შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ ავარჩიოთ DVD პლეერი

1. DVD-პლეერის ტიპები:

DVD პლეერის სასურველი მოდელი იმის მიხედვით უნდა ავარჩიოთ თუ რა ფუნქციები გვინდა, რომ  ჩვენს DVD-ის  ჰქონდეს. DVD-პლეერებს შეუძლიათ - CD-სა და DVD დისკების აღქმა, სხვადასხვა ფაილების ჩაწერა და ასევე რესივერის (მიმღების) ფუნქციის შესრულებაც.

 

ჩვეულებრივი DVD-პლეერი უკრავს ფაილებს მხოლოდ დისკებიდან, ხოლო უფრო  კომპლექსური მოდელი - DVD-ჩეინჯერი იძლევა  5დან-10მდე DVD-დისკის ერთ ჯერზე  ჩატვირთვის საშუალებას.  ასეთი მოდელები როგორც წესი აღჭურვილია დისტანციური მართვის პულტით, რაც საშუალებას გვაძლევს მარტივად გადავრთოთ პლეერში დისკები.   ჩეინჯერი ძალიან კომფორტულია მათთვის, ვინც  DVD-დისკზე ჩაწერილ მულტფილმებს, სერიალებს და სხვა გადაცემებსე ერთდროულად უყურებს.

 

VHS-პლეერში გაერთიანებულია ორი მოწყობილობა ერთდროულად, როგორც DVD -ს ფუნქციით ასევე კასეტის პლეერით. ასეთი პლეერი კომპაქტურია და მოსახერხებელი. შესაძლებელია აღჭურვილი იყოს ორი დისტანციური სამართავით ანუ პულტით. გარდა ამისა, ეს მოდელი შესაძლებელს ხდის ინფორმაციის გადმოწერას დისკიდან კასეტაზე(ფირზე).

 

 DVD-მიმღები(რესივერი) არის ჩვეულებრივი პლეერის და AV-დეკოდერის კომბინაცია, ციფრული რადიომიმღებით და მრავალარხიანი გამაძლიერებლით. ჩვეულებრივ ასეთი მოწყობილობა შეგიძლიათ შეიძინოთ კომპლექტში სახლის კინოთეატრთან, ის მარტივად შიფრავს DTS-ისა და  Dolby Digital-ის ციფრულ ფორმატს.

 

თუ თქვენ გინდათ  ვიდეო დისკზე ჩაწერა, შეიძინეთ DVD-ჩამწერი(recorder). მისი დახმარებით ადვილად ჩაიწერება ნებისმიერი ფილმი და გადაცემა. ტაიმერის არსებობა კი უზრუნველყოფს,  გარკვეული დროის მანძილზე, დამოუკიდებლად, თქვენი თანდასწრების გარეშე, ამა თუ იმ  პროგრამის ჩაწერას.

 

2. DVD-პლეერების კავშირი (კონექტორი):

DVD-პლეერი აღჭურვილი უნდა იყოს საჭირო ვიდეო-აუდიო კავშირებით(Jacks), ხმის   და გამოსახულების ხარისხიანი გადაცემისთვის, ტელევიზორთან დაკავშირებისთვის, აკუსტიკური (ხმის) სისტემისა და ციფრული საშუალებებისთვის.

 

გამოსაყენებლად უმჯობესია ციფრული შესასვლელ-გამოსასვლელი, ვინაიდან ანალოგურს გააჩნია შეზღუდვები ვიდეოსიგნალის გადაცემაში. ციფრული ინტერფეისი დაგეხმარებათ DVD-ის ხარისხის  მაქსიმალურ რეალიზაციაში.

 

პირველ რიგში ყურადღება მიაქციეთ თქვენი ტელევიზორის ტიპს. LCD ან პლაზმური პანელის ტელევიზორებს დასჭირდება DVD-პლეერი HDMI-კონექტორით. ეს არის ციფრული ინტერფეისი, რომელიც გადასცემს ციფრულ და ანალოგურ სიგნალს. ამ კონექტორების დახმარებით თქვენ მოგეცემათ საშუალება მაღალი ხარისხის გამოსახულების ხილვისა.

 

არსებობს რამდენიმე ტიპის კონექტორი: ყველაზე მარტივი ვარიანტი - ბუდე(RCA) ან კომპოზიციური გამოსასვლელი, რომელიც უზრუნველყოფს აუდიო და ვიდეო სიგნალის გადაცემას. RCA-თი ვიდეოსიგნალის გადაცემისას სიკაშკაშის და ფერადოვნების კომპონენტები შერეულია. უფრო მაღალი ხარისხის გამოსახულების გადაცემას უზრუნველყოფს S-Video პორტი, რომელშიც  სიკაშკაშის და ფერადოვნების მაჩვენებელი ერთმანეთისგან გამოყოფილია. SCART-ეს არის უნივერსალური კონექტორი, რომელიც ახორციელებს ვიდეო, აუდიო სიგნალების გადაცემას და ასევე ბრძანებების კონტროლს. ეს კონექტორი ძალზედ მოსახერხებელია, რადგანაც არ საჭიროებს დიდი რაოდენობით მავთულს. ციფრულ ფოტოაპარატთან დაკავშირებისთვის პლეერს უნდა ჰქონდეს USB-კონექტორი, ასევე ამისთვის შეიძლება გამოიყენო Bluetooth ან ინფრაწითელი პორტი. DVD-პლეერი შეიძლება აღჭურვილი იყოს შემდეგი სახის კონექტორებით - SD, MMC, MS, SM, XD, CF, MD, MS pro -სტანდარტებით მეხსიერების ბარათებისთვის.

 

3. ხმის გადაცემა:

DVD-პლეერის არჩევისას ყურადრება ექცევა ხმის გადაცემას დინამიკებით. ხარისხიან DVD-პლეერს ადვილად შეუძლია ჩაანაცვლოს CD და MP3 პლეერი. DVD-ფორმატში ყველა ფილმი აღჭურვილია ხმოვანი ჩანაწერით არა 2 არხზე არამედ 6 არხზე, რაც იძლევა საშუალებას ჟღერადობა გახადოს უფრო ძლიერი და მოცულობითი.

 

საუკეთესო ჟღერადობას უზრუნველყოფს აკუსტიკური სისტემა, რომელიც სახლის კინოთეატრის ნაწილია. ის გადასცემს აუდიოსიგნალს Dolby Digital 5.1 სტანდარტის მსგავსად. არხები იყოფა მარჯვენა-მარცხენა წინა, მარჯვენა-მარცხენა უკანა, ცენტრალური არხი და საბ ბუფერი (ბასი). 5.1-აკუსტიკის დაკავშირებისთვის დაგჭირდებათ AV-რესივერი (მიმღები) ან AV-გამაძლიერებელი. თქვენ ასევე შეგიძლიათ  DVD-პლეერი დაუკავშიროთ მუსიკალურ ცენტრს ან პირდაპირ ტელევიზორს. ამ შემთხვევაში, ხმის გადაცემის ხარისხს  ტელევიზორის გამაძლიერებლები განსაზღვრავენ.

 

4. ფორმატები:

რაც უფრო მეტი ფორმატის აღქმის საშუალება აქვს თქვენს DVD-პლეერს, მით უფრო  მეტ სხვადასხვა ფაილთან მუშაობის საშუალებას გაძლევთ  ის.  ყურადღება მიაქციეთ აუდიო და ვიდეო ფაილების  და ასევე გრაფიკული გამოსახულების აღქმას.

 

ხარისხიანმა პლეერმა უნდა  აღიქვას DVD-დისკები ფილმებით, ასევე ჩვეულებრივი CD  სხვადასხვა ფორმატში ჩაწერილი სიმღერებით (MP3, WAV, WMA), ასევე დისკები ფორმატით - Xvid, DivX, MPEG4. გრაფიკული გამოსახულების ფორმატები  JPEG და BMP - ხელს შეგიწყობთ წაიკითხოთ სურათები ციფრული მოწყობილობებიდან. აუდიოფორმატები DolbyDigital (DD 5.1) ან  DTS საჭიროა მოცულობითი ხმის გადაცემისთვის.

 

5. DVD-პლეერის მართვა:

ფუნქციონალური თანამედროვე DVD-პლეერი უნდა იყოს აღჭურვილი უბრალო და მოხერხებული მართვის მენიუთი. თქვენი ინდივიდუალური მოთხოვნების შესაბამისად.

 

მართვის მენიუ გაძლევთ საშუალებას  აირჩიოთ გამოსახულების ფორმატი:  16:9 (Wide) - ფართოეკრანიანი ტელევიზორისთვის, ხოლო 4:3 PS ან  4:3 LB - ჩვეულებრივისთვის. თქვენ შეგიძლიათ აირჩიოთ ტიპი: stop -კადრი field - ვიდეოკამერაზე გადაღებული გამოსახულებისთვის ან frame - კინოფილმისთვის.

 

მნიშვნელოვანია რომ DVD-პლეერს შეეძლოს ინფორმაციის წაკითხვა შერეული დისკების, სხვადასხვა ფორმატის ფაილებიდან. ასევე თანამედროვე პლეერებს შეუძლიათ ნებისმიერ მომენტში სრული მონაცემების აღქმა და ამ ინფორმაციის გადმოცემა. ნემისმიერი DVD-პლეერის ფუნქციაა დააჩქაროს დათვალიერების პროცესი, მაგრამ უპირატესობა ენიჭება მოდელებს, რომლებიც ამას ასრულებენ ჰარმონიულად, რაც საშუალებას იძლევა გავამახვილოთ ყურადღება საყვარელ სცენებზე. აუცილებელია გავითვალისწინოთ  DVD-პლეერის ფუნქცია, როდესაც მას  შეუძლია განაახლოს ჩვენება შეწყვეტილი ადგილიდან, გამორთვის შემთხვევაშიც კი.

 

თუ დისკზე ჩაწერილია რამდენიმე აუდიოტრეკი და და სხვადასხვა ტიტრი, პლეერი იძლევა საშუალებას აირჩიოთ სასურველი. DVD-დაგეხმარებათ ჩვენების სიჩქარის დარეგულირებაში, პაუზის რეჟიმში გადასვლაში. ზოგიერთ ახალ მოდელს გააჩნია უკანასკნელი 10-60 ვიდეოს, გამეორების ფუნქცია, ეს ფუნქცია კარგია მაშინ თუ თქვენ  გარკვეული დროით ტელევიზორის ყურებას მოწყდით.

 

ზოგიერთი DVD-პლეერი საშუალებას გვაძლევს ჩვენ თვითონ დავარეგულიროთ სიკაშკაშის მაჩვენებელი, კონტრასტულობა და ფერები.

 

6. კარაოკე:

კარაოკე კიდევ ერთი დამატებითი ფუნქციაა, რომლითაც აღჭურვილია ბევრი DVD-პლეერი. კარაოკე მოგცემთ საშუალებას მეგობრებთან ერთად შექმნათ საყვარელი სიმღერების სია, დაახარისხოთ კომპოზიციები სათაურის, ჟანრის, შემსრულებლის, ასევე სიმღერის ავტორის მიხედვით. ჩვეულებრივ სიმღერების დისკი გამოდის პლეერთან კომპლექტში, სადაც 100-დან 5000-მდე  სიმღერა შეიძლება იყოს. ასევე ნაკრები შეიცავს ერთ ან ორ უსადენო მოკროფონს.

სხვა რჩევები
როგორ ავარჩიოთ LCD (თხევადკრისტალური) ტელევიზორი
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ჭურჭლის სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი
საიტის სრული ვერსია