG. ორთქლით რეცხვის ტექნოლოგია შესამჩნევლად ზრდის მანქანების ფუნქციონალურ შესაძლებლობებს. ორთქლით დამუშავება კლავს მავნე ბაქტერიებს და ზრდის რეცხვის ხარისხს. ორთქლით რეცხვის ფუნქციის მქონე მანქანებში, შეიძლება გაირეცხოს ისეთი დელიკატური ნივთები, როგორიცაა მაქმანი და აბრეშუმის თეთრეული. ასევე ეს სისტემა საშუალებას გვაძლევს სწრაფად  გავაახლოთ ტანსაცმელი: გავასწოროთ არსებული ნაკეცები და მოვაშოროთ არასასიამოვო სუნი.

 


ვერცხლის სტერილიზაციის ფუნქვია რეალიზებულია SILVER NANO ტექნოლოგიის საფუძველზე, რომელიც შეიმუშავა კომპანია SAMSUNG-მა, ეს პროგრამა დადებითად დამუხტული ვერცხლის იონების დახმარებით უზრუნველყოს 99,9 პროცენტით ბაქტერიების განადგურებას, ამასთან დეზინფიცირების ეფექტი შენარჩუნებულია შენახვისას 30 დღემდე, ხოლო ტანსაცმლის ტარებისას - 3 დღემდე. ამ სისტემის პლიუსია ის, რომ ის ანადგურებს მავნე  მიკრო ორგანიზმებს ქსოვილის დაუზიანებლად. ამასთან ერთად ,,ვერცხლით რეცხვა" უზრუნველყოფს, რომ  ტანსაცმელზე და მანქანის დოლურაში არ გაჩნდეს არასასიამოვნო სუნი.  ვერცხლის იონები რჩება რეცხვის შემდეგაც,  ეს კი ხელს უშლის იმ ბაქტერიების გავრცელებას, რომლებიც იწვევენ არასასიამოვნო სუნს.


 


უსაფრთხოება:


უპირველეს ყოვლისა ყუდადღება მიაქციეთ, რომ მანქანა აღჭურვილი იყოს გაჟონვის დამცავი სისტემით. იგი არსებობს სრული და ნაწილობრივი. გაჟონვის დამცავი სრული სისტემა ვრცელდება კორპუსზეც და  მილზეც, ხოლო ნაწილობრივი სისტემა ვრცელდება ერთ-ერთ მათგანზე.  მილები გაჟონვის დამცავი სისტემით შესაძლებელია შეიძინოთ ცალკე და გამოყენებულ იქნას ნებისმიერ მანქანაზე.

 


თუ თქვენთვის სარეცხის მანქანაში მნიშვნელოვანია, გაჟონვის დამცავი სისტემა, გაამახვილეთ ყუდაღება რომ მას გააჩნდეს შემდეგი ფუნქციები: Aquastop, aquaalarm, wetercontrol, aquablocksystem, ან waterproof. სხვადასხვა მწარმოებლებს გააჩნია ამ ფუნქციის სხვადასხვა საფირმო სახელწოდება და გვთავაზობენ მასთან ბრძოლის განსხვავებულ მეთოდებს. ხშირ შემთხვევაში გაჟონვისგან დაცვა ხდება შემდეგი სახით: სარ. მანქანაში წყალი მიეწოდება ორმაგი მილით, რომლის ბოლოში მოთავსებულია ელექტრომაგნიტური სარქველი, რომელიც მილის დაზიანების შემთხვევაში კეტავს წყლის მიწოდებას. სარეცხის მანქანის ჰერმეტულ ფსკერზე აგრეთვე განთავსებულია ტივტივა ან სენსორები, რომლებიც სითხის მოხვედრის შემთხვევაში უზრუნველყოფენ წყლის მიწოდების ავტომატურ გათიშვას.


 
სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ ჭურჭლის სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი

საიტის სრული ვერსია