შემოგვიერთდით Facebook_ზე და მიიღეთ პასუხი ნებისმიერ კითხვაზე
Geo Eng
უკან
როგორ ავარჩიოთ LCD (თხევადკრისტალური) ტელევიზორი

1. დიაგონალი:

LCD-ტელევიზორების შერჩევა უნდა დავიწყოთ მისი დიაგონალის ზომის განსაზღვრით. სამზარეულოს ან საბავშვო ოთახს კარგად ერგება  LCD-ტელევიზორები, რომელთა დიაგონალი არის 19-20" დიუმი(1დიუმი= 2.54სმ)  საძინებელსა და სასტუმრო ოთახისთვის ოპტიმალურია 26-37"(დიუმი),   ხოლო სახლის კინოთეატრისთვის ამოირჩიეთ ტელევიზორები 40"(დიუმიდან ზემოთ).

 

თქვენ გჭირდებათ ტელევიზორი საძინებელში ან სასტუმრო ოთახში, რომლის კვადრატულობა 10კვ. მეტრიდან იწყება?! შეარჩიეთ მოდელები, რომელთა ეკრანის დიაგონალი არის 26, 32, 37 დიუმი და მეტი. საერთოდ, ასეთ ტელევიზორებში ჩვეულებრივ მეტი ფუნქციაა, ასევე ამ მოდელებს იყენებენ სხვადასხვა თამაშებისთვის, მაგ. Playstation, X-Box.

 

სახლის კინოთეატრისთვის თქვენ დაგჭირდებათ ტელევიზორი  დიაგონალით 40" (დიუმი) და მეტი. მაგრამ ასეთი მოდელების შეძენა სასურველია იმ შემთხვევაში თუ მანძილი მაყურებელსა და  ტელევიზორს შორის  3 მეტრი ან მეტია.

 

2. რეზოლუცია (გარჩევადობა): FullHD & HD Ready

ტელევიზორის ერთ-ერთი უმთავრესი ტექნიკური მახასიათებელი მატრიცის გარჩევადობაა, რომელიც აღინიშნება ორი ციფრით:  პირველი ციფრი აღნიშნავს - პიქსელის რაოდენობას ეკრანის სიგანეზე, ხოლო მეორე კი - სიმაღლეზე. რაც  უფრო მაღალია გარჩევადობა - მით  მეტია პიქსელების რაოდენობა ანუ ეკრანზე უფრო მკაფიო გამოსახულებას ხედავთ.

 

ბევრი თანამედროვე  ტელევიზორის სპეციფიკაში შეიძლება შევხვდეთ ტერმინებს Full HD & HD Ready.

 

Full HD-ს შეესაბამება გარჩევადობა 1920x1080 პიქსელი, რაც იმას ნიშნავს, რომ  თქვენი ტელევიზორის ეკრანზე 2მლნ-მდე პიქსელია. (ეს 5-ჯერ უფრო  მეტია ვიდრე ჩვეულებრივი სატელევიზიო სიგნალი).   ეს მკაფიო გამოსახულების ფორმატია, რომელიც საშუალებას იძლევა უყუროთ გადაცემებს HDTV-ფორმატში, ხოლო  ვიდეოებს Blu-Ray დისკებიდან.

 

HD Ready - ტელევიზორების ფორმატში (1366x768)  ეკრანზე პიქსელების რაოდენობა საშუალოდ 1მლნ-პიქსელია, ეს კი იმას ნიშნავს, რომ  შესაძლებელია მკაფიო გამოსახულების სიგნალის მიღება.

 

3. სიკაშკაშე, კონტრასტულობა და ხედვის კუთხე:

LCD-ტელევიზორების მნიშვნელოვანი მაჩვენებლები- სიკაშკაშე და კონტრასტულობა. ამ პარამეტრების ციფრები მეტყველებს ფერების ხარისხიან გადაცემაზე და სხვადასხვა განათების პირობებში ტელევიზორის კომფორტული ჩვენებაზე. ხედვის კუთხის სიგანეზე დამოკიდებული იქნება, რამდენად კარგად დაინახავთ გამოსახულებას თუ  დადგებით არა ეკრანის პირდაპირ არამედ ოდნავ გვერდით.

 

დავიწყოთ სიკაშკაშიდან: რაც უფრო მაღალია ამ პარამეტრის აღმნიშვნელი  ციფრი მით უფრო თავისუფალი არჩევანი გექნებათ იმისა თუ ოთახის რომელ ადგილას განათავსოთ LCD-ტელევიზორი. იმ შემთხვევაში თუ ტელევიზორის დადგმას აპირებთ ფანჯრის პირდაპირ ან მკაფიო  განათების პირობებში, მაგ. სამზარეულოში, აირჩიეთ უფრო მკაფიო მოდელი 450-დან 500კანდელი(სიკაშკაშის საზომი ერთეული) .

 

ტელევიზორის კონტრასტულობის მაჩვენებელი ციფრები მეტყველებენ თეთრ და შავ პიქსელებს შორის განსხვავებაზე. ტექნიკურ მახასიათებლებში ისინი აღინიშნებიან თანაფარდობით 100 : 1, ეს ნიშნავს რომ ყველაზე მკაფიო სურათები 100-ჯერ განსხვავდებიან მუქი სურათებისგან. აქედან გამომდინარე, რაც უფრო მაღალია პირველი ციფრი, მით უფრო მეტ სხვადასხვა სახის ფერთა კონტრასტს იხილავთ ეკრანზე. არსებობს კიდევ ერთი სახის კონტრასტის თანაფარდობა - დინამიური კონტრასტულობა. ეს მაჩვენებელი ყოველთვის უფრო მაღალია ვიდრე სტატისტიკური კონტრასტულობის ციფრები. ეს  არის მონიტორის  უნარი ავტომატურად შეცვალოს ნათელი ფერების სიკაშკაშე და მუქი ფერების სიღრმე გამოსახულების მიხედვით. მაღალი, დინამიური კონტრასტულობა  ვიზუალურად საგრძნობლად აფართოვებს გამოსახულების ფერად გამას.

 

ხშირ შემთხვევაში ტელევიზორს რამდენიმე ადამიანი ერთად უყურებს, შესაბამისად, ისინი სხდებიან ოთახის სხვადასხვა ადგილას და არა ეკრანის პირდაპირ.  უნდა გვახსოვდეს, რომ რამდენადაც დიდია ტელევიზორის ხედვის კუთხე, იმდენად კონტრასტულია გამოსახულება. მოდელებს, რომელთაც აქვთ ხედვის კუთხე 170 გრადუსზე ნაკლები,  მორგებულია ერთ მაყურებელზე. იმ შემთხვევაში თუ თქვენ გყავთ დიდი ოჯახი ან გიყვართ ტელევიზორის ყურება მეგობრებთან ერთად, მაშინ შეარჩიეთ ტელევიზორი, რომლის ხედვის კუთხე აღემატება 178 გრადუსს.

 

4. დაყოვნება:

LCD-ტელევიზორების მნიშვნელოვანი  მაჩვენებელი არის  პიქსელის აქტიურობის დრო. რამდენადაც ეს დრო მცირეა იმდენად სწრაფად შეიცვლება თითოეული პიქსელის გამჭვირვალობა, ხარისხის დაკარგვის გარეშე. საზომი ერთეული - მილიწამია (millisecond).

 

თუ დაყოვნება 8 მწ-ზე მეტია, შესამჩნევია ბუნდოვანი გამოსახულება. ტელევიზორებს დიდი დიაგონალით,  სასურველია ჰქონდეს 5მწ-ზე ნაკლები დაყოვნება.

 

ტექნოლოგია 100hz, რომელიც გამოიყენება ზოგიერთი მოდელის ტელევიზორებში ზრდის ინფორმაციის რაოდენობას, რომელიც აისახება ეკრანზე.  იმ შემთხვევაში თუ ორიგინალურ კადრებს დავამატებთ შუალედურ გამოსახულებას, მიიღება უმაღლესი ხარისხი.

 

5. TV-ტიუნერი (მიმღები):

ეს არის მოწყობილობა, რომელიც დეკოდირებას უკეთებს შემოსულ სიგნალს და გარდაქმნის მას "აღსაქმელ" გამოსახულებად. ადრე ტიუნერებს ამონტაჟებდნენ ყველა ტელევიზორში. ახლა კი მწარმოებელი ტოვებს არჩევანს ჩვენზე - გჭირდებათ თუ არა ტიუნერი და როგორი. სატელიტური და საკაბელო ტელევიზიის მომხმარებელისთვის, ტიუნერის არსებობა სავალდებულო არ არის. შეერთების ტიპის მიხედვით ტიუნერი შეიძლება იყოს: ანალოგური და ციფრული.

 

ჩამონტაჟებული ანუ ანალოგური ტიუნერი უფრო გავრცელებული ტიპია. მთავარი მისი უპირატესობა არის შეუმჩნეველობა და მარტივი გამოყენება. ყველა საჭირო კონექტორი  ტელევიზორის უკანა და გვერდითა პანელზეა განთავსებული.

 

გარე ტიუნერებს აქვთ რამდენიმე უპირატესობა, უპირველეს ყოვლისა, თქვენ დამოუკიდებლად შეგიძლიათ ამოირჩიოთ მწარმოებელი და ფორმატის ტიპები, მეორეც, არის საშუალება შევცვალოთ ტიუნერი უფრო თანამედროვე მოდელით.

 

მსგავსი ტიუნერი ჩამონტაჟებულია ყველა LCD-ტელევიზორში, ის იღებს  სიგნალს ანტენით და შიფრავს მას. არსებობს სხვადასხვა ტიპის ციფრული ტიუნერი,  ყველაზე გავრცელებული სტანდარტი არის - DVB-T.

 

6. LCD-ტელევიზორების პორტები:

ტელევიზორი დღეს მარტო ანტენიანი ყუთი არაა, ეს ნამდვილი მულტიმედიური ცენტრია სახლში, რომელთანაც მიერთებულია პლეერები, სათამაშო კონსოლები, მეხსიერების ბარათები და ა.შ.. რაც უფრო მეტი ინტერფეისი ექნება თქვენს LCD-ტელევიზორს, მით მეტია მისი მოხმარების შესაძლებლობა.

 

ანალოგური კონექტორები: S-Video, კომპოზიტური, კომპონენტური და SCART, ეს პრაქტიკულად ყველა თანამედროვე ტელევიზორს აქვს, მაგრამ მათ მიერ გადაცემული სიგნალი არ არის საუკეთესო ხარისხის. ასე რომ, თუ გსურთ ისარგებლოთ თქვენი ტელევიზორის ყველა დამახასიათებელი თვისებით აირჩიეთ მოდელები ციფრული კონექტორით. DVI-პორტი კომპიუტერიდან ვიდეო სიგნალის მიღების საშუალებას მოგცემთ.

 

თუ  გსურთ მიიღოთ მაქსიმალური ხარისხი, თქვენ გჭირდებათ ინტერფეისი-HDMI.

სხვა რჩევები
როგორ ავარჩიოთ LED ტელევიზორი
როგორ ავირჩიოთ 3D ტელევიზორი
როგორ ავირჩიოთ პლაზმური ტელევიზორი
როგორ ავირჩიოთ ციფრული ფოტოაპარტი
როგორ ავირჩიოთ ვიდეოკამერა
როგორ ავარჩიოთ DVD პლეერი
როგორ ავარჩიოთ Blu-ray პლეერი
როგორ ავირჩიოთ სახლის კინოთეატრი
როგორ ავირჩიოთ მობილური ტელეფონი
როგორ ავირჩიოთ რადიოტელეფონი
როგორ ავარჩიოთ ნოუთბუქი
როგორ ავირჩიოთ მონიტორი
როგორ შევარჩიოთ კომპიუტერის კომპონენტები
როგორ ავარჩიოთ პრინტერი
როგორ ავირჩიოთ მაცივარი
როგორ ავირჩიოთ სარეცხი მანქანა
როგორ ავირჩიოთ ჭურჭლის სარეცხი მანქანა
როგორ ავირჩიოთ ქურა
როგორ შევარჩიოთ გამწოვი
როგორ ავარჩიოთ კონდიციონერი
როგორ შევარჩიოთ წყლის გამაცხელებელი
როგორ შევარჩიოთ ელექტრო ღუმელი
როგორ შევარჩიოთ გამათბობელი
როგორ ავარჩიოთ მტვერსასრუტი
როგორ შევარჩიოთ გამათბობელი
როგორ ავირჩიოთ გაზქურის ზედაპირი

საიტის სრული ვერსია